Սաղմոս 73 скачать в хорошем качестве

Սաղմոս 73

Հիրավի Աստված բարի է Իսրայելի, Այսինքն՝ սրտով մաքուր եղողներուն: Բայց քիչ մնաց, որ իմ ոտքերս ծռեին, Ու մազ մնաց, որ իմ քայլերս սայթաքեին: Վասն զի նախանձեցա հպարտներուն, Երբ ամբարիշտներուն hաջողությունը տեսա. Քազի իրենց մահվան ժամանակն ալ ցավ չունին. Մարմիններն ալ պարարտ են: Անոնք ուրիշ մարդոց նման նեղության մեջ չեն, Եվ ուրիշ մարդոց պես չեն տանջվում: Անոր համար վզնոցի պես ամբարտավանությունը զանոնք կշրջապատե. Բռնությունը հանդերձի պես զանոնք կծածկե: Անոնց աչքերը պարարտությունեն դուրս կելլեն. Եվ սրտի խորհուրդներեն անդին կաանցնին: Ծաղր կընեն ու չարությունով կխոսին բռնության համար, Հպարտությունով կխոսին: Բերաննին երկնքի դեմ կդնեն, Եվ իրենց լեզուն երկրի մեջ կպտտի: (Անոր համար իր ժողովուրդը հոս պիտի դառնա, Եվ առատությունով ջուր պիտի քամվի անոնց:) Ու կ'ըսեն՝ Աստված ինչպե՞ս կրնա գիտնալ. Բարձրյալին քով գիտություն կա՞: Ահա ասոնք են ամբարիշտները, Միշտ հաջողություն ունին, ու հարստություն կավելցնեն: Հիրավի զուր տեղը իմ սիրտս մաքրեցի, Ու իմ ձեռքերս անմեղությունով լվացի. Որովհետև ամեն օր կտանջվիմ, Ու ամեն առտու կխրատվիմ: Եթե ըսեի՝ ես այսպես պիտի խոսիմ, Քո որդիներուդ նենգություն ըրած պիտի ըլլայի: Երբ խորհեցա ասիկա իմանալու մասին, Դժվար թվեցավ իմ աչքերուս. Մինչև որ Աստծո սրբարանը մտա, Անոնց վախճանը իմացա: Իրավամբ դուն զանոնք սահուն տեղեր դրեր ես. Կործանման մեջ իջեցուցիր զանոնք: Ինչպե՜ս հանկարծակի ավերմունքի մեջ ինկան. Հատան ու վախերով կորսվեցան: Ինչպե՜ս երազ մը մարդուն արթըննալեն հետո, Այնպե՜ս, ո՜վ Տեր, քաղաքին մեջ`անոնց պատկերը պիտի անարգես: Երբ իմ սիրտս ցավեցավ, ու իմ երիկամունքներես խոցվեցա: Ես հիմար էի ու չէի իմանար, Քո առջևդ անասուններու պես էի: Սակայն ես միշտ քեզի հետ եմ, Դուն իմ աջ ձեռքես կբռնես: Դուն պիտի առաջնորդես զիս քո խորհրդովդ, Ու վերջը փառքով զիս պիտի ընդունես: Ո՞վ ունեմ ես երկինքի մեջ. Երկրի վրա ալ քեզմե զատ մեկը չեմ ուզեր: Իմ մարմինս ու սիրտս կմաշին. Բայց Աստված իմ սրտիս զորությունը ու իմ բաժինս է հավիտյան: Վասն զի ահա անոնք, որ քեզմե կհեռանան, կկորսվին. Դուն կսատկեցնես ամենքը, որ շնություն կնեն` քեզմե մոլորելով: Բայց Աստծոն մոտենալս բարի է ինձի. Հույսս դրեր եմ Տեր Եհովային վրա, Որպես զի քո բոլոր գործերդ պատմեմ: