Скачать с ютуб දියවන්නා කුමාරියේ - ගීතයේ අරුත | Diyawanna Kumariye в хорошем качестве

දියවන්නා කුමාරියේ - ගීතයේ අරුත | Diyawanna Kumariye

දියවන්නා කුමාරියේ - ගීතයේ අරුත (කීර්ති කේ රත්නයක) A dramatic meaning to the song DIYAWANNA KUMARIYE by NAADA Lyrics & Melody - Iresh Wannakukorala Music Arrangements - NAADA Mixed & Mastered - Sidhath Thilakarathne Vocals - Dumal Warnakulasooriya, Chandika Lilan, Sanjaya Udaya Kumara, Supun Peiris, Prakash Ranasinghe Subscribe for more from NADA :    / naadamusic   Subscribe EPIC TV Sri Lanka for more videos    / @malindasampath   දියවන්නා කුමාරි ඉන්නෙ,මට පේන දුර.ගෙදර උඩ තට්ටුවට හොඳටම පේනව.කරුමෙ කියන්නෙ ,බලං ඉන්න හිතෙන්නෙ නැති එක.මංමුලා හැඟීම් හින්ද තුඃ නොදකින් කියන්නමයි හිතෙන්නෙ. කලබල ඔය හිතුවිලි නිරවුල් කරන්න ඕන හින්දම මේ කියන කුමාරි හඳුනගෙන ඉන්නකො.. දියවන්නාව කියනකොටම මතක්වෙන සෝමාරි ලැගුම්හල මොකද්ද කියල ඇහුවොත් නම් කියාවි..කොහොම උනත් දියවන්නා නදීකුමාරි මත්තෙහි පිහිටුවාලූ දිනේ ඉඳල දියවන්නාව තව දුරටත් හොයක් නෙවෙයි.පාර්ලිමේන්තුවක්. දියවන්නා කුමාරි දැනගත්ත ගමන්ම අම්ම මතක් කරන්න හිතෙනව නේ..මොහොතක් හැඟීම් පාලනය කරගෙන "දියවන්නා කුමාරියේ" කියල පටන්ගෙන ගැයෙන සින්දුව මතක් කරගන්න. ඉරේෂ් වන්නකුකෝරාළ නමැති දේශයට සුදර්ශි ශිල්පියාගෙ පද සහ තනුව,ආශ්චර්ය කම්පණයක් ඇතිකරනව.චන්දික,දුමාල්,ප්‍රකාශ් සංජය ,සුපුන්,සපිරිවර ගයද්දී "නාද"බෑන්ඩ් එක සරල නෑ කියල හිතෙනව. මේ දවස්වල නම් දියවන්නා කුමාරි ඈයො වෙන්න, හීන බලන දීන ඇත්තො පොරකනව.චන්දෙ ළඟයිනේ.. සින්දුවෙ තියෙන්නෙ දියවන්නාහි වැජඹෙන මුත්, නිසොල්මනේ නිදි ඇත්තො ගැන. දියවන්නා කුමාරියේ නුඹ නිදනා නිසොල්මනේ පද ගෙතුම්කාරයට "සඳපලුව"සංකේත ඇත්තන්,(මුස්ලිම්) ගැන කලු හැගීමක් තියනව.ඔක්කොම ගැන නොවුනත් "සහරාන් සිතිවිලි පරපුර " ගැන විය යුතුයි.අශික්කිත දේශපාලු නායක සමාගම නිසොල්මනේ නිදි අතරේ "සඳපලු"ඇතැම් අන්තවාදියො දේශයට විස බෝම්බ පුපුරවනව.කැක්කුම් ලියවිලිකාරය හීන්සැරේ රටපාලක නිරුවත හෙළිකරනවා. රචකය බුද්ධි ඔත්තුකාරයෙක් වෙලා, තක්සලාවෙ අකුරු කරන පුත්‍රපරපුර හෙවත් රටේ අනාගතයට බෝකරන මත් උවදුර ගැන හෙළි කරනව. හීන පේන සීනි බෝල තක්සලාව වටකරලා හීන පෙන්වන සීනි බෝල කියන්නෙ, දේශයේ අකුරු කරන පුත්‍රයින් අඳ බාල කරන මත් ද්‍රව්‍ය වලට..ඒ මත් විස පැතිරවීමේ "ව්‍යාපාර තිරිසන් පාලුවො" සඳපලු රටවල් හරහා මෙරට ගොඩ බස්සන බවක්ද ඉඟි කළා වගේ. රචකය හෙළිදරව් කරන්නෙ,ඇහින් දකින දේ නුවණින් විමසල.ඒකයි රචකනුවණට මෙන්න මේ ඇත්තත් අහුවෙන්නෙ.. සුවට නිදන්නේ සිතුවිලි යහනේ වාමනයින් පවන් සළනවා නුඹව රකිනවා බලය ලැබීම හා පවත්වාගෙන යෑමේ මග විතරක් හිතමින් ,රටට වින කරන බලවේග වලට ඉඩ දෙමින්, පාලන දියවන්නා ඇතැම් පාලක ඇත්තො, සිතුවිලි යහන්වල නිදා ඉන්නව.