ბებიას ვაშლის პეროგი скачать в хорошем качестве

ბებიას ვაშლის პეროგი

🍎 ვაშლის პეროგი, რომლის გაციებასაც ვერ დააცდით! გაციებასაც რომ ვერ დააცდით, დღეს ისეთ სასწაულს ვამზადებთ. დაივიწყეთ რთული ინსტრუქციები - ჩვენ გაჩვენებთ, როგორ მოამზადოთ უგემრიელესი და თან უმარტივესი ვაშლის პეროგი მოწნული „თავსართით“ ბებიას რეცეპტების რვეულიდან. ამჯერადაც დავამსხვრიეთ მითი, რომ სამზარეულოში ორი ქალი არ მოსულა. მოსულა, მეგობრებო, თან როგორ! 👩‍🍳👩‍🍳 მართალია, ცხობის პროცესი ცოტა გაგვეწელა (დაუსრულებელი სიცილ-კისკისის გამო), მაგრამ საქმე ბოლომდე მაინც მივიყვანეთ და ამ ეპიზოდში ნახავთ, როგორ ვაქციოთ ვაშლი, ლიმონი და ცოოოოტა რომი ნამდვილ ბედნიერებად 🥨✨ 🎬 დღევანდელ სერიაში მონაწილეობდნენ: 🥧 ცომის ეპიზოდში: კარაქი - 200 გრამი (რბილი, ოთახის ტემპერატურის, თუ თბილი ოთახი გაქვთ) შაქარი - 250 - 300 გრამი (გააჩნია, ტკბილთან თქვენს დამოკიდებულებას) კვერცხი - 4 ცალი არაჟანი - 450 გრ + 1 ჩაის კოვზი სოდა (ასაფუშფუშებლად) მარილი - 1 (ან 2, ან 2,5 მწიკვი) ვანილი - თუ თხევადია 1 ჩაის კოვზი (ან 2, ან ...) ფქვილი - 400 გრამი (+50 გრამი თავსართის ცომში შესარევად) 🍏 გულსართის ეპიზოდში: ვაშლი - ანტონოვკა. ბებია სხვა ვაშლს პეროგში არ აღიარებდა. თუმცა, თქვენ თუ „აღიარებთ“ - იყოს სხვა. წესით 4 ან 5 ცალი… თუმცა მეტი და მეტიც შეიძლება! ლიმონი ან ლაიმი (ან ორივე) - „ჩავაცედროთ“ - ანუ ცედრა ჩავახეხოთ ორივესი და ნახევარი (ან ერთი) ლიმონის წვენი ჩავაწუროთ (სასწაულ არომატს აძლევს). თუმცა, შეგვიძლია არც ჩავაწუროთ და არც ჩავახეხოთ. ალკოჰოლური გაფორმება - 100 გრამი რომი ან ციტრუსის ლიქიორი. ⚠️ დაზუსტება!!! მოთუშულ ვაშლს შევურიოთ 1 ან 2 სუფრის კოვზი და დანარჩენი შევურიოთ მცხობელებს! 🥃 🛠️ ტექნიკური საკითხები: ცომი უნდა გავყოთ 2 ნაწილად (80-20%). მეორე ნაწილს დავუმატოთ ცოტა (50 გრამი) ფქვილი, დავჭრათ ზოლებად, „დავგრიხოთ თოკი-ბაწარი“ ან დავჭრათ ნაძვისხეებივით, ან როგორც ცხობის მომენტში გაგიხარდებათ. ცომი ლანგარზე გავშალოთ ფქვილიანი ხელით, დავასხათ ვაშლის „სასწაული“ და მერე მოვრთოთ და გავალამაზოთ. ვაცხობთ 40 წუთის განმავლობაში 180 გრადუსზე. (ცხობის მე-17 წუთიდან ისეთი არომატი დადგება, დარჩენილი დროის მოცდა სერიოზული გამოწვევა და ნებისყოფის გამოცდა იქნება!) ✨ ფინალური აკორდი: რომ გამოცხვება, გამოვიღებთ ან გამოვდგავთ, მოვაყრით შაქრის პუდრას (ქართულად როგორაა პუდრი, მოგვწერეთ თუ იცით!) ან არ მოვაყრით. ვაცდით გაცივებას, ან არ ვაცდით და გავსინჯავთ - ერთ, ორ ან სამ ნაჭერს. 😋 🤫 ჩვენი საიდუმლო: მერე სიგრძეზე ჩამოვაჭრით პატარა ზოლად, რომ არ დაეტყოს, რომ მოვიპარეთ და ასე... სანამ სულ არ გაქრება! გამოიწერეთ ჩვენი არხი, დაგვიწერეთ თქვენი ბებიების რეცეპტები და მოდით ჩვენს სამზარეულოში! 💖