მეორე ტალღა - "ებრაელი" - საქართველოს ებრაელთა ისტორია - II თავი скачать в хорошем качестве

მეორე ტალღა - "ებრაელი" - საქართველოს ებრაელთა ისტორია - II თავი

მოგესალმებით მეგობარო! თქვენს წინაშეა უნიკალური პროექტი — საქართველოს ებრაელთა ისტორიის ვიზუალიზაციის მსოფლიოში პირველი მცდელობა. 70 წელს რომაელთა არმიამ, ტიტუსის სარდლობით, იერუსალიმი დაიპყრო და გაანადგურა. ეს მოვლენა 66–დან 73 წლამდე ომის კულმინაცია იყო, რომელიც რომის იმპერიის წინააღმდეგ იუდეველთა აჯანყებით დაიწყო . 66 წელს რომის პროკურატორად მოვლინებულმა ჰესიუს ფლორმა იუდეველები სასოწარკვეთილებამდე მიიყვანა. მისი მმართველობის დროს არც მართლმსაჯულება არსებობდა და არც კანონი. ნაცვლად იმისა, რომ ავაზაკთა ბანდები მოეთოკა, ის ფარულად უწყობდა ხელს მათ თარეშს, რისთვისაც ნაძარცვიდან წილს იღებდა. ბოლოს ესეც არ იკმარა: იერუსალიმის ტაძრის საგანძური გაძარცვა და თავის მეომრებს სამი ათასამდე იუდეველი დაახოცინა. ამან ხალხის მოთმინებას ზღვარი დაუდო – გადაწყდა ხელთ იარაღის აღება... და აჯანყება ცეცხლის ალივით მოედო მთელ ქვეყანას. აჯანყებულებმა გაანადგურეს რომაული გარნიზონი; წარმატებით მოიგერიეს სირიის ნაცვლის ლეგიონების შემოტევა. აჯანყბის ჩასახშობად რომაელებმა რომიდან საგანგებოდ გამოგზავნილმა ლეგიონებმა ტიტუსის მეთურობით, ქალაქი და მისი წმინდა ტაძარი მიწასთან გაასწორეს, ხოლო მოსახლეობის ნაწილი ტყვედ აიყვანეს და მონებად გაყიდეს მეორე ტაძრის დანგრევასთან ერთად იუდეველებმა დაკარგეს სახელმწიფოებრიობაც და ტაძრის კულტიც. სატაძრო ღვთისმსახურება ჩაანაცვლა ლოცვამ და საღვთო წიგნების შესწავლამ. რაბინთა მიზანი იყო ებრაელები ქცეულიყვნენვნენ თემად, რომელიც ნებისმიერ ადგილას შეძლებდა ღვთის მსახურებას. ამიტომ ებრაელის უპირველეს მოვალეობად თორას შესწავლა იქცა. ტაძრის დანგრევის შემდეგ რელიგიური და საზოგადოებრივი ცხოვრების ცენტრად იქცა "ბეით კნესეტეი" (თვშეყრის სახლი) რაც ბერძნულად სინაგოგას ნიშნავს. სინედრიონმა ქართლში მცხოვრები ოთხი ებრაული თემის: მცხეთელთა, ბოდელთა, კოდისწყაროელთა და სობისკანანელთა წარმომადგენლები იერუსალიმში მიიწვია. ელიოზ მცხეთელის მეთაურობით ლონგინოზ კარსნელი, მისაელი და თალენავი წმინდა ქალაქში გვიან ჩასულან ამიტომ იეშუას გასამართლებაში მონაწილეობა არ მიუღიათ. რომაული წესით იეშუას სიკვდილის დასჯის შემდეგ, რომაელმა მეომრებმა სამოსელი გაიყვეს, ხოლო უნაკერო კვართი არ დაანაწევრეს და წილი ჰყარეს. ამ გზით კვართი ელიოზ მცხეთელს ერგო. ასე ჩამოიტანეს კვართი მცხეთში... იერუსალიმიდან დაბრუნებულ ელიოზს ცრემლმორეული მიეგება თავისი და სიდონია, რომელმაც ძმას - დედის გარდაცვალების ამბავი ამცნო... ელიოზმა კვართი სიდონიას გადასცა. მან კვართი გულში ჩაიკრა და იქვე სული განუტევა. სიდონიას კვართი ხელიდან ვერავინ გამოაცალა. ღვთის მოშიშმა ელიოზმა ის კვართთან ერთად მიაბარა მიწას.