ಗರಿ ಗರಿಯಾದ ರುಚಿಯಾದ ಮದ್ದೂರು ವಡೆ | How to prepare Maddur Vada in Kannada. скачать в хорошем качестве

ಗರಿ ಗರಿಯಾದ ರುಚಿಯಾದ ಮದ್ದೂರು ವಡೆ | How to prepare Maddur Vada in Kannada.

ಮದ್ದೂರು ವಡೆ ಮಾಡಲು ಬೇಕಾಗುವ ಸಾಮಗ್ರಿಗಳು: 1. ಒಂದು ಕಪ್ ಮೈದಾ 2. ಒಂದು ಕಪ್ ಅಕ್ಕಿ ಹಿಟ್ಟು 3. ಅರ್ಧ ಕಪ್ ಬಾಂಬೆ ರವೆ 4. ರುಚಿಗೆ ತಕ್ಕಷ್ಟು ಉಪ್ಪು 5. ಮದ್ಯಮ ಗಾತ್ರದ ಎರಡು ನೀರುಳ್ಳಿ 6. ಕರಿದ ಎಣ್ಣೆ ಸ್ವಲ್ಪ 7. ಸ್ವಲ್ಪ ಕರಿಬೇವಿನ ಸೊಪ್ಪು ತಯಾರಿಸುವ ವಿಧಾನ: 1. ಮೊದಲಿಗೆ ನೀರುಳ್ಳಿಯನ್ನು ತೆಳ್ಳಗೆ ಉದ್ದವಾಗಿ ಹೆಚ್ಚಿಕೊಳ್ಳಬೇಕು. 2. ನಂತರ ಕರಿಬೇವಿನ ಸೊಪ್ಪನ್ನು ಹೆಚ್ಚಿಕೊಳ್ಳಬೇಕು. 3. ಒಂದು ಪಾತ್ರೆಗೆ ಕತ್ತರಿಸಿದ ನೀರುಳ್ಳಿ, ಕರಿಬೇವಿನ ಸೊಪ್ಪು, ರುಚಿಗೆ ತಕ್ಕಷ್ಟು ಉಪ್ಪು, ಎರಡು ಸೌಟು ಕರಿದ ಎಣ್ಣೆ ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಬೇಕು. 4. ಇದಕ್ಕೆ ಒಂದು ಕಪ್ ಮೈದಾ, ಒಂದು ಕಪ್ ಅಕ್ಕಿ ಹಿಟ್ಟು, ಅರ್ಧ ಕಪ್ ಬಾಂಬೆ ರವಾ ಸೇರಿಸಿ ಸ್ವಲ್ಪ ನೀರು ಸೇರಿಸಿ ಗಟ್ಟಿಯಾಗಿ ಕಲಸಿಕೊಳ್ಳಬೇಕು. 5. ಈ ಮಿಶ್ರಣದಿಂದ ಲಿಂಬೆಹಣ್ಣು ಗಾತ್ರದ ಉಂಡೆಗಳನ್ನು ಮಾಡಿಟ್ಟು ಕೊಳ್ಳಬೇಕು. 6. ಒಂದು ಬಾಣಲೆಗೆ ಎಣ್ಣೆಯನ್ನು ಹಾಕಿ ಸಣ್ಣ ಉರಿಯಲ್ಲಿ ಇಟ್ಟುಕೊಳ್ಳಬೇಕು. 7. ಪಕ್ಕದಲ್ಲಿ ಎರಡು ಪ್ಲಾಸ್ಟಿಕ್ ಕವರ್ ಗೆ ಎಣ್ಣೆಯನ್ನು ಹಚ್ಚಿ ಮಾಡಿಟ್ಟುಕೊಂಡ ಉಂಡೆಯನ್ನು ಒತ್ತಿಕೊಳ್ಳಬೇಕು. 8. ಎಣ್ಣೆ ಕಾದ ನಂತರ ಒತ್ತಿಟ್ಟುಕೊಂಡ ಉಂಡೆಯನ್ನು ಒಂದೊಂದಾಗಿ ಎಣ್ಣೆಯಲ್ಲಿ ಬಿಡಬೇಕು. 9. ಸ್ವಲ್ಪ ಕರಿದ ನಂತರ ಇದನ್ನು ತೆಗೆದಿಟ್ಟುಕೊಳ್ಳಬೇಕು. 10. ಎಲ್ಲಾ ಕರಿದಾದ ನಂತರ ಪುನಃ ಎಲ್ಲವನ್ನು ಒಟ್ಟಿಗೆ ಹೊಂಬಣ್ಣ ಬರುವವೆಗೆ ಕರಿಯಬೇಕು. 11. ಹೀಗೆ ಎರಡು ಸಲ ಕರಿಯುವುದರಿಂದ ಗರಿ ಗರಿಯಾದ ಮದ್ದೂರು ವಡೆ ತಯಾರಾಗುತ್ತದೆ.