కుక్క తెలివి తెలుగు కథ || The clever Dog Telugu kathalu || 3D animal stories скачать в хорошем качестве

కుక్క తెలివి తెలుగు కథ || The clever Dog Telugu kathalu || 3D animal stories

కుక్క తెలివి తెలుగు కథ || The clever Dog Telugu kathalu || 3D animal stories #కుక్కతెలివితెలుగుకథ #Telugukathalu #animalstories ********** కుక్క తెలివి ************ ఓనాడు ఒక కుక్క తప్పిపోయి అడవికి చేరింది. అది చాలా తెలివిగల కుక్క. అయినా కూడా ఆ ప్రాంతం కొత్త కావడంతో ఏ క్షణం ఎటునుంచి ప్రమాదం ముంచుకొస్తుందోనని బిక్కుబిక్కుమంటూ గడపసాగింది. అది ఊహించినట్టుగానే పెద్దపులి ఒకటి తన వైపే రావడం గమనించింది.. ఒక్కసారిగా తన ఊపిరి ఆగిపోయినంత పనయ్యింది.. "ఈ రోజే నాకు చివరి రోజు అనుకుంటా.. తెలియక ఈ అడవిలోకి వచ్చి ప్రాణం మీదకు తెచ్చుకున్నాను.. " అని తన వైపే వస్తున్న పులిని చూస్తూ భయపడసాగింది.. అప్పుడే దానికి దగ్గరలో కొన్ని ఎముకలు పడి ఉండటం గమనించింది .. వెంటనే దానికో బ్రహ్మాండమైన ఆలోచన వచ్చింది. ఆ ఎముకను ఒక దానిని కొరుకుతూ.. తనను సమీపిస్తున్న పెద్దపులికి వినిపించేలా ఇలా అంది.. "వావ్! పులి మాంసం చాలా బాగుంది.. నేను ఇప్పటివరకూ ఇంత రుచికరమైన ఆహారం తినలేదు.." చెట్టు చాటుగా పులి వింటూ వుండటం గమనించిన కుక్క మళ్ళీ గట్టిగా ఇలా అన్నది. " కానీ, ఏం చేయనూ.. నా ఆకలి సగమే తీరింది.. ఇంకో పులి ఏదైనా ఇటుగా వస్తే దానిని కూడా చంపి తిని నా ఆకలి పూర్తిగా తీర్చుకుంటాను..! " కుక్క మాటలు విన్న పెద్దపులి ఆలోచనలో పడింది .. "ఈ కుక్క మామూలుది కాదు.. పులిని వేటాది తిన్నది.. ఇంకా ఇక్కడే వుంటే నా ప్రాణానికే ప్రమాదం! " అని భయపడి అక్కడి నుండి పరుగు తీసింది.. అలా పారిపోతున్న పెద్దపులిని చూసి కుక్క ఊపిరి పీల్చుకుని హాయిగా నవ్వుకుంది. అయితే చెట్టు మీద కూర్చున్న కోతి ఒకటి ఇదంతా చూసింది.. చూసిందేదో చూసి ఊరుకోకుండా.. " పులిరాజా నాతో స్నేహం చేయాలన్నా.. ఇక జీవితంలో పెద్ద పెద్ద జంతువుల నుంచి నాకు ఎలాంటి ప్రమాదం రాకూడదన్నా..ఇదే సరైన అవకాశం..నేను ఈ విషయం వెంటనే ఆయనకు చెప్పి మెప్పుపొందాలీ.." అని భావించి పులి స్దావరానికి వెళ్లింది. కుక్క ఆయనను ఎలా మోసం చేసిందో తను చెట్టుమీద కూర్చుని చూసినదంతా పులికి పూసగుచ్చినట్టు వివరించింది కోతి. అది విన్న పెద్దపులి కోపంతో గట్టిగా గర్జించింది.. "నాతోనే ఆటలా.. ఇప్పుడే దాని సంగతి చూస్తాను.. పదా" అని పులి, కోతి .. కుక్క దగ్గరకు బయలుదేరాయి. పెద్దపులి, కోతి కలిసి వస్తూ వుండటం చూసిన కుక్క .. పెద్ద ప్రమాదాన్నే ఊహించింది. తన తెలివికి పదును పెట్టి ధైర్యంగా ఇలా అన్నది. "ఓ.. కోతి మిత్రమా... పెద్ద పులిని తీసుకుని రమ్మని నిన్ను పంపి గంట అయ్యింది.. నీ మాయ మాటలతో దాన్ని ఒప్పించడానికి ఆలస్యం అయినట్టుందీ.. సరేలే, త్వరగా దాన్ని ఇటు పంపించు.. నాకు చాలా ఆకలిగా వుంది.." అది విన్న పులి వెన్నులో వణుకు మొదలైంది.. కోతి తనను మోసం చేసిందని భావించింది.. తన పంజాతో దాన్ని ఒక్కటిచ్చుకుని తిరిగి వెనక్కి తిరిగి చూడకుండా ఒక్కటే పరుగు తీసింది.. చూసారా మిత్రులారా.. మన చుట్టూ ఇలాంటి కోతులు చాలా ఉంటాయి, వాటిని గుర్తించి జాగ్రత్తగా వుండాలి .. ఇంకో విషయం ఏమిటంటే.. " తెలివిని మించిన ఆయుధం మరొకటి లేదు."