[幾分鐘變專家]薑餅點樣成為聖誕主角？答案原來好驚喜，中世紀到童話嘅奇幻旅程 скачать в хорошем качестве

[幾分鐘變專家]薑餅點樣成為聖誕主角？答案原來好驚喜，中世紀到童話嘅奇幻旅程

聖誕節一到，四周圍都係薑餅——薑餅屋、薑餅人、薑餅曲奇。你有冇諗過，點解偏偏係薑餅成為聖誕指定角色，而唔係朱古力曲奇或者蛋撻？今集《幾分鐘變專家》，力高就帶你穿越時空，由中世紀十字軍行軍講到英國皇宮生活，再由德國聖誕市集去到美國民間故事，完整追蹤薑餅嘅文化旅程。故事由十字軍開始：寒冬行軍嘅士兵，因為一杯薑同香料嘅熱飲而暖返過嚟，無心插柳將薑帶返歐洲。之後，修道院僧侶將薑同蜜糖、香料混合麵粉，焗出新款糕點，慢慢演變成薑餅。去到德國紐倫堡，薑餅更成為聖誕市集嘅指定食品，仲有咗薑餅屋嘅傳統。薑餅人嘅誕生，就要數到英女王伊麗莎白一世。佢要求烘焙師將薑餅整成外賓人像，送俾客人，成為一種「甜蜜外交」。慢慢，薑餅人由宮廷娛樂流傳到民間，成為節日同慶典嘅代表。去到19世紀美國，《The Gingerbread Man》故事首次登場，薑餅人有咗性格、有台詞、有命運，仲教小朋友做人要謙虛。自此，薑餅人由一塊餅，變成咗一個文化符號，透過童話、卡通、電影走遍世界。影片最後，力高仲用薑餅人作比喻：做人可能只係一塊「普通小餅」，但只要肯諗吓計仔，走出舒適圈，你嘅故事可能仲犀利過薑餅。🎄 預祝大家聖誕快樂！如果你鍾意呢條片，記得撳個 like 同訂閱，仲可以留言話我知你仲想聽邊啲食物背後嘅故事。下個星期日再見！