#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ скачать в хорошем качестве

#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ

#ចំណងជើងវីដេអូ៖ «សូមជួយពួកគេឱ្យស្គាល់ព្រះអម្ចាស់» Help Them To Know The Lord #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី២៣ ខែមីនា ឆ្នាំ២០២៥។ «សូមជួយពួកគេឱ្យស្គាល់ព្រះអម្ចាស់» Help Them To Know The Lord #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ប៉ុន្តែ មនុស្ស​ខាង​សាច់​ឈាម​គេ​មិន​ទទួល​សេចក្តី​ខាង​ឯ​ព្រះវិញ្ញាណនៃ​ព្រះ​ទេ ពី​ព្រោះ​ជា​សេចក្តី​ល្ងង់ល្ងើ​ដល់​គេ ក៏​រក​ស្គាល់​មិន​បាន​ដែរ ដ្បិត​ត្រង់​ឯ​សេចក្តី​ទាំង​នោះ ត្រូវ​ពិចារណា​យល់​ខាង​វិញ្ញាណ​វិញ» (១កូរិនថូស ២:១៤)។ បទគម្ពីរខាងលើរបស់យើងគឺនិយាយអំពីមនុស្សបែបលោកិយ៍។ តើនរណាជាមនុស្សបែបលោកិយ៍? មនុស្សបែបលោកិយ៍​គឺ​ជា​ មនុស្ស​ម្នាទូទៅ ​ដែល​មិនទាន់​បាន​កើត​ម្ដង​ថ្មី។ ពួកគេប្រហែលជាធំឡើងនៅក្នុងភូមិផងរបងជាមួយនឹងយើង ហើយក៏មានជីវិតបែបសមរម្យដែរ ប៉ុន្តែពួកគេត្រូវបានផ្ដាច់ចេញពីជីវិតរបស់ព្រះជារៀងរហូត។ មនុស្ស​បែបលោកិយ៍ ពួកគេមិនយល់​ចំពោះ​ការដែលមានព្រះជាបិតាឡើយ។ អេភេសូរ 4:18 ចែងថា «គំនិត​គេ​ត្រូវ​បង្អាប់ ហើយ​គេ​ដាច់​ចេញ​ពី​ព្រះជន្ម​ព្រះ ដោយសារ​សេចក្តី​ខ្លៅ​ល្ងង់ក្នុង​ខ្លួន​គេ ព្រោះ​ចិត្ត​គេ​រឹងទទឹង»។ ដូច្នេះ មនុស្សបែបសាច់ឈាមគឺថា ពួកគេជាមនុស្សដែលមានបទពិសោធន៍តែមួយគត់គឺកំណើតធម្មជាតិរបស់ខ្លួន ហើយដែលធំឡើងតាមបែបនឹងដែរ។ ដូចព្រះគម្ពីរបានចែងថា “…មនុស្ស​ខាង​សាច់​ឈាម​គេ​មិន​ទទួល​សេចក្តី​ខាង​ឯ​ព្រះវិញ្ញាណនៃ​ព្រះ​ទេ ពី​ព្រោះ​ជា​សេចក្តី​ល្ងង់ល្ងើ​ដល់​គេ ក៏​រក​ស្គាល់​មិន​បាន​ដែរ ដ្បិត​ត្រង់​ឯ​សេចក្តី​ទាំង​នោះ ត្រូវ​ពិចារណា​យល់​ខាង​វិញ្ញាណ​វិញ” (កូរិនថូសទី១ ២:១៤)។ វានាំឱ្យនឹកឃើញដល់ឧប្បត្តិហេតុមួយកាលពីប៉ុន្មានឆ្នាំមុន ដែលពាក់ព័ន្ធនឹងអតីតអធិការបតីនៃសាកលវិទ្យាល័យមួយគឺថា ភ្លាមៗគាត់បានដួលនៅឯអាកាសយានដ្ឋាន ហើយពេលនោះ លោកគ្រូ Benson Idahosa ក៏នៅក្បែរនោះដែរ។ នៅថ្ងៃបន្ទាប់ ការសែតក៏បានចុះផ្សាយថា លោកគ្រូម្នាក់នោះបានឮ"សំឡេងមួយថា" សូមជួយរក្សាជីវិតរបស់លោកអធិការបតីផង។ សារព័ត៌មាន​មិន​យល់​ពី​អ្វី​ដែល​បាន​កើត​ឡើង​នោះទេ ដូច្នេះ​គេគ្រាន់តែ​ហៅ​វា​ថា «សំឡេងម្យ៉ាង»។ ជាការ​ពិតនោះ ​លោកគ្រូ​អៃដាហូសា​បានអធិស្ឋានជាភាសា​ដទៃខ្លាំងៗ។ តែអ្នកកាសែត​មិនបាន​ស្គាល់​ស្ថានភាព​ខាង​ឯវិញ្ញាណទេ ទើបពួកគេបាន​ពណ៌នា​វា​ថា​ជា «សំឡេងម្យ៉ាង»។ ប៉ុន្តែ មនុស្សរបស់​ព្រះវិញ ​បាន​ដឹង​យ៉ាង​ច្បាស់​ថា ក្នុងកំឡុងពេលដ៏សំខាន់ តើគួរតែធ្វើអ្វី។ ព្រះអង្គ​ចង់ឲ្យយើងដោះស្រាយអ្វីមួយ ចំពោះមនុស្សបែបលោកិយ នូវអ្វីដែលពួកគេ​មិន​អាច​យល់​បាន។ ពេលនោះ យើងឃើញថា លោកអធិបតីដែលមានសភាពរឹងស្ដូល ក៏មានជីវិតរស់ឡើងវិញ! កិច្ចការរបស់​ព្រះ​តម្រូវ​ឱ្យ​មាន​ការ​យល់​ដឹង​ខាង​ឯវិញ្ញាណ ក៏ប៉ុន្តែ​មនុស្សបែបលោកិយ៍គេ​មិន​អាច​យល់​បាន​ឡើយ។ ដោយសារតែពួកគេ ត្រូវបានផ្តាច់ចេញពីសេចក្ដីពិតរបស់ព្រះ និងព្រះវិញ្ញាណនៃជីវិត ទើបបានជាពួកគេយល់ឃើញថា រាល់កិច្ចការរបស់ព្រះ វាមើលទៅហាក់ដូចជា រឿងឥតប្រយោជន៍ ឬមិនសមហេតុសមផលឡើយ។ នេះហើយជាហេតុផលដែលយើងត្រូវតែបន្តផ្សាយដំណឹងល្អ។ ព្រះ​សព្វ​ព្រះ​ទ័យ​ឲ្យ​មនុស្ស​ទាំង​អស់​បាន​ទទួលសេចក្ដីសង្គ្រោះ ហើយនឹងយល់ពី​សេចក្ដី​ពិតនេះ (១ធីម៉ូថេ ២:៤)។ ដូច្នេះ យើង​ត្រូវ​ជួយ​ពួកគេ​ឲ្យ​ស្គាល់​ព្រះអម្ចាស់នៃយើង។ វាមិនសំខាន់ទេថា អ្នកនោះគឺជា សាស្រ្តាចារ្យដែលមានប្រាជ្ញា អ្នកវិទ្យាសាស្ត្រដ៏អស្ចារ្យ អ្នកនិយាយដ៏ប៉ិនប្រសប់ អ្នកនយោបាយដែលមានបទពិសោធន៍ ឬជាវេជ្ជបណ្ឌិតឡើយ។ ដរាបណា ពួក​គេ​មិនទាន់​បាន​កើត​ជាថ្មីទេ ពួកគេក៏នៅតែជាមនុស្សបែបលោកីយ៍។ ​ព្រះយេស៊ូវ​បាន​មាន​បន្ទូល​ថា “… ប្រាកដ​មែន ខ្ញុំ​ប្រាប់​អ្នក​ជា​ប្រាកដ​ថា បើ​មិន​បាន​កើត​ជា​ថ្មី នោះ​គ្មាន​អ្នក​ណា​អាច​នឹង​ឃើញ​នគរ​ព្រះ​បាន​ទេ” (យ៉ូហាន 3:3) ។ ដូច្នេះ សូមជួយ​ឲ្យអ្នក​ដែល​នៅ​ជុំវិញ​អ្នក ដែល​មិន​ដែល​បាន​កើត​ជាថ្មីទេ សូមជួយឲ្យពួកគេបាន​ស្គាល់​ព្រះអម្ចាស់ ដើម្បីឲ្យពួកគេបានទទួល​សេចក្ដី​សង្គ្រោះ។ ហាលេលូយ៉ា! #សេចក្ដីអធិស្ឋាន ឱព្រះវរបិតាអើយ កូនសូមអរព្រះគុណចំពោះព្រះពរនៃការកើតជាថ្មី ដែលធ្វើឲ្យកូនក្លាយជាមនុស្សខាងឯវិញ្ញាណ។ កូនដើរក្នុងពន្លឺនៃព្រះបន្ទូលរបស់ព្រះ ហើយរស់នៅដោយពឹងផ្អែកលើតែប្រាជ្ញានៃព្រះវិញ្ញាណ។ ដួងចិត្តរបស់កូន ទទួលស្គាល់ និងមានការយល់ដឹងអំពីសេចក្ដីជ្រាលជ្រៅរបស់ព្រះ ហើយជីវិតរបស់កូន គឺជាការបង្ហាញពីប្រាជ្ញា និងសិរីល្អរបស់ព្រះ កូនសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន #ការសិក្សាបន្ថែម៖ យ៉ូហាន ៣:៦-៧ អេភេសូរ ២:១២-១៣ កូរិនថូសទី១ ១:២១ យ៉ូហាន ១៧:២៥; យ៉ូហាន ៨:២៣