Rahbar va yoshlar uchrashuvi скачать в хорошем качестве

Rahbar va yoshlar uchrashuvi

Joriy yilning 12-mart kuni Yangiyer shahar texnikumida Sirdaryo viloyati Davlat arxivi boshqarmasi boshlig‘i Dilfuza Uralova ishtirokida “Rahbar va yoshlar” uchrashuv tashkil etildi. Mazkur tadbirda texnikum o‘quvchilari, faol va tashabbuskor yoshlar hamda pedagoglar ishtirok etdi. Uchrashuv davomida Dilfuza Uralova yoshlar bilan samimiy muloqot qilib, o‘zining hayotiy tajribasi, mehnat faoliyati davomida duch kelgan qiyinchiliklar hamda ularni yengib o‘tish yo‘llari haqida so‘zlab berdi. Shuningdek, ayol rahbar sifatida muvaffaqiyatga erishish omillari, bilim va mehnatning ahamiyati, yoshlarning kelajak taraqqiyotidagi o‘rni haqida alohida to‘xtalib o‘tdi. Tadbir davomida yoshlar ham faol qatnashib, o‘z taklif va tashabbuslarini bildirdilar. Ta’lim, kasbiy rivojlanish hamda yoshlarni qo‘llab-quvvatlashga oid qator masalalar muhokama qilindi. Ko‘tarilgan masalalar yuzasidan fikr almashilib, ularni ijobiy hal etish bo‘yicha tegishli chora-tadbirlar belgilab olindi.