වැඩේ කියන්නෙ උන්ගෙ සුව නින්ද පහසු කරන්න අපිම වාමනයින් වෙච්ච එකයි.වාමනයින් කියන්නෙ නිදන් රකින්නො.අපේරට නමැති නිදානය රකින්න ඉන්න වාමනයින් විසින්ම රට වනසන නිදන් හොරු රැකීම මොනතරම් උත්ප්‍රාසයක්ද..? දියවන්නා කුමාරි ද කුමාරයෝ ද අද වෙන කොට රට ව්‍යවසනදායකයෝය.රූස්ස ගස් යාය පිටින් කාසි වෙලා ඒ ඇත්තන් පොහොසත් කරද්දී රටේ මිනිස්සු හුස්ම නැතිව පීඩා විඳිනව.දුක් කම්කටොළු ඉඩෝරයට, හේතුව දන්නව උනත් නොදන්නවුන් වගේ ඒකට හේතු හොයමින් ඉන්නව. ආවේග වලට වේදනාව මුහු කරල සින්දුව ලියන්නා,දියවන්නා මහ බලවත් ඈයො ,සල්ලි හදන තවත් විදි දකිනව. දළ දිලිසෙන හස්ති රජුන් හෙමින් හෙමින් නිදි කරලා ස්වර්ගයට යන්න හදනවා මේ බුද්ධ දේශයේ බුදු ධර්ම ස්පර්ශ ලත්, දළදාව පවා උසුලන ,ගරු සත්වයාට කරන වින අහන කොට " හෙණගහපිය" කියන්න හිතෙනව නේද.?දේශය කෙළසන උත්තම පුරුෂ ආරූඪකයො ස්වර්ගයට යන්න හදනව. ඛේදවාචකය දැක දැක අපේ වාමනයොම උන්ව රකිමින් පවන් සළනව කියල කීප සැරයක්ම කීම තුළ පේන්නෙ රචකය ඇතුළෙ කකියන ආවේග තරම. සම්ප්‍රදායේ සින්ඳුවක් වෙලා ආකෘතිය රකිනව වෙනුවට ඉරේෂ් වන්නකුකෝරාළ නමැති තීක්ෂ්ණ කවිය නොනවත්තාම වචන වලට හැඟීම් දෙමින් අවදි මිනිස්සන්ට දැනුම දෙනව. පත්තිනියේ නුඹ නාඩන් ඇය එතෙරක කාසි සොයයි ඒ කාසි රජුන් තනනවා අපේ "මව්බුදු" සමාජය අද වෙනකොට පෙරළිලා.හිරුට කලින් මුළුතැන්ගෙට වැඩ,පවුලට" වටිනාකම් ආදරය " දුන් අම්මා අද එතෙරට කාසිවලට විකිණිලා." මව්පත්තිනියෝ" කාසිවලට විකිණේ නම් "මව්ගුණසුවඳ" සමාජය නැති කරන බලවේග දේශපාලනයේ තරම දැනෙනව නේද?අනිත් අතට පාරිශුද්ධ සංකේත චරිතය වෙච්ච ,බලගතු පත්තිනි අද මේ මජර දේශපාලන බලපෑමට අශුද්ධ වෙච්ච බව හෙළි කරනව ඒ කියන්නෙ දැන් රට කිළුටු වෙලා බව. දැන් රජුන් තනන්නෙ මව් ආශිර්වාදයෙන් නෙවෙයි .මව්ශ්‍රම මුදල් වලින් එදා තිබූ සත්ගුණ පාලනය අහෝසි වී ඇති බව මෙයින් පෙන්වනව.කුණු මාර්ග ,රජු හදන විදිය වෙලා කියලයි මේ කියන්නෙ. ස්ත්‍රී ශ්‍රම සූරා කෑමෙන් නොනවතින ලිංගික සූරා කෑමේ බරපතළකමද නුවණාවේග රචකය වමාරනව.මල් විතරක් නෙවයි රේණු ද තළා දමන අධම බලවත් සමාජය ගැන හිරිකිත හිතෙනව. ස්ත්‍රී දූෂණ ,බාල අපරාධ කරන දියවන්නා කුමාරිගෙ වරප්ප්‍රසාද අස්සෙ සැනහෙන මධ්‍යම පුරුෂයින්ගේ නිර්වස්ත්‍රකම ප්‍රදර්ශනය කරන විදිය අපූරුයි. තෙල් මල් ගෙන දෝත පුරා නිවන් යන්න පාර අහනවා පූජා වට්ටි රැගත් උපාසක බබාලා නිවන් යන්න පාර අහගෙන හෙට අනිද්දත් ගෙට ගොඩ වේවි. ඉරේෂ් නම් සින්ඳුව අවසන් කරන්නෙ, උන්ට නිවන් යන්න පාර පෙන්වන අපේ වානරයො,නවතින්නෙ නැතිව උන් රකිනව කියලයි. පුළුවන් නම් නෙවෙයි, මුන් නිවලම දාන්න ඔබට පුළුවන් .. නාද සින්දුව නින්නාද කරවන්න... සටහන- -කීර්ති කේ රත්නායක -