Գյումրեցի գեղանկարիչ Սամվել Գալստյան скачать в хорошем качестве

Գյումրեցի գեղանկարիչ Սամվել Գալստյան

Գյումրեցի գեղանկարիչ Սամվել Գալստյան. «Իմ աշխատանքները ավելի շատ գողացել են, քան ես վաճառել եմ» Գյումրու ծայրամասերից մեկում` Սավոյան անանցանելի փողոցի և նախկին պոլիտեխնիկական ինստիտուտի փլատակների հարևանությամբ գտնվող տնակային ավանում է ապրում ու ստեղծագործում ժամանակակից գյումրեցի լավագույն գեղանկարիչ Սամվել Գալստյանը: Նա ներկայումս Գյումրու Մերկուրովի անվան նկարչական դպրոցի տնօրենն է: Ի դեպ, ժամանակավոր և մի խղճուկ տարածքում է պատսպարված նաև իննսուն տարվա պատմություն ունեցող նկարչական դպրոցը: Եվ դա այն դեպքում, երբ քաղաքի կենտրոնում գտնվող դպրոցի նախկին, պատմաճարտարապետական շքեղ կոթող համարվող շենքը կանգուն է: Պարզապես երբեմնի «Կումայրի» արգելոցի զարդը հանդիսացող նմանատիպ այլ շենք-շինությունների նման... վաճառված է: Գյումրիում շրջանառվող խոսակցությունների համաձայն, այդ շենքը ևս գնվել է Գյումրու նախկին քաղաքապետի ընտանիքի կողմից: Առաջ անցնելով ասենք, որ փոքրիկ վագոն-տնակում ապրող և ստեղծագործող նկարիչ Սամվել Գալստյանը գյումրեցի տաղանդավոր այն հատուկենտ նկարիչներից է, որոնք երկրաշարժից հետո չեն լքել քաղաքը: Նրա հատկապես ջրաներկով աշխատանքները մեծամասամբ գնվում են Հայաստանում օտար երկրների դիվանագիտական կորպուսի աշխատակացիների կողմից: Մեզ հետ ունեցած զրույցում գեղանկարիչը պատմեց, որ իր նկարները պարբերաբար նաեւ գողացել են: «Շիրակ կենտրոնի» կողմից պատրաստված տեսանյութում Սամվել Գալստյանը պատմում է իր ստեղծագործական ուղու, իր խոհերն է կիսում Գյումրիում արվեստի և արվեստագետների հանդեպ իշխանությունների ու հասարակության ունենցած ներկայիս վերաբերմունքի մասին: www.shirakcentre.org