6- سامحني 2012 - Dj DeViL скачать в хорошем качестве

6- سامحني 2012 - Dj DeViL

الأغنية السادسة من ألبوم الـمؤامرة سـامحني كلمات الأغنية [ الـمقطع الأول ] أنت شمعة إنوجدت في البيت عشان تنوره مشهد تربيتك لي ينعاد جدام عيني قاعد أصوره أتذكر شلون في تربيتي كنت تتعب تأمرني بـالدراسة وأنا أقص عليك وألعب يبه .. ليش ما صرخت علي وعاقبتني ليش وقت غلطتي ما حذرتني ولا عاتبتني ليش ما جبرتني إني أدرس شنو فيني ناقص عن المدرس والدكتور والمهندس أنا آسف أدري إني مقصر أنت تحتاجني أساندك وأنا ما أرجع البيت إلا وقت متأخر أنت تجحت في تربيتي وأنا في رضاك رسبت على ـبالي كنت أخدعك لكني أنا إنخدعت تمنعني من الدخان وأنا من وراك أدخنه ما عرفت إن جسمي بـإيديني قاعد أدفنه ما خليت علي قاصر وأنا راسك وطيته لو أصير لك خادم ما أوفي اللي سويته [ الـكورس ] سـامحني عـلى قـسوة قـلبي راح أخـدمك طول عـمري الله لا إيـيب الـيوم اللـي أشـوفك فـيه تـبجي [ الـمقطع الـثاني ] تتوسط عند فلان .. وعلان .. عشان ولدك اللي نايم وما يدري إنك عشانه تعبان أطلع من الصبح ما أرجع إلا أول الفير تعاملني بـحنيه وحالتك في عيونك منقهر أحبك .. هات يا يبه التعب من جسمك أنا أناني وما أستاهل إني أشيل إسمك لو أخدمك طول عمرك .. جزاك ما أوفيه تبيعني رضاك والله بـسنوات عمري أشتريه لأني عرفت شـكثر قلبك كان علي يصبر تشوفني أكسر العلاقة وإنت فيها تجبر 23 سنه وإنت تشوف مني أذية وأدري إن رضاك يا يبه ما أييبه بـأغنية لكن دموعي حدتني إني أغني عن إنسان وقت مرضي ينام يمي ما خليت علي قاصر وأنا راسك وطيته لو أصير لك خادم ما أوفي اللي سويته [ الـمقطع الـثالث ] ماهي صعبة عليك من وناستي تمنعني لكن قلبك ما طاوعك من اللعب تحرمني كنت الأصعب من بين إخواني في التربية كفاية حرمتك من تخرجي بـالثانوية ما عرفت شنو إحساسك وقت تقعد وتشوف مراكز عيال أصدقائك اللي ولده ضابط .. واللي ولده دكتور وإنت ساكت تخاف يسألونك وإيي عليك الدور شنو تقول .. ولدك سافل ماله معنى يغني راب عربي وأبوه يبجي عليه وأهو ما يدري عنه صدقني حاس فيك عساني أموت وأندفن ولا بـيوم يا يبه عيني تبجيك الندم وصلني نطرني والحين طافني قطاره وأنا على ـبالي معصيتك بـتزيدني شطارة ما خليت علي قاصر وأنا راسك وطيته لو أصير لك خادم ما أوفي اللي سويته [ الـبريدج ] ما خليت علي قاصر وأنا راسك وطيته لو أصير لك خادم ما أوفي اللي سويته للـتحميل http://www.4shared.com/mp3/z9XS8Z8P/6... http://limelinx.com/files/c8b336de418... Twitter @dj_devil_q8 Facebook www.facebook.com/the.dj.devil