သီပေါမြို့နယ်တစ်ခုလုံး စစ်ကောင်စီတပ် ကင်းစင်သွားပြီ скачать в хорошем качестве

သီပေါမြို့နယ်တစ်ခုလုံး စစ်ကောင်စီတပ် ကင်းစင်သွားပြီ

သီပေါမြို့နယ်တစ်ခုလုံး စစ်ကောင်စီတပ် ကင်းစင်သွားပြီ ———— နှစ်လကျော်ကြာ အပြင်းအထန်တိုက်ယူခဲ့ရပြီး လေကြောင်းမှ အကြိမ်ကြိမ် ဗုံးကြဲခံရသည့် ရှမ်းပြည်နယ်မြောက်ပိုင်း၊ သီပေါမြို့ကို တအာင်းတပ် (TNLA) က ယမန်နေ့မွန်းလွဲတွင် အပြီးသတ် သိမ်းယူနိုင်လိုက်ပြီဖြစ်သည်။ မြို့မြောက်ဘက် ၁ မိုင်ခန့်အကွာရှိ  အမှတ် ၂၃ ခြေလျင်တပ်ရင်း စခန်းကို  ယမန်နေ့မွန်းလွဲပိုင်းတွင် ရရှိခဲ့သည်ဟု TNLA ၏ ပြောရေးဆိုခွင့်ရှိသူ လွေးယေဦးက Myanmar Now ကို ယနေ့ ပြောသည်။ “မနေ့တုန်းက သီပေါမှာရှိတဲ့ လက်ကျန်တပ်စခန်း ခလရ(၂၃)ကို ကျွန်မတို့ နေ့လယ် ၁ နာရီမှာ အပြီးသတ် သိမ်းပိုက်နိုင်ခဲ့တာဖြစ်ပါတယ်။ လက်ရှိကတော့ သီပေါမြို့တစ်ခုလုံးကို ကျွန်မတို့ ထိန်းချုပ်ထားတာ ဖြစ်ပါတယ်” ဟု ၎င်းကဆိုသည်။ ဩဂုတ် ၉ ရက်ကတည်းက သီပေါမြို့ကို  TNLA ပူးပေါင်းတပ်များက ထိုးစစ်ဆင်ခဲ့ပြီး   မြို့အနီးရှိ စစ်ကောင်စီ ခြေမြန်တပ်ရင်း ခမရ(၅၀၃)၊ (၅၀၄)တို့ကို အောက်တိုဘာလဆန်းတွင် သိမ်းပိုက်နိုင်ခဲ့သည်။ ၁၀၂၇ စစ်ဆင်ရေး ဒုတိယအကြော့တွင် လားရှိုးနှင့် မိုးကုတ်မြို့များကို တအာင်း၊ ကိုးကန့်တပ်များနှင့် PDF မဟာမိတ်တပ်များက သိမ်းယူအပြီးတွင် တိုက်ပွဲများ ရပ်ဆိုင်းရန် ဖိအားပေးနေသည့် တရုတ်အစိုးရက လျှပ်စစ်မီး၊ ဆေးဝါးနှင့် အစားအသောက်များ နယ်စပ်ဖြတ် ဝင်ရောက်ခြင်း မရှိစေရန် ပိတ်ဆို့ဖြတ်တောက်လိုက်သည်။ ထိုပိတ်ဆို့မှုကြောင့်  ရှမ်းပြည်မြောက်ပိုင်းရှိ တော်လှန်ရေးအင်အားစုနှင့် ဒေသခံပြည်သူများအခက်တွေ့နေကြသည်။ ဤအခြေအနေတွင် TNLA  က တရုတ်မြန်မာ ကုန်သွယ်ရေးလမ်းပေါ်ရှိ သီပေါမြို့ကို ဆက်လက်ထိုးစစ်ဆင်ခဲ့ခြင်းဖြစ်သည်။  သတင်း၊ တင်ဆက် - မင်းမောင်၊ မြတ်ကြီး