魔音女團丨星級班主任陳奐仁評胡敏芝走音最勁 唱極唔中旋律：由頭miss到尾 скачать в хорошем качестве

魔音女團丨星級班主任陳奐仁評胡敏芝走音最勁 唱極唔中旋律：由頭miss到尾

TVB真人騷節目《魔音女團》日前舉行初選，由星級班主任陳潔靈（Miss Chan Chan）與陳奐仁（Hanjin）過目，挑選入圍拍攝嘅團員，陳奐仁日前喺社交平台上載影片點評參賽者，當中佢話走音最深刻並非出名「魔音」嘅郭柏妍，而係胡敏芝！陳奐仁稱胡敏芝唱極都唱唔中旋律，由頭miss到尾。 陳奐仁坦言評判係分到邊啲係扮難聽，皆因扮唱得差係似演戲，易被眼神出賣，「憑我經驗通常真係唔識得唱嘅，佢係出住力出錯嘅，假唱嗰啲，佢係Hea住或者䠋住嚟出錯嘅」， 陳奐仁覺得「走音得最深刻」係最尾一位參賽者胡敏芝，解釋「走音」係離開旋律應該唱嘅音符，胡敏芝就係「唱極都唱唔中旋律」，陳奐仁笑稱：「我係用技術角度睇走音，可能佢冇破音，但佢搵極都搵唔到嗰個應該唱嘅音，就嚟搵到喇，又過咗，其他人唱吓唱吓起碼真係唱到個旋律幾粒音，之後先去第二度，佢係冇一個位係上到軌道，一路Miss、一路Miss……由頭miss到尾，節奏又一路miss一路miss，由頭miss到尾。」 陳奐仁又指胡敏芝嘅表演係讓佢睇得舒服：「因為佢係一路好Focus、好俾心機去唱，佢冇停一停去embarrassed……佢好有誠意由頭唱到尾，i guess it’s one of the reasons，我覺得佢好睇，睇得舒服。」 胡敏芝畢業於無綫電視第31期藝員訓練班，去年夥拍農夫主持《旅行最緊要近》，又喺劇集《麻雀樂團》演出讓觀眾留下印象，而佢喺《魔音女團》初選當日先後唱JUDE曾若華《零分》及G.E.M.《Where did you go》，獲陳奐仁同Miss Chan ChanHanjin揮動螢光筆為佢打氣，可見佢演出投入認真！ 《魔音女團》選拔 https://www.youtube.com/live/4-I0iZys... #魔音女團 #星級班主任 #陳潔靈 #陳奐仁 #郭柏妍 #魔音 #胡敏芝 #旋律 #走音 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0