റമദാൻ ഒരു മാസമോ?# رمض..ضمر..مرض..ضرم скачать в хорошем качестве

റമദാൻ ഒരു മാസമോ?# رمض..ضمر..مرض..ضرم

ഇന്നത്തെ ക്ലാസ്സ് നേരിട്ട് ഭാഷാപഠനവുമായി ബന്ധപ്പെട്ട വിഷയമല്ലെങ്കിലും അതുമായി ബന്ധപ്പെട്ട ഒരു ആന്തരിക വിശദീകരണമാണ്. “ശഹ്‌റു റമദാൻ” എന്നും “ഉൻസില ഫീഹിൽ ഖുർആൻ” എന്നും നാം ബാല്യകാലം മുതൽ പഠിച്ചുവന്ന അർത്ഥങ്ങളെ ഒരു അന്തർപരിശോധനക്ക് വിധേയമാക്കുകയാണ് ലക്ഷ്യം. “റമദാൻ” എന്നത് വെറും ഒരു മാസം മാത്രമല്ലെന്നതാണ് നാം ഇവിടെ അപഗ്രഥിക്കാൻ പോവുന്നത് . അറബി പദങ്ങളുടെ രൂപഭേദങ്ങൾ പോലെ റമദ , മറദ , ദമിറ തുടങ്ങിയ വാക്കുകൾക്ക് വ്യത്യസ്ത അർത്ഥപരിമാണങ്ങളുണ്ട്; “കുലൂബിഹിം മരളുൻ” എന്നത് ശരീരരോഗമല്ല, ഹൃദയത്തിൽ ദൈവികപ്രകാശം ഇല്ലാത്ത അവസ്ഥയെയാണ് സൂചിപ്പിക്കുന്നത്. ദമിറ എന്നത് മറഞ്ഞിരിക്കുന്ന, വികസിക്കാത്ത അവസ്ഥ; അങ്ങനെ മനുഷ്യന്റെ ചിന്തയും ബോധവും അടഞ്ഞുകിടക്കുന്ന നില. ഈ മറഞ്ഞ അവസ്ഥയിൽ നിന്ന് വിശാലബോധത്തിലേക്ക് ഉയരുമ്പോൾ അവനിൽ ഒരു ഇഷ്‌ഹാർ (വെളിപാട് ) സംഭവിക്കുന്നു; അതാണ് “ഉൻസില ഫീഹിൽ ഖുർആൻ” എന്നതിന്റെ അന്തർഅർത്ഥം — ഖുർആൻ അവനിൽ വെളിവാകുന്ന അവസ്ഥ. അതുപോലെ സിയാം എല്ലാർക്കും ഒരേ നിലയിലല്ല; “യാ അയ്യുഹല്ലദീന ആമനൂ” എന്ന് പറഞ്ഞത് മുന്നേറാൻ തയ്യാറായവർക്കാണ്. സിയാമിലൂടെ ഒരാൾ “സൗം” എന്ന അവസ്ഥയിലെത്തുന്നു — അർത്ഥം, അവനിലെ നെഗറ്റീവ് ചിന്തകൾക്കും വൈരാഗ്യങ്ങൾക്കും വിരാമമിടുന്ന അന്തർനിയന്ത്രണം. ഇത് വെറും ചന്ദ്രദർശനവുമായി ബന്ധപ്പെടുത്തിയ ബാഹ്യാനുഷ്ഠാനം മാത്രമല്ല; മനുഷ്യന്റെ ഉള്ളിൽ സംഭവിക്കുന്ന ബോധപരിവർത്തനമാണ്. റമദാൻ എന്നത് ഇങ്ങനെ ഒരു ആന്തരിക മാറ്റത്തിന്റെ ഘട്ടം; അനാനിയ്യത്ത്, അഹങ്കാരം എന്നിവ വിട്ട് ദൈവസന്നിധിയിലേക്ക് ഉയരുന്ന ഹിജ്റ. ദമിറ എന്ന അടഞ്ഞ നിലയിൽ നിന്ന് റമദ എന്ന വിശാലാവസ്ഥയിലേക്ക്, തുടർന്ന് വെളിച്ചബോധത്തിലേക്ക് ഉയരുന്ന പ്രക്രിയയാണ് ഇവിടെ ഉദ്ദേശിക്കുന്നത്. ഇതിന്റെ വിശദമായ ക്ലാസുകൾ മുമ്പ് പറഞ്ഞിട്ടുണ്ട്.കേൾക്കാത്തവർ അത് കേൾക്കുക.