同馬國明冇拍拖？梁裕恆爆黃心穎冇背佬偷食 (中文字幕) скачать в хорошем качестве

同馬國明冇拍拖？梁裕恆爆黃心穎冇背佬偷食 (中文字幕)

同馬國明冇拍拖？梁裕恆爆黃心穎冇背佬偷食 #馬國明 #黃心穎 #東網巨星 落選港男梁裕恆（Flow Leung）連日嚟喺社交網發文力撐黃心穎，話佢背馬明偷食人夫許志安罪不至死。今日Flow又有新料爆繼續撐黃心穎，暗指馬國明同黃心穎根本冇拍拖，所以唔算背佬偷食！ Flow寫咗篇五百幾字嘅長文，主要係分析番網民嘅留言，當中指出黃心穎畀人不停鬧有兩個原因，就係「未同馬國明分手」，同埋「未等許志安離婚就同佢開始」。佢反問大家有幾多對螢幕情侶係真？暗指佢哋嘅情侶身份係造出嚟，所以第一個point就唔成立。 而第二個point，佢話社會有好多賤男結咗婚仲出嚟玩，吹水自己婚姻有問題扮可憐，博同情去呃啲女人，欺騙佢哋嘅青春、感情同埋肉體，仲話自己身邊唔少呢啲例子出現，去證明女人有時好傻會情不自禁相信賤男嘅說話。佢嘅言論將責任推晒去人夫身上，而黃心穎就係因為好傻先至會犯錯。 網民普遍都唔buy呢番言論，話正常女人知道個男人有老婆都會避嫌，做得小三無論係自願定係畀人呃都係有問題，有好心嘅網民提醒Flow，呢件事牽涉其實係四個人，其他人都唔應該加咁多意見，講咗幾日都好足夠，再講落去就擺明係抽水！ 落選港男梁裕恆（Flow）連日嚟就黃心穎和許志安事件多次發表驚人言論，除爆二人料之外，更因激進言詞引發網友批評圍插，今日佢又再嚟料，今次佢就馬國明情同兄妹的唐詩詠一句「呢件事只係關四個人事」發功，不但轉Target狂寸詩詠，佢又繼續發表偉論Support自己發聲無罪。 佢喺社交網截出唐詩詠發言的新聞圖片，又用「唐xx」形容對方，指她是全TVB裏面其中一個有苦自己知的女藝人，又言若對方嘅緋聞都係真嘅話，咁對方嘅愛情歷練多如天上繁星，明寸詩詠多花邊新聞。 之後佢就「只關四個人事」發表偉論，強調自己係講緊大是大非，指事件中四人均為藝人，都有社會責任，着四人「免費用緊大眾擁有的大氣電波，不應只取其好處」而評論中就好壞參半，唔少網友叫Flow就相關事件收聲，亦有網友表示認同，嗌四位當事人再出嚟交代。 之後唐詩詠都有喺個人社交網出Post，其中一個就晒靚相，另一篇就引述一位日本作家嘅語句：「特定的內心習性決定了我們的世界觀，我們認為自己看待事物的方式就是它們實際的狀態。」輕描淡寫咁似係回應Flow嘅發言。