Скачать с ютуб УШКИ 🤩 из дрожжевого теста 👍🏻 в хорошем качестве

УШКИ 🤩 из дрожжевого теста 👍🏻

Бу тиэстэнэн 25 устуука тахсар. Биһиэхэ наада: • сылаас уу – 250 мл; • сылаас үүт - 250 мл; • сымыыт - 1 уст; • саахар – 2 ост.нь.; • туус – 1 ч.нь.; • мас арыыта – 3 ост.нь.; • доруоһа – 1 ост.нь.; • бурдук – 600-700 гр. Начыыҥката: • халбаһы (молочнай); • оҕурсу; • помидор; • майонез. Тиэстэтэ эмиэ оруобуна бэрэски киэнин курдук буолар. Ингредиеннэри барытын тэҥҥэ кутан булкуйабыт: сылаас уу, сылаас үүт, саахар, сымыыт, туус, доруоһа, мас арыыта. Олох үчүгэйдик ытыйабыт. Сылаас эрэ үүккэ, ууга доруоһа тахсарын умнумаҥ. Ол кэннэ кыра-кыралаан бурдук кутуллар, сырыы аайы булкуйан иһэбит. Син хойдубутун кэннэ тиэстэбитин остуолга көһөрөн мэһийэн биэрэбит уонна 1 чаас устата сылаас сиргэ таһаара уурабыт. Начыыҥкабытын бэлэмниибит. Молочнай диэн халбаһынан туттарбын ордоробун, ол эрэн эһиги атыны да туттуоххутун сөп. Халбаһы, помидор, оҕурсу чараас гына кырбаныллар. Тиэстэ таҕыстар эрэ, остуолга көһөрөммүт бэрэскигэ курдук шариктары оҥортоон бэлэмниибит уонна тиэстэбит иһигэр халбаһы уган УШКИ быһыытын оҥоробут. Тиэстэҕин наһаа халыҥ оҥорума, сатаан буһуо суоҕа. Ыһаарылыыр хобордооххо мас арыытын кутаммыт сылытабыт. Үчүгэйдик сылыйбытын кэннэ ушкибытын икки өттүттэн саһарчы ыһаарылыыбыт. Уоккун наһаа күүстээх гыныма, ушки аа-дьуо буһуохтаах, оннук гымматахха иһэ сиикэй буолуон сөп. Ушкибытын буһартаан баран, аны начыыҥкабытын угабыт. Оруобуна холбоммут үөһээҥҥи сиигинэн кырыйабыт (быһабыт) уонна ушки иһигэр бастаан майонез кутабыт, помидор, оҕурсу угабыт. Манан бэлэм буолла. Бу курдук хас биирдии ушкибытын начыынныыбыт. Дьэ, бэлэм буолла, минньигэстик аһааҥ!