ခြင်္သေ့အကအဖွဲ့ဟန်ဆောင်ပြီး ထိုင်းရဲတပ်ဖွဲ့ သူခိုးဖမ်း скачать в хорошем качестве

ခြင်္သေ့အကအဖွဲ့ဟန်ဆောင်ပြီး ထိုင်းရဲတပ်ဖွဲ့ သူခိုးဖမ်း

Video - သံသယရှိသူသည် မူးယစ်ဆေးဝါးဝယ်ယူရန်နှင့် လောင်းကစားရန် ခိုးယူခဲ့ခြင်းဖြစ်ကြောင်း ဝန်ခံခဲ့သည်ဟု ရဲတပ်ဖွဲ့က ပြောကြားခဲ့သည်။ The Washington Times ထိုင်းရဲတပ်ဖွဲ့သည် လက်ရဖမ်းဆီးရန် ခက်ခဲနေသည့် သူခိုးတဦးကို ဖမ်းဆီးနိုင်ရန် တရုတ်ရိုးရာ ခြင်္သေ့ဝတ်စုံဝတ်ဆင်ကာချဉ်းကပ်ပြီး ဆန်းသစ်သောနည်းလမ်းဖြင့် ဖမ်းဆီးခဲ့သည်။ ဘန်ကောက်ရဲတပ်ဖွဲ့က ထုတ်ပြန်သည့် ဗီဒီယိုဖိုင်တွင် နွန်သဘူရီပြည်နယ်တွင် ရဲအရာရှိများသည် အနီနှင့် ရွှေရောင်ခြင်္သေ့ဝတ်စုံ ဝတ်ဆင်၍ တရုတ်နှစ်သစ်ကူးပွဲတော်အတွင်း လျှောက်သွားနေသည့် သံသယရှိသူထံ ကခုန်လျက် ချဉ်းကပ်သွားကို တွေ့ရသည်။ ထို့နောက် ခြင်္သေ့ခေါင်းကို ကိုင်ထားသည့် အရာရှိက သံသယရှိသူအား ချက်ချင်းခုန်အုပ်ဖမ်းဆီးကာ မြေပေါ်လှဲချပြီး ချုပ်နှောင်လိုက်သည်။ အသက် ၃၃ နှစ်အရွယ်ရှိ အဆိုပါသံသယရှိသူသည် ယခုလဆန်းပိုင်းက ဘန်ကောက်ရဲမှူးကြီးတဦး၏ နေအိမ်အား သုံးကြိမ်တိုင်တိုင် ဖောက်ထွင်းခဲ့ပြီး ဘတ် နှစ်သန်း (ဒေါ်လာ ၆၄,၀၀၀ ခန့်) တန်ဖိုးရှိ ပစ္စည်းများကို ခိုးယူခဲ့ကြောင်း ရဲတပ်ဖွဲ့က ပြောကြားခဲ့သည်။ သံသယရှိသူသည် ရဲကိုမြင်သည်နှင့် ချက်ချင်းထွက်ပြေးလေ့ရှိသဖြင့် ယခင်က အကြိမ်ကြိမ်ဖမ်းဆီးရန် ကြိုးပမ်းသော်လည်း မအောင်မြင်ခဲ့ကြောင်း ရဲတပ်ဖွဲ့က ထုတ်ပြန်ခဲ့သည်။ နောက်ပိုင်းတွင် သူခိုးရောင်းချထားသည့် ဘုရားရုပ်ပွားတော်များနှင့် အမွေအနှစ်ပစ္စည်းများကို ခြေရာခံမှုမှတဆင့် ၎င်းသည် နွန်သဘူရီရှိ ဘုရားကျောင်းများသို့ မကြာခဏလာရောက်တတ်ကြောင်း သိရှိခဲ့ရသည်။ ထိုင်းတွင် တရုတ်နှစ်သစ်ကူးမှာ တရားဝင်ရုံးပိတ်ရက်မဟုတ်သော်လည်း ပွဲလမ်းသဘင်များ ကျင်းပလေ့ရှိပြီး ခြင်္သေ့အကအဖွဲ့များလည်း ပါဝင်လေ့ရှိရာ ယင်းအခြေအနေမှာ ရဲတပ်ဖွဲ့အတွက် အသွင်ယူဖမ်းဆီးရန် အကောင်းဆုံးအခွင့်အရေး ဖြစ်ခဲ့သည်။ သံသယရှိသူသည် မူးယစ်ဆေးဝါးဝယ်ယူရန်နှင့် လောင်းကစားရန် ခိုးယူခဲ့ခြင်းဖြစ်ကြောင်း ဝန်ခံခဲ့သည်ဟု ရဲတပ်ဖွဲ့က ပြောကြားခဲ့သည်။ ထို့ပြင် ၎င်းသည် ယခင်ကလည်း မူးယစ်ဆေးဝါးမှု၊ ဖောက်ထွင်းမှုတို့ဖြင့် ပြစ်ဒဏ်ကျခံဖူးသူဖြစ်ကြောင်းလည်း ရဲတပ်ဖွဲ့က ဖြည့်စွက်ပြောကြားခဲ့သည်။ The Washington Times မှ Thai police go undercover as lion dancers to nab a serial burglar အား သောမတ်ဘာသာပြန်သည်။ #ခြင်္သေ့အကအဖွဲ့ #ထိုင်းရဲတပ်ဖွဲ့ #သူခိုး #မဇ္ဈိမသတင်းဌာန #MizzimaBurmeseNews ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ https://bit.ly/2VhJ12U or https://tinyurl.com/donatemzm Subscribe Mizzima TV :    / @mizzimanewstv   One link to follow all Mizzima platforms: https://mizzima.carrd.co