युवा दर्पण लाईव्ह बातमीपत्र:19/11/25; 25 लाखांची फसवणूक करणारा जेरबंद तर "ते"दोन अधिकारी सस्पेंड скачать в хорошем качестве

युवा दर्पण लाईव्ह बातमीपत्र:19/11/25; 25 लाखांची फसवणूक करणारा जेरबंद तर "ते"दोन अधिकारी सस्पेंड

स्वस्तात विमानाची तिकिटे काढून देतो अशी बतावणी करून २५ लाखांची फसवणूक करणाऱ्यास बीड शहर पोलिसठाण्याच्या डीबी पथकाने लोणावळ्यातून अटक केली आहे ,तक्रारदार अण्णासाहेब गोटीराम राठोड यांचा मुलगा विदेशात शिक्षणासाठी राहत असून, त्याच्या येण्या-जाण्यासाठी विमानाची तिकिटे स्वस्तात मिळवून देतो अशी खात्री देत आरोपीने तक्रारदाराची तब्बल ₹२५,लाख रुपये एवढ्या रकमेची फसवणूक केली होती. गुन्हा दाखल झाल्यानंतर आरोपी हा फरार होता आणि बराच काळ सापडत नव्हता. बीड शहर पोलीस ठाण्याच्या पथकाने तातडीने तांत्रिक तपास आणि गुप्त माहितीच्या आधारे आरोपीचा शोध लावून अटक करण्यात यश मिळवले आहे.ही कारवाई पोलीस अधीक्षक श्री नवनीत काँवत यांच्या मार्गदर्शनाखाली, अपर पोलीस अधीक्षक श्री सचिन पांडकर, उपविभागीय पोलीस अधिकारी श्रीमती पूजा पवार यांच्या देखरेखीखाली करण्यात आली. या कारवाईत पोलीस निरीक्षक शीतलकुमार बल्लाळ यांच्या मार्गदर्शनाखाली पोलीस उपनिरीक्षक महेश जाधव, गहिनाथ बावनकर, राम पवार यांचा विशेष सहभाग होता.तर “स्वस्तात विमानाची तिकीट मिळेल”, “परदेशात नोकरी लावून देतो”, “मोठा माल स्वस्तात देतो” अशा कोणत्याही आमिषावर विश्वास ठेवू नये.तसेच मोठी रक्कम देताना खात्री करूनच व्यवहार करावा. संशयित वाटल्यास त्वरित पोलिसांशी संपर्क साधावा असे आवाहन बीड पोलीसांच्या वतीने सर्वसामान्य नागरिकांना करण्यात आले आहे .