Қызылордада теміржолшылар бұрынғы басшыларының қызметке келуіне қарсылық білдіруде скачать в хорошем качестве

Қызылордада теміржолшылар бұрынғы басшыларының қызметке келуіне қарсылық білдіруде

Қызылордада теміржолшылар тағы да бас көтеріп жатыр. Олар бұрынғы басшыларының қайта қызметке келуіне қарсы. Айта кетейік, локомотив пайдалану депосын 20 жыл басқарып кеткен Жұлдызбай Мұсаев осыдан төрт ай бұрын әкімдік пен «Қазақстан темір жолы» мекемесінің басшыларының араласуымен қызметінен босағанын көрсеткен едік. Енді араға уақыт салып қайта сол орынға жайғаспақ болған азаматтың әрекеті үлкен дауға айналды. Қаншама адам қарсы болса да депоның башысы болуға қайта келген азаматтың мақсаты не? Жұмысшылар енді қандай қадамға бармақ? Толығырақ бейнематериалда. Бұрынғы басшының қайта келуіне қарсылық білдіруден теміржолшылардың өздері де шаршаған сияқты. Өйткені көпшілік дәл осылай наразылықтарын айтып бұған дейін де бірнеше мәрте жиналған. Тіпті сол кездерде әкімдік өкілдері мен жауаптылар жиналыс өткізіп, Жұлдызбай Мұсаевты басқа қызметке ауыстырған. Алайда бұл азамат қаншама адам қарсы болса да жақын арада мекемедегі бұрынғы лауазымына қайта келуге ниетті дейді. Енді әкімдіктен де, «Қазақстан темір жолы» мекемесінің басшыларынан да күдер үзген көпшілік кімнен көмек сұрарын білмей әлек. МЕҢЛІБЕК МАХАНОВ, машинист: – Мына Мұсаев Жұлдызбайдың начальник депо болып келуіне үзілді-кесілді қарсымыз біз. Мен қай жақтан, қашан келіп артыма түседі екен деп дірілдеп отырып қалай айдаймын пойызды. Стресте. Бұрынғы басшы қайта келсе жұмысымыздан береке кетеді дейді көпшілік. Өйткені ол қызмет атқарған тұста теміржолшыларға қысым көрсетіп, жалақыларымызды бөліп берген деп ашулы. Ал төрт ай бұрын басқа лауазымға ауысқан Жұлдызбай Мұсаев «Қазақстан темір жолы» мекемесінің басшылары ол қызметімнен де қудаламақ болды дейді . ЖҰЛДЫЗБАЙ МҰСАЕВ: – Біз келістік. Маған начальник тех отделдің жұмысын берді. Мен сол жерде жұмыс істеп отырдым. Олар оған тоқтаған жоқ ҚТЖ. Мені жұмыссыз қалдырмақ болып отыр. Енді мен апеллияциялық соттың шешімімен қайтадан орныма келуім керек. Ал Астана қаласынан арнайы келген жауапты маман теміржолшылар шағымынан енді ғана хабардар болғандай. АСПАН ҚАЖЫҒҰЛОВ, «ҚТЖ-ЖҮК ТАСЫМАЛЫ» АҚ маманы: – Барлықтарыңызды жаңа тыңдадық. Ақсақалды да, жастарды да бәрін. Енді біздің де көзқарасымыз болады ғой. Мен қазір қағазды жинап алғаннан кейін айтам халықтың ауаны осындай деп. Мұсаевты сот орнына келтірсе де мен қағазға қарап айтам 80 пайызы міне қарсы деп. Яғни әр жұмысшыдан жазбаша арыз алып, содан кейін ғана қорытынды шығарамыз дейді маман. Ал теміржолшылар мәселе шешілмей, наразылығымызды тоқтатпаймыз деп отыр. Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал