Көктемгі аяз халықты біраз әбігерге салды скачать в хорошем качестве

Көктемгі аяз халықты біраз әбігерге салды

Көктемде күрт өзгерген ауа райы құтқару қызметін бір сәтке қалғытпады. Соңғы тәулікте қарға көміліп, жолдан адасып, қатынассыз қалған 800-ге жуық адам құтқарылған. Әсіресе елдің солтүстік аймағы мен Қарағанды өлкесі өткелсіз аймаққа айналды. Қар көлігінің өзі жете алмай тіпті тікұшақ тартуға тура келді. Әріптесім Нұрадин Рақай табиғаттың тосын мінезіне тап болғандар мен синоптиктердің болжамын білді. Қары да қара суығы да қатар болған табиғаттың тосын мінезі тас жол біткенді тайғақ кешу етті. Бораны үдеп, тұманы тұмшалап бірқатар облыстар қатынассыз қалды. Бір ғана Астана қаласының өзінде жол апаты бұрын-соңды тіркелмеген рекордтық санға жетті. ЗУХРА РЫСҚАЛИЕВА, Астана қаласы полиция департаменті бөлімінің аға инспекторы: Тәуліктің басынан бері елордада 100-ден аса жол көлік оқиғасы тіркелді. Жүргізушілерге жылдамдық режимін және арақашықтықты қатаң сақтау, күрт маневр жасамау, рөлде мұқият сақ болу ұсынылады. Жел екпіні Астанадағы көпқабатты үйдің қасбетін жұлым-жұлым етті. Баспананың жылу сақтағыш бөлігі түгел сыпырылып түсті. Ал Ұлытау облысында жоғалған екі адам 100 шақырым жерден қарға көмілген күйінде көлік ішінде табылды. Жол жабылып Жезқазғанға жете алмаған науқасқа Қазавиация тікұшағы тартылды. Ал соқыр тұманға тап болған автокөліктерге төрт шақырым жаяу жол көрсеткен павлодарлық әйелдің ерлігі ел аузында. Ол Ақсу автожолында көру мүмкіндігінің шектелуіне байланысты кептелген көліктердің алдында жүріп, көпшілікті таң қалдырды. Ақтөбе, Қостанай, Ақмола және Солтүстік Қазақстан облыстарында құтқару қызметінің телефонына тұрғындар тыным таптырмады. Бірнеше қала мен аудандарға барар жолды боран бөгеп қатынас қиындаған. Жел екпінінің жойқын болғаны соншалық кішкентай балаларды арқалап тасуға тура келді. Ең көп жолда қалған жолаушылар Қарағанды облысында болды. ЕРКІН ОТАРҒАЛЫМҰЛЫ, Қарағанды облысы тжд бастығының орынбасары: Қар құрсауында қалған көліктермен жолда тұрып қалған автокөліктегі 407 адам оның ішінде 23 бала құтқарылды. Облыс аумағында дауылды ескерту әлі жалғасуда. Ауа температурасының 30 градусқа дейін төмендеуі қатты жел, боран, тұман, көктайғақ күтілуде. НҰРАДИН РАҚАЙ, тілші Қолайсыз ауа-райының әбігері көп болғанмен абырой болғанда адам шығыны жоқ. Синоптиктер ертеңнен бастап үскірік аяздың беті бері қарайды деп болжайды. Демалыс күндері оңтүстік өңірлер жылынып, ауа температурасы 10 градусқа дейін көтеріледі деп отыр #Информбюро #31арна #БастыЖаңалықтар #Новости #31канал