2025-ci ilin aprelindən Bakı-Tbilisi-Bakı marşrutu üzrə sərnişin qatarı fəaliyyətə başlayacaq. скачать в хорошем качестве

2025-ci ilin aprelindən Bakı-Tbilisi-Bakı marşrutu üzrə sərnişin qatarı fəaliyyətə başlayacaq.

“Bakı-Tbilisi-Bakı sərnişin qatarının fəaliyyətinin bərpası ilə bağlı məsələ Azərbaycan Prezidenti İlham Əliyevlə müzakirə olunub”. Bunu Dubayda jurnalistlərlə söhbətində Gürcüstanın Baş naziri İrakli Kobaxidze deyib. O qeyd edib ki, Gürcüstan bu məsələdə göstərilən diqqət və dəstəyə görə Azərbaycan tərəfinə minnətdardır: “Azərbaycan səfəri çərçivəsində biz bu mövzuda Prezident İlham Əliyevlə müzakirə apardıq. Ölkəmizə göstərdiyi diqqətə görə ona şəxsən təşəkkür etmək istəyirəm. Təbii ki, ölkələrimiz arasında yüksək mobilliyin olması prinsipial əhəmiyyət daşıyır”. Baş nazir vurğulayıb ki, Gürcüstan və Azərbaycan dost və tərəfdaş ölkələrdir və bu cür nəqliyyat əlaqələrinin inkişafı hər iki ölkə üçün faydalıdır. “Ölkələrimiz arasında daha çox insanın səyahət etməsi çox vacibdir, çünki bu, xalqlarımız arasında ənənəvi dostluğu daha da möhkəmləndirəcək” – deyə Baş nazir Kobaxidze bildirib. -------2025-ci ilin aprelindən Bakı-Tbilisi-Bakı marşrutu üzrə sərnişin qatarı fəaliyyətə başlayacaq. Sərnişinlərin daşınması İsveçrənin “Stadler” şirkətinin qatarları ilə həyata keçiriləcək. Gürcüstanın baş naziri İrakli Kobaxidze məlumatı təsdiqləyib və İlham Əliyevə təşəkkür edib. -------Tbilisidə Gürcüstan Parlamentinin İqtisadiyyat və İqtisadi Siyasət Komitəsinin sədri Şota Berekiaşvili Azərbaycanın Milli Məclisinin İqtisadi Siyasət, Sənaye və Ticarət Komitəsinin sədri Azər Əmiraslanov ilə görüşüb. Görüşdə tərəflər iki ölkənin strateji tərəfdaşlığını müzakirə ediblər. Komitə sədrləri Nəqliyyat Dəhlizinin əhəmiyyəti və onun tranzit potensialını vurğulayıblar. “İki ölkə arasında ticarət dövriyyəsi 1,3 milyard dolları keçib. Bunun 780 milyon dolları Azərbaycanla Gürcüstan arasında həyata keçirilən ixracatın payına düşür. Hər iki tərəf gələcəkdə ticarət həcmini daha da artırmaq üçün çalışacaq”, - Ş.Berekiaşvili deyib. Onun sözlərinə görə, Azərbaycandan Gürcüstana fəal şəkildə sərmayələr yatırılır: "Ölkəmizdə çoxsaylı Azərbaycan şirkətləri fəaliyyət göstərir, o cümlədən SOCAR, həmçinin inkişaf şirkətləri, banklar və s".