Top News - Agjentët e ICE vrasin një tjetër amerikan / Shpërthen zemërimi në Minneapolis скачать в хорошем качестве

Top News - Agjentët e ICE vrasin një tjetër amerikan / Shpërthen zemërimi në Minneapolis

Agjentët amerikanë të imigracionit qëlluan dhe vranë një shtetas amerikan në Minneapolis të shtunën, thanë zyrtarët, duke shkaktuar protesta të ashpra dhe dënime nga udhëheqësit lokalë në incidentin e dytë të këtij lloji, këtë muaj. Departamenti i Sigurisë Kombëtare e karakterizoi incidentin si një sulm, duke thënë se një agjent i Patrullës Kufitare qëlloi në vetëmbrojtje pasi një burrë iu afrua me një pistoletë dhe i rezistoi përpjekjeve për ta çarmatosur. Por videot e kalimtarëve nga vendi i ngjarjes, të verifikuara dhe të shqyrtuara nga Reuters treguan burrin, të identifikuar si 37-vjeçari Alex Pretti, duke mbajtur një telefon në dorë, jo një armë, ndërsa përpiqet të ndihmojë protestuesit e tjerë që janë shtrirë përtokë nga agjentët. Në një video, Pretti mund të shihet duke filmuar ndërsa një agjent federal shtyn një grua dhe një person tjetër, në tokë. Pretti lëviz mes agjentit dhe gruas, pastaj ngre krahun e majtë për t'u mbrojtur ndërsa agjenti e qëllon me sprej djegës. Disa agjentë më pas e kapin Prettin, i cili konfrontohet me ta, dhe e detyrojnë të ulet në në gjunjë. Ndërsa agjentët e kapin Pretin, dikush bërtet duke paralajmëruar për një armë. Pamjet video më pas duket se tregojnë njërin prej agjentëve duke i hequr një armë Pretit dhe duke u larguar prej tij. Pak caste më vonë, një oficer me një pistoletë të drejtuar nga Preti qëllon katër herë drejt tij. Të shtëna të tjera dëgjohen në vijim ndërsa një agjent tjetër qëllon po ashtu. Agjentët fillimisht tërhiqen nga trupi i Pretit në rrugë. Disa agjentë duket se i ofrojnë ndihmë mjekësore ndërsa ai është i shtrirë në tokë, ndërsa agjentë të tjerë i mbajnë kalimtarët larg. Vrasja e Pretit, një infermier, tërhoqi qindra protestues në zonë që u përballën me agjentët e armatosur dhe të maskuar, të cilët përdorën gaz lotsjellës dhe granata tymuese. Protesta shpërthyen edhe në Nju Jork, Uashington D.C. dhe San Francisko. Ngjarja gjithashtu rriti tensionet mes zyrtarëve shtetërorë dhe federalë, që janë në kurs përplasjeje me administratën trump që nga vrasja e një tjetër shtetaseje amerikane, Renee Good, nga agjentët e emigracionit, më 7 janar. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Agjentet#SHBA#Vrasja