#મુન્દ્રામાં скачать в хорошем качестве

#મુન્દ્રામાં

#મુન્દ્રામાં બુટલેગર બહેનો માટે આત્મનિર્ભરતા તરફ અનોખી પહેલ કરાઇ... #મુન્દ્રા લાયન્સ ક્લબ અને રોટરી ક્લબ ઓફ મુન્દ્રાના સંયુક્ત ઉપક્રમે એક અનોખી પહેલ કરવામાં આવી છે, જેમાં બુટલેગર તરીકે ઓળખાતા બહેનોને રોજગારની નવી તકો આપીને તેમના માટે આત્મનિર્ભરતા તરફ એક મજબૂત પગલું ભરવામાં આવ્યું છે. મુન્દ્રા પોલીસ સ્ટેશનના પીઆઈ રાકેશ ઠુમ્મરના નેતૃત્વમાં ક્લબના પ્રમુખ અને અગ્રણીઓએ આ બહેનોને સિલાઈ મશીનો વિતરણ કર્યા, જેથી તેઓ સ્વાવલંબનનો માર્ગ અપનાવી શકે. કાર્યક્રમમાં રોટરી ક્લબના પ્રમુખ બળદેવસિંહ જાડેજા, લાયન્સ ક્લબ પ્રમુખ ધર્મેન્દ્રભાઈ જેસર, મંત્રી શૈલેષ માલી, દિલીપભાઈ ગોર, ઈમરાનભાઈ જત, અતુલ પંડ્યા, લાલુભા પરમાર, દિનેશભાઈ ગોસ્વામી અને અન્ય અગ્રણીઓ હાજર રહ્યા હતા. આ પહેલનો મુખ્ય હેતુ એ છે કે જે બહેનો મુશ્કેલીઓનો સામનો કરી રહી છે, તેઓને કાયદેસર રોજગાર મળી રહે અને તેઓ પોતાના પરિવાર સાથે સુખ-શાંતિથી જીવી શકે. લાયન્સ ક્લબ અને રોટરી ક્લબ દ્વારા આગળ વધીને સામાજિક જવાબદારીનો એક શ્રેષ્ઠ ઉદાહરણ પુરૂ પાડવામાં આવ્યું છે. આ કાર્યક્રમ માત્ર મદદ માટે નહીં, પણ સમાજમાં પોઝિટિવ પરિવર્તન લાવવાના ઉદ્દેશ્યથી કરાયો હતો. અહેવાલ સમીર ગોર મુંદ્રા દ્વારા