李兆基離世丨四叔娶新抱豪派千五萬成佳話 多年營商不忘行善回饋社會 скачать в хорошем качестве

李兆基離世丨四叔娶新抱豪派千五萬成佳話 多年營商不忘行善回饋社會

人稱「四叔」嘅恆基兆業地產集團創辦人李兆基，3月17日喺家人陪伴下與世長辭，享壽97歲。離世前擁近2300億身家，穩座香港富豪第二位。四叔喺2019年5月底，以91歲之齡宣布榮休，交棒畀兩位兒子李家傑同李家誠出任集團聯席主席，之後四叔甚少露面。至於後事安排則有待家族再另行公佈。 四叔生於廣東順德，出自金舖世家，家中排第四，自小學習經商。1948年，20歲嘅四叔帶著1000元來香港闖蕩，憑多年黃金買賣經驗於中環營商，成功賺到第一桶金。白手興家嘅佢，喺60年代，與郭得勝以及馮景禧組成地產三劍俠，共同開發房地產市場。其後四叔自立門戶創立恆基兆業地產，並於1981年上市，逐步建立起地產王國。 除咗係「地產大王」外，四叔喺2007年轉攻股市，由於投資眼光獨到，多次預測本港股市，並公開佢投資股票貼士，因而有「亞洲股神」之稱。不過喺2008年，佢喺金融海嘯失手，市場估計旗下兆基財經損失近一半資產，四叔自嘲係「冒牌股神」。 四叔多次分享4點致富之道，強調賺錢都要識使錢。宅心仁厚、樂善好施嘅四叔，一生捐贈數以十億計畀教育同社福機構，對慈善事業不遺餘力， 2007年獲香港特區政府頒發大紫荊勳章，表彰佢畢生嘅貢獻。 四叔同前妻劉惠娟育有五名子女，二兒子李家誠喺2006年與藝人徐子淇結婚，兩人舉行傳聞花費高達七億嘅奢華婚禮，四叔為咗慶祝兒子婚禮，更破天荒向旗下員工，每位豪派一萬元利是，總計派發咗1500萬元，非常豪氣，更被員工大讚是絕種好老闆。 徐子淇婚後分別喺07年同09年誕下兩位千金，而一直單身嘅大仔李家傑，為圓爸爸抱男孫心願，喺2010年7月借助代母誕下3名兒子，為李家搶閘添男丁，四叔更形容為開心過賺大錢。眼看大伯突然誕下三子，徐子淇倍感壓力，努力追兒子，於2011年終於如願添丁，令四叔非常開心，除咗再次向員工派發巨額利是，更為孫子成立高達3億港元教育基金，誓要將其培養成才。相隔四年，徐子淇再為李家誕下男丁，四叔9年抱7孫，成為一時佳話。 #離世 #李兆基 #四叔 #享壽97歲 #香港富豪 #第二位 #恆基兆業地產 #創辦人 #亞洲股神 #冒牌股神 #致富之道 #樂善好施 #不遺餘力 #大紫荊勳章 #貢獻 #劉惠娟 #五名子女 #李家傑 #李家誠 #涂子淇 #七億 #娶新抱 #派一萬元利是 #抱男孫 #9年抱7孫 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0