Përmbytjet, ministri Demo: Do ndihmojmë bashkitë. Territorialja të bazohet në të dhëna konkrete скачать в хорошем качестве

Përmbytjet, ministri Demo: Do ndihmojmë bashkitë. Territorialja të bazohet në të dhëna konkrete

Bashkitë shqiptare do të jenë më të përgatitura për situata emergjente, si përmbytjet, falë një fondi të posaçëm dhe një platforme të re digjitale që do të përmirësojë menaxhimin e shërbimeve lokale. Ministri i Pushtetit Vendor, Ervin Demo, gjatë një konference për mediat, prezantoi këtë iniciativë, duke theksuar se teknologjia dhe mbështetja financiare do të fuqizojnë bashkitë për të përballuar situata kritike dhe për të menaxhuar burimet e tyre në mënyrë më efektive. “Kemi një grant nga Emiratet e Bashkuara që do të jetë një ndihmë e madhe për bashkitë, që të jenë më të përgatitura për emergjenca si përmbytjet dhe situata të tjera të paparashikueshme”, tha Demo. AI shtoi se fondi prej 20 milionë eurosh do të përqendrohet kryesisht në sektorin e logjistikës dhe infrastrukturës bujqësore, duke ndihmuar bashkitë të reagojnë shpejt dhe të sigurojnë shërbime për qytetarët gjatë krizave. Ministri shpjegoi se kur vijnë vështirësitë, bashkitë duhet të jenë të pajisura me mjete dhe burime për t’u përballur me situatën dhe për të ofruar ndihmë të menjëhershme. “Kur situata bëhet kritike, çdo minutë ka rëndësi, dhe kjo mbështetje do t’i ndihmojë bashkitë të veprojnë në kohë dhe me efikasitet”, theksoi Demo. Ministri Demo foli edhe për reformën territoriale, duke u shprehur se kjo reformë duhet të rrealizohet, në bazë të të dhënave në terren. Ai u shpreh se Shqipëria ka ndryshuar dhe trendet e zhvillimit duhet të merren në konsideratë në reformë. “Reforma territoriale ka rëndësi jo thjesht nga pikëpamja politike, por po flasim për mënyrën sesi ne do të menaxhojmë territorin, mënyrën sesi qytetari do të veprojë nesër me institucionet lokale, për të pasur shërbime më të mira. Po flasim për bashki, që duhet të jenë gati që të ballafaqohen me sfida, që unë i thashë dhe më herët në këtë konferencë apo që vijnë qoftë nga procesi i integrimit. Prandaj, reforma territoriale është një hap shumë i rëndësishëm, është sfidë jo e vogël, sepse unë besoj se është një mundësi e jashtëzakonshme, që nëse ne e përdorim ashtu siç duhet, nëse gjithë aktorët përfshihen dhe ne të kemi një reformë, që unë shpresoj mos të durojë 10 vjet, por të jetë reformë që zgjat edhe më shumë. Në 2014, nga një numër shumë i lartë bashkish, kaluam në 61 bashki. Shqipëria ka ndryshuar dhe ka trende zhvillimi, që duhet të merren në konsideratë në reformën territoriale. U bëj thirrje gjithë aktorëve që të jenë pro-aktivë në këtë proces”, tha Demo. Po ashtu, Demo njoftoi se qeveria ka nisur një projekt të veçantë për digjitalizimin e shërbimeve lokale, që do të përmirësojë menaxhimin e bashkive dhe performancën e tyre. Platforma digjitale do të integrojë të gjitha shërbimet e qeverisë dhe ato lokale, duke e bërë më të lehtë qasjen e qytetarëve në informacion dhe shërbime. “Teknologjia do të ndihmojë bashkitë, që të kenë një performancë akoma më të mirë”, tha ministri Demo. “Prioriteti ynë është që bashkitë të manaxhojnë financat e tyre në mënyrë më efektive, që të kryejnë investime të rëndësishme për qytetarët dhe të ofrojnë shërbime më të mira”, u shpreh ai. Ministri deklaroi se bashkitë që për herë të parë do të administrojnë mbi 1 miliard euro. “Ky është një hap i madh drejt decentralizimit të financave dhe fuqizimit të nivelit lokal. Ne synojmë që çdo bashki të ketë mjetet për të vepruar shpejt dhe në mënyrë të organizuar”, deklaroi ministri. Sipas Demos, investimet e ardhshme do të fokusohen në projekte që prekin drejtpërdrejt jetën e qytetarëve, duke përfshirë përmirësimin e rrugëve, shërbimeve shëndetësore dhe infrastrukturës arsimore, duke përdorur platformën digjitale si mjet mbështetës për menaxhimin e tyre. “Ne po ndërtojmë një sistem ku bashkitë nuk do të jenë më vetëm për të shpërndarë shërbime, por do të jenë të fuqizuara për të reaguar në çdo situatë emergjente, për të mbrojtur qytetarët dhe për të përmirësuar cilësinë e jetës”, përfundoi Demo. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan