Shperthim me tritol prane dy bizneseve ne QSUT, policia dyshon mesazh paralajmerues per Ervin Matën скачать в хорошем качестве

Shperthim me tritol prane dy bizneseve ne QSUT, policia dyshon mesazh paralajmerues per Ervin Matën

Një sasi lëndë plasëse tritol shpërtheu mbrëmjen e së shtunës në rrugën e “Dibrës” në kryeqytet, mes dy bizneseve hotel “Victoria” dhe një lokali bar-kafe. Për pasojë, pati vetëm dëme të vogla materiale dhe jo të lënduar në njerëz, pasi të dy bizneset ishin të mbyllura. Hotel “Victoria” rezulton të jetë në pronësi të Luan Matës, babait të Ervin Matës, i hetuar me vrasjen e ndodhur në lokalin “Monopol”, në ish-Bllok, në tetor të dy viteve më parë. Burime zyrtare pranë grupit hetimor sqaruan për ABC News, se paraprakisht, pista kryesore është ajo e një mesazhi kërcënues apo paralajmërues ndaj Ervin Matës. Pas ngjarjes në vitin 2018 në ish-Bllok, ku mbeti i vrarë Fabian Gaxha e u plagosën Ervis Martinaj dhe Eljon Hato, Ervin Mata u vetëdorëzua në polici pas disa muajsh arrati, por Gjykata e liroi nga qelia, duke i caktuar masën e sigurisë “Detyrim paraqitje”. Për këtë ngjarje, si autori kryesor, në kërkim është ish-komandoja i Forcave Ushtarake Meviol Bilo. Ndërsa Mata u akuzua për moskallëzim krimi dhe përkrahje të autorit të krimit, pasi dyshohet se është personi që ka ndihmuar Bilon të largohet nga vendngjarja. Mbrëmjen e së shtunës, policia shoqëroi për të marrë në pyetje edhe Luan Matën, i cili ka mohuar të ketë pasur kërcënime më parë apo konflikte me ndonjë person. Të njëjtin qëndrim ka pasur edhe pronari i bar-kafesë pranë vendit ku ndodhi shpërthimi, K. Gozhita. Ky i fundit është person pa precedent penal. Lënda plasëse është hedhur pranë dy bizneseve nga një makinë në lëvizje, targa e të cilës po verifikohet nga policia për të zbuluar edhe autorët e kësaj ngjarje. Per informacionet me te fundit klikoni: Web: http://abcnews.al/ Facebook:   / abcnews.al   Instagram:   / abcnewsal   Subscribe kanalin tone ne: youtube:   / abcalbanian   #abcnews #abcnewsalbania