Xpert — MAKAR10 (Full Albom) скачать в хорошем качестве

Xpert — MAKAR10 (Full Albom)

"Makar10" albomuna daxil olan bütün treklər yer alır. Spotify: https://sptfy.in/x26w Sənətçi: Xpert Janr: Underground Rap Baş prodüser: A4 (Beat Engine / T.Or) Buraxılış tarixi: 11.11.2011 Makar10 — yerli yeraltı repə tərz gətirən kult albomlardan biridir. (2009–2010) Online forumda eyni dalğada olan iki user hip-hop mədəniyyəti çərçivəsində ciddi fikir alış-verişinə başlayırlar. Şəhriyar (Xpert / forumdakı ləqəbi A.F.Expert) ədəbiyyat təhsili alan, çox həvəsli rep dinləyicisi, Orxan (A4 / forumdakı ləqəbi T.Or) isə reper və beatmaker kimi fəaliyyət göstərirdi. Qısa zamanda Rakim, Wu-Tang, Jedi Mind, Immortal Technique, Bone Thugs-n-Harmony, DMX, Onyx kimi bir sıra rep artist və qrupların bioqrafiyaları Azərbaycan dilinə tərcümə edilir, məqalələr yazılır. Tanışlıq öncə dostluq münasibətinə, daha sonra Orxanın Şəhriyara “Məncə sən də rep deyə bilərsən” təklifi ilə studiya işinə çevrilir. Xpert, A4 tərəfindən B.I.Z. Brotherhood-a dəvət alır. Makar10 albomunun introsunda Jay Meel-in dediyi “Onu qardaşlığa götürdülər” cümləsi bu hadisəyə vurğudur. Universitet illəri boyunca A4 ilə yazıb-pozur, yeraltı rep partilərində çıxışlar edir, mədəniyyət adına bir çox addımlar atırlar. Şəhriyar repi sevsə də ifaçılığa ötəri həvəs kimi baxır. Hərbi xidmətdən sonra fəaliyyətini dayandırmağı, ixtisası üzrə iş tapıb şəxsi həyatını qurmağı hədəfləyir. Təxminən iki il ərzində yığılan materialı isə həmin günlərdən qalan “xatirə albom”a çevirib Xpert səhifəsini bağlamağı düşünür. Elçin (Naqan) ilə söhbət əsnasında ortaya çıxan “Saxta qanqsterin gülləsi içi boş makaron dənəsi kimidir” cümləsini albomun sloqanına çevirib konsepti bu ana fikir üzərinə inşa edir. Lazımi fotolar Difai qrupunun üzvü Sin (Cavid) tərəfindən çəkilir. A4 (Beat Engine) albomun bütün prodüser işini öz üzərinə götürür, mix-masterinqləri edir, coveri (dizayner: RussGFX) hazırladır. Şəhriyar hərbi xidmətdə olduğu vaxt Makar10 yayımlanır (11.11.2011) və hesabda olmayan hadisələr bir-birini izləməyə başlayır. Sosial şəbəkələrdə gənclər arasında maraqla qarşılanan albom 300 nüsxə satılır. Bu say o dövr “no-name” reper üçün kifayət qədər ciddi rəqəm sayılırdı. Bir neçə ay sonra xidmətdən qayıdan Xpert üçün artıq heç nə əvvəlki kimi deyildi. Bakı ləhcəsi, aqressiv-duyğusal tələffüz, ənənədən kənar qafiyə sxemi rep dinləyiciləri ilə yanaşı meyxana sevən kütləyə də doğmalıq hissi vermişdi. Şəhriyar rep-meyxana tandemini kommersiya istiqamətinə yox, underground xəttinə çəkərək öz dinləyicisini formalaşdırmağı bacarmışdı. Bəlkə də heç vaxt eyni layihədə bir araya gəlməyəcək fərqli çevrələri təmsil edən sənətçilərin eyni layihədə görünməsi, Makar10-un o dövr üçün nə qədər mərkəzləşdirici bir güc olduğunu göstərir: R.O.C qrupundan Okaber, Sumqayıt repinin kreativ gənclərindən formalaşan İstiqlal, reformist beyinlərin sevib dinlədiyi Biq-H (Offside), Xan, Difai, rusdilli gənclərin də üzvü olduğu Kavkaz Clan, özlərini Bone Thugs-n-Harmony-nin yerli filialı hesab edən Black Life, Nərimanovun sərt şairlərindən ibarət Qanun, RnB ifaçısı Jay Meel. Bu müxtəlifliyi bir albomda birləşdirən əsas cazibə mərkəzi Şəhriyarın özüdür. “Mən Makar10-dan bəri Xpert dinləyicisiyəm” cümləsi albomun kult statusunu ən qısa formada ifadə edən təqdimat cümlələrindən biridir. “Get Də, Başım Ağrıyır” Xpertin ilk solo trekidir və alboma sonradan (2021) daxil edilib. Dinləyicilər bu treki “X (Eks) tərzi” deyilən stilin ilk nümunəsi sayır. Albomun tam versiyasının rəqəmsal məcraya hazırlanması prossesində art direktor Mikaelzadé, konsultantlar Hüseyn Zərdabi və E.Q., menecer isə İsmayıl Zeynalzadədir. 00:00 - Osi Baba 00:35 - Deyil 02:36 - Boş Şeydi, Dostum 06:34 - Sarkoma 09:00 - Xcavator 11:41 - Maldı Bunlar 13:06 - Restindiss 16:42 - Gemodez 20:06 - İynə 2 23:07 - Makar10 26:26 - Təkər 30:17 - Pinqvinlərə Məktub 34:17 - Biq Mak 37:24 - Arzulamışdım 41:34 - Get də, Başım Ağrıyır 44:08 - Balıq ©/℗ 2021 — 101 Moon Records Diqqət! Vacib xəbərdarlıq: Bu albomda söyüşlü ifadələr mövcuddur. Siqaret çəkmək sağlamlığa zərərlidir.