مقروط الكوشة مرمل ومعسل يذوب الفم ناجح مع اهم الاسرار باش مايتشققش فالفرن скачать в хорошем качестве

مقروط الكوشة مرمل ومعسل يذوب الفم ناجح مع اهم الاسرار باش مايتشققش فالفرن

المكونات (27 حبة) . . 3 كيلات دقيق متوسط (استعملت ماما) كل كيلة فيها 200غ كيلة ناقصة مقدار أصبع سمن ذايب وبارد نكملها بالزيت (170غ سمن + 70غ زيت) ربع كيلة فارينة (40غ) 2 ملاعق كبيرة حليب بودرة (30غ) ملعقة كبيرة غير مملوءة سكر (15غ) ملعقة صغيرة ملح (6غ) ملعقة صغيرة مملوءة فانيليا ماء + ماء الزهر (170غ اذا استعملتو نفس الدقيق ماما واذا نوع آخر يقدر يديلكم أكثر) . . 300غ غرس 2 ملاعق كبيرة جلجلان محمص (ضربة أو 2 فالأشوار باش يطلق البنة) نصف ملعقة كبيرة زبدة طرية ملعقة صغيرة قرفة ماء الزهر . . الطريقة ♦️نخلط كل المكونات الجافة بعدما نغربلها، نضيف ليدام ونبسس جيدامن 2-3 دقائق، نغطيه بكيس ونخليه يبات ليلة كاملة . ♦️نطري الغرس بماء الزهرحتى يصبح طري جدا نضيف الجلجلان والزبدة والقرفة ونجمع العجينة بالزيت باش ماتلصقش (وزن الحشو 12غ) . ♦️نبلل خليط المقروط بحوالي كيلة إلا ربع ماء+ماء الزهر على 3 مرات (الكمية الأكبر تكون فالمرة الاولى والثانية) بأطراف الأصابع فقط دون عجن بين كل مرة وأخرى يرتاح 20دقيقة حتى يتشرب وفي المرة الثالثة نجمع العجينة دون عجنها ،نتحصل على عجينة متماسكة ماتكونش طرية جدا (المقروط يطيح في الفرن) نجمعها فوق سطح العمل براحة اليدين حتى تصبح متجانسة ومافيهاش تشققات(وزن العجينة 40غ) . ♦️نحط الحشو وسط العجينة ، نغلقها ونضغط عليها جيدا لاخراج الهواء منها وحتى يلتصق الحشو بالعجينة ، نكورها جيدا حتى تصبح خالية من أي تشققات (اهم سر باش مايتشققش المقروط اثناء الطهي إلى جانب انو العجينة تاخذ الكمية الكافية من الماء) . ♦️نشكل المقروط بالطابع ونثقبو في الوسط، الطهي على 180 ْ من فوق ومن تحت مدة 30 دقيقة ثم من فوق فقط حتى ياخذ لون ذهبي (5-10د) . ♦️مباشرة من الفرن إلى العسل البارد (انا مانضيفش ماء الزهر باش يبقى المقروط مرمل)، كلما يبقى فالعسل يجي معسل وطري اكثر انا عسلتو (20-30د) . ♦️الغرس مايكونش طري فوق اللازم لانو يتنفخ ويخلي العجينة تتشقق ، يكون بنفس طراوة العجينة ، وكذلك مانديروش كمية كبيرة فالحشو والعجين رقيقة لانو تتشقق كذلك . . . . #حلويات #ترند #حلويات_2025 #معسلات #حلويات_العيد #حلويات #حلويات_جزائرية #طبخ #وصفات #اكسبلور #explore #foodies #recipe #trend #trending #food #foryou #fyp #foryou #follow #foryoupage #trendingshorts #trendingvideo #viralvideo #viralshorts #vlog #viralreels #videos