HINNA TUI - V. GINMUANSIAM скачать в хорошем качестве

HINNA TUI - V. GINMUANSIAM

02.09.2024 Toupan hiai laa HINNA TUI hon piak dan lamdang in thupi mah mah hi. Ka Tapa neupen damlou di hon theih kholhsak na ahi ka chi lou thei kei hi. Toupan Hinna tui ana ngai kha khempeuh te sung ah luan lut sak hen aw🙏🙏 Ka Tapa neupen hong dam kei a, inn ah ni bang zah hiam ki enkol in ka om ua, hong dam khe thei lou in hospitalised ngai hial in ka om uh hi. Hospital ah ka om sung in hiai laa a kaih nalh tak leh ki lawm tak a, a aw le it het lou a hon bawl sak Unaupa V. GINMUANSIAM tung ah lungdamna lian petmah hi. Toupan amah zang in laa kaih hoih tak leh AW ki lawm tak in hon sak khiak sak hi. Hici bang a Toupa a dia ki pe zou Toupan hon piak man in Toupa kiang ah kipah thu ka gen hi. Toupan tamsem bawl thei jel ding leh sa thei jel din ompih in makaih gige hen aw🙏 Damlou natna thuak a tai nang thei lou Lungbuai mangbang a ka om lai in ka Toupan kei ka om, a lampi d ken kon bawl sak ahi hong chi a, Amah lampi bawl muang tak in ka zui hi. Ka zuih mah bng in damna toh innlum damtak in honpi tung hi. Lungdam lua ing, Toupa aw🙏* Hiai Laa a ngai kha teng tung ah Toupan amah ngaih huai gige ahih dan leh a Tapa Jesu apat a itna toh hong ompih in hon vualzawl hen aw.🙏 🙏🙏 HINNA TUI Tune & Asa : V. Ginmuansiam Lyrics: H. Samuel Pausonlian Music & Recording : Lalsiam studio Video : Lamka Video Luankhi luanglou lungsung kap e Taikhua vaklou zalna laikhun tung a Maimit sing lou taikhua vakzel ing Lungdamna luankhi nul ding omlou Toupa aw lung sung thawmhau a om Heh hong nem lou ding na hiam aw Nang ngai a mau ka kha dangtak lua Hinna tui ka sung hong luan aw Toupa Taikhua vak ding hai bang ngak la'ng Khattang zansawt sawlbang hei ing e Zing ninou suak ding ngai ngam la'ng Zing daitui mangzel bang lel ka nunna Khattang ki sa'n hambang vai ing Lung a ka suangtuahna liam mang zel e Bangchin machiang suan ding lung a gel in Sunchin zanchin mailam ding gelmong e