電影泉攻略丨談善言林家熙打劫默契十足 兩大男神玄彬李棟旭合作新戲丨EP151 скачать в хорошем качестве

電影泉攻略丨談善言林家熙打劫默契十足 兩大男神玄彬李棟旭合作新戲丨EP151

電影泉攻略丨談善言林家熙打劫默契十足 兩大男神玄彬李棟旭合作新戲丨EP151 又到每個星期嘅《電影泉攻略》，主持王鎮泉帶你緊貼最新電影資訊。 今集邀請新戲《搗破法蘭克》嘅兩位主演談善言同林家熙作客分享拍攝點滴。兩位主演同王鎮泉齊齊戴上動物面具，原來呢款面具喺戲中有特別作用，阿談話戲中描寫佢地一班人戴上面具去打劫，自己就係主腦人物，至於Locker就飾演義無反顧支持佢嘅前男友。 二人喺戲中都嘗試新造型，尤其Locker嘅髮型非常破格，佢自爆呢個髮型係唔可以洗頭，不過自己都有偷洗，所以味道方面絕對可以放心。 阿談同Locker戲中同岑珈其以及楊偉倫組成四人幫，其實四位戲外本身都係好朋友，經常一齊去camping，所以默契完全冇問題。 本週新片有《搗破法蘭克》，一宗珠寶店劫案後，年輕劫匪們留下一個寫著「法蘭克」嘅塗鴉標記，與此同時上流教會爆出醜聞，指控富豪教徒們借教會奉獻為名嚟輸送利益，正當「法蘭克」再打劫另一間找換店時，竟然意外地捲入教會嘅洗黑錢陰謀，究竟「法蘭克」可唔可以一如以往咁安然無恙脫身呢。 《戰役》，故事講述一支海豹突擊隊奉命喺伊拉克設立哨站，執行監視任務期間，突然被敵軍大舉圍攻。敵眾我寡，但地唯有死守哨站，等候援兵及裝甲車抵達。然而同袍傷重垂危，缺乏物資同裝備，加上敵軍不斷四面進逼..喺難以逆轉嘅惡劣形勢之下，即使並肩苦戰，又能唔能夠全員撤退呢？ 《謊島美人魚》，潦倒編劇阿樂偶爾喺網上認識非常欣賞佢作品嘅神秘少女，阿樂以為覓得「真愛」仲立即直奔海島，然而「真愛」唔出現，本應失落嘅阿樂竟然莫名其妙同民宿老闆娘阿文漸行漸近。原來阿樂網戀嘅「真愛」就係懷春熟女阿文！究竟佢地呢段疑幻似真嘅感情最後會點樣發展呢？ 《Last Mile：全面引爆》，世界級購物網站日日快接連發生速遞爆炸事故，最終演變為令全日本陷入恐慌嘅神祕連環爆炸事件。啱啱上任嘅物流中心負責人舟渡伊蓮娜必須同團隊經理梨本孔共同收拾這前所未見嘅局面。究竟兇手係邊個，佢點解要設置炸彈？剩低嘅炸彈仲有幾多個呢？ 《劇場版忍者亂太郎 毒菇忍者隊最強之軍師》，土井老師接受日落黃昏城忍者諸泉尊奈門嘅挑戰後下落不明，忍術學校嘅山田老師同一班六年級生隨即展開全面搜索，調查毒菇城正在策劃嘅某種陰謀，毒菇的軍師—「天鬼」突然現身攔截，而天鬼嘅樣貌竟然同土井老師生得一模一樣，面對強敵，亂太郎，小丸同新丁以及忍蛋們必須團結一致，先可以救返土井老師。 《哈爾濱》，1909年，一班由安重根領導，志同道合嘅活躍份子聚集喺海參崴，決心收復自己嘅家園。但係當得知日本政治家、首任日本駐朝鮮總司令伊藤博文即將前往滿洲同俄羅斯進行談判時，安重根同佢嘅手下就啟程前往哈爾濱。日軍掌握咗抵抗行動嘅情報，迅速展開追擊。新戲幕後花絮仲有兩大韓流男神玄彬同李棟旭分享拍攝感受。 今個星期嘅票房戰況，截至4月16號中午，第三位《破。地獄》；第二位《復仇反擊戰》；第一位《MINECRAFT:我的世界大電影》。 #電影泉攻略 #林家熙 #談善言 #王鎮泉 #搗破法蘭克 #戰役 #謊島美人魚 #LastMile全面引爆 #劇場版忍者亂太郎毒菇忍者隊最強之軍師 #哈爾濱 #玄彬 #李棟旭 #EP151 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0