【微鬼故 EP002】微豆真人真事 ［第二章 l 小學女厠的經歷］ скачать в хорошем качестве

【微鬼故 EP002】微豆真人真事 ［第二章 l 小學女厠的經歷］

【微鬼故 EP002】微豆真人真事 ［第二章 l 小學女厠的經歷］#粵語 #中文字幕 #微豆故事 #真人真事 #小學女厠的經歷 #喊驚 #靈異事件 #鬼 #鬼影 #鬼故事 #鬼門關 #鬼片 #微鬼故 第二章 - 中學女廁的經歷 讀中學時，有一次，我響學校地下上體育堂，中途突然有三急，我就獨自離群去廁所。依個廁所距離我上體育堂嘅地方好近，走大約十五步就到。廁所有四格，但學校嘅清潔姐姐將洗地桶、地拖同清潔用品都放係依格，亦會反鎖唔比人用。 我揀咗第三格，因廁所下面都係互通，去到差唔多完嘅時候，我一邊準備著留番條褲，一邊望到隔離第四格有對腳。對腳著住白襪皮鞋，我第一個反應係：「依啲鞋款我呀婆年代先會著啦！」但好快我又諗：「依個廁格，唔係平時都唔開放比人用嘅咩？」我開始有啲驚，心諗：「唔係咁好彩，又撞鬼呀？」 我用完廁所，就去洗手盆洗手，打開水，加埋洗手液，響依個時候，我聽到第四格廁所入面有人細細聲講：「你講得啱呀！你就係咁唔好彩又撞中喇…、呵...呵...呵...！」我未沖乾淨洗手液手，就即刻關水，趕快跑走，完全冇理會佢。 嗰種笑聲，真係令人毛骨悚然，我聽到啲毛髮都豎起晒，成身都起雞皮。我響心度諗：「都冇開口講過呢啲說話，但係佢…竟然知道我個心諗乜！」我好驚，但當時天氣好好，晴朗、陽光普照，唔係咁恐怖。更好彩嘅係，自己反應慢，冇諗咁多，之後再諗番先識驚。 我可以肯定嘅係： 1. 入廁所嘅時候，只有我一個人； 2. 我見到對腳之前，廁所冇任何人入嚟嘅聲音； 3. 第四格廁所係反鎖住，點可能冇聲音就有人入咗去呢？ 當日嘅體育堂，係要三個人一組，一齊做啲動作，我入咗廁所後，我兩個同學都要等我出去先可以繼續，但佢哋話我入去之後，廁所冇人入過去；我出返廁所之後，成堂都望住廁所門，冇人出來過嚟。咁到底係鬼玩我定係咩？我百份之二百，唔想相信自己係撞島鬼！