كيف أجرمت الدولة في حق قابس؟ скачать в хорошем качестве

كيف أجرمت الدولة في حق قابس؟

قابس… كانت جنة. بحر، نخيل، واحة فريدة في العالم. واليوم؟ ولات رمز لكارثة بيئية وإنسانية تتواصل من أكثر من 50 سنة. في الفيديو هذا، نحكيو حكاية قابس من الأول للآخر. نرجعوا لبداية السبعينات: كيفاش الدولة خذات قرار مصيري، وقدّمت المجمع الكيميائي على أساسه “هدية للجنوب” وفرصة شغل وتنمية. لكن مع الوقت، “الهدية” تحولت لسمّ بطيء. باش نفهموا شنوّة هو الفوسفوجيبس، علاش يتصبّ في بحر قابس، وشنوّة الثمن الحقيقي اللي خلصوه الأهالي: بحر مات، فلاحـة ذبلت، أمراض، وربو وسرطان في كل دار تقريب. نحكيو زادة على سنوات الخوف والصمت، وكيفاش البوليس والقمع خوّفوا الناس باش ما تتكلمش. وبعد الثورة، كيفاش الغضب انفجر، والاحتجاجات ولات منظمة، والمطلب ولى واضح: نحبوا نعيشوا. الفيديو هذا ما هوش ضد الخدمة، ولا ضد العمّال. هو ضد معادلة شيطانية فرضوها على قابس: يا تخدم وتموت بالسم… يا تبطل وتموت بالشر.