කුසගින්නේ උහනින් ඇවිත් ඩෑශ් ගහපු සුපිරි දරුවෝ | Inspirational Story of Uhana Tissapura Volleyball скачать в хорошем качестве

කුසගින්නේ උහනින් ඇවිත් ඩෑශ් ගහපු සුපිරි දරුවෝ | Inspirational Story of Uhana Tissapura Volleyball

අම්පාර, ඉඟිනියාගල සේනානායක සමුද්‍රය නිර්මාණය වීමත් එක්ක උහන, තිස්සපුර විද්‍යාලයේත් ආරම්භය සනිටුහන් වෙනවා. ජනප්‍රිය පාසල් ගොන්නට අයිති නොවුණට, මේ වෙද්දි ක්‍රීඩා ක්ෂේත්‍රයේ නමක් දිනා ගන්න‍ මේ පාසල සමත්වෙලා. කවුරුත් නොසිතන කලාපයකින් ඇවිත් වොලිබෝල් ශූරියන් වෙන්න මේ ගිනියම් පොළව එක්ක ඔට්ටුවෙන දරුවන් සමත්වුණා. මේ දරුවන්ගෙ ගමන සුමට සුකුමල එකක් නෙවෙයි.. තිස්සපුර විද්‍යාලයේ ඉරණම වෙනස් වන්නේ චමින්ද උදය කුමාර නමැති විදුහල්පතිවරයාගේ ආගමනයත් එක්ක. අධ්‍යාපනයට හෝ ක්‍රීඩාවට උනන්නදුවක් නැති දරුවන් පිරිසක් ක්‍රීඩාව ඇබ්බැහි කරන්න ඔහු සමත් වුණා. පාසලේ සෑම දරුවෙකුට වොලිබෝල් ක්‍රීඩාව අනිවාර්ය සාධකයක් කරමින් සියලුදෙනාම ඊට යොමු කරන්න ඔහුට හැකි වුණා. මීට විශාලම ශක්තිය වුණේ කිසිදු වැටුපක් බලාපොරොත්තු නොවී ස්වේච්ඡාවෙන් ඉදිරිපත් වූ පුහුණුකරු ඉන්දික පුෂ්පකුමාර තිස්සපුර ඉරණම වෙනස් වෙන්නෙ,පාසල නියෝජනය කළ කණ්ඩායම 2016 වසරේ වයස 14 න් පහළ බාලිකා සුපර් ස්පෝරට් පාසල් වොලිබෝල ශූරියන් වීමත් එක්ක. ඉන් පසුව 2017, 2018 වගේම 2019 වසරවලදිත් උහන දරුවන්ට තමන්ගේ පාසලට ශූරතා ගේන්න හැකි වුණා. එතෙක් මේ දරුවන්ගේ හැකියාව හා දක්ෂතාව ගැන විශ්වාසයක් නොවූ දෙමාපියන් ප්‍රදේශවාසීන් ව්‍යාපාරිකයන් පාසල සමග එකතු වුණා. තරගාවලිවලට සහභාගිවන්න මුදල්, ඇඟලුම් වගේ ම ප්‍රවාහන පහසුකම් සපයා ගන්න ගෙයින් ගෙට ගොස් මුදල් එකතු කළේ දෙමවුපියන්. උහන ක්‍රීඩිකාවන් මෙවර සුපර් ස්පෝර්ට්ස් පාසල් වොලිබෝල් තරගාවලියේ දී ද වොලිබෝල් ක්‍රීඩාවත් සමග ඈඳුණු නම් ඇති ජනප්‍රිය පාසල් අභිබවා යමින් අවුරුදු 15 න් පහළ හා 19 පහළ ශූරතා දෙකම හිමි කරගත්තා. මෙය විශේෂ වන්නේ පාවහන් යුගලක් හෝ නොමැතිව දරිද්‍රතාවය නිසාම කුසට හරි හැටි අහරක් නොමැතිව කාෂ්ඨක පොළව එක්ක ඔට්ටුවෙන දරුවන් පිරිසකගේ හපන්කමක් නිසාමයි. වයස අවුරුදු 15න් පහළ බාලිකා අවසන් තරගයේ දී හුංගම විජයබා ජාතික පාසල වට තුනට 0 ක් විදියට පරාජය කරන්න උහන දැරියන්ට හැකි වුණා. ඒ වයස් කාණ්ඩයේ සියලුම සම්මාන ඔවුන් අත් පත් කරගැනිමත් විශේෂයි. එම වයස් කාණ්ඩයේ දක්ෂතම පන්දු ඔසවන්නිය ලෙස ජිනේෂි මධුමාලි, දක්ෂතම ප්‍රහාරිකාව ලෙස හර්ෂනී නිසංසලා සහ දක්ෂතම ක්‍රීඩිකාව සුලක්ෂනා පසිඳුනි සම්මාන දිනා ගත්තා වයස අවුරුදු 19න් පහළ බාලිකා අවසන් තරගයේ දී පැල්මඩුල්ල ගන්කන්ද මධ්‍ය මහා විද්‍යාලය වට තුනට එකක් ලෙස උහන ක්‍රීඩිකාවන් පරාජය කළා. එම වයස් කාණ්ඩයේ ද සම්මාන සියල්ල අත් පත් කරගත්තේ උහන දැරියන්. එම කාණ්ඩයේ දක්ෂතම පන්දු ඔසවන්නිය ලෙස කසුනි කල්හාරි ද, දක්ෂතම ප්‍රහාරිකාව ලෙස සත්‍යා සෙව්වන්දි ද සහ දක්ෂතම ක්‍රීඩිකාව ලෙස මෙන් ම වසරේ දක්ෂතම ක්‍රීඩිකාව ලෙස ද චතුරි පූර්ණිමා ද සම්මාන ලබා ගත්තා. 👉 FOLLOW US 📌Subscribe us: http://bit.ly/NewsfirstSubscribe 📌Instagram - https://news1st.lk/instagram 📌Youtube - https://news1st.lk/youtube 📌Twitter - https://news1st.lk/twitter 📌Tiktok - https://news1st.lk/tiktok 📌Viber - https://news1st.lk/viber 📌Facebook - https://news1st.lk/facebook Newsfirst.lk Sri Lanka's Number One News Provider. Web: www.newsfirst.lk Email: [email protected] Telephone: +94 114792700 #SriLankaNews #lka #News1st