Onun üçün bir gecədə yüz min manat yığıldı, "Azdrama"dan çıxıb gözətçi işlədi скачать в хорошем качестве

Onun üçün bir gecədə yüz min manat yığıldı, "Azdrama"dan çıxıb gözətçi işlədi

Atası onun aktyor olmasını istəməyib. Çünki hansı çətinliklərlə üzləşəcəyini öz təcrübəsindən əvvəlcədən bilirdi. Amma atası vəfat etdikdən sonra o aktuorluğa üz tutdu. Biri var idi. Xalq artisti Eldəniz Zeynalovun oğlu aktyor Məmməd Zeynalov. Məmməd Eldəniz oğlu Zeynalov 1978-ci ildə Bakı şəhərində Xalq artisti Eldəniz Zeynalovun ailəsində dünyaya gəlib. Özündən başqa Elbrus adlı bir qardaşı, Gülbəniz adlı bacısı olub. Atasının birinci xanımından olan Aybəniz adlı bacısı isə Londonda yaşayı. Ögey bacısı Məhəmmədi dəfələrlə Londona yanına dəvət etsə də, maddi imkan olmadığından bacısının yanına gedə bilməyib. Məmməd Zeynalov aktyor olmaq istəyəndə atası Eldəniz Zeynalov bərk əsəbləşib, oğlunun üstünə qışqırıb deyib, get, işinlə məşğul ol, otur yerində. Neynirsən aktyor olmağı. Mən bu sənətdə o qədər əziyyətlər görmüşəm ki, istəmirəm siz də həmin əziyyətləri çəkəsiniz. Məmməd atası ilə bağlı müsahibələrinin birində deyib: “Uşaqlıqdan həmişə aktyorluq sənətinə həvəsim olub. Atam deyirdi ki, Məmməddən yaxşı aktyor olacaq. Bu yəqin ki, gendən gəlir. Çünki atamın dayısı Həsənağa Salayev də məşhur aktyor idi. Amma atam mənim aktyor olmağımı istəmirdi, həmişə bizi başqa sahəyə yönəldirdi”. Ancaq atası dünyasını dəyişəndən sonra Məmməd İncəsənət Universitetinə daxil olub. Vaxtaşırı KVN teatrının tərkibində epizodik rollarla çıxış edib. İncəsənət universitetini bitirəndən sonra vaxtilə atasının işlədiyi Akademik Milli Dram Teatrında “İmzanın hökmü”, “Körpüdən mənzərə” tamaşalarında rollar ifa edib. Atasının dostları Yaşar Nuri, Telman Adıgözəlovla tərəf müqabili olub. Bir il teatrda ştatdankənar fəaliyyət göstərəndən sonra ailəsini dolandırmaq məcburiyyətində qaldığından oradan uzaqlaşıb tikintidə gözətçi kimi işləməyə başlayıb. Bir ildən sonra onu yenidən Azdramaya işə dəvət edirlər. O, isə imtina edib getmir. Məmməd Zeynalov 2014-cü ildən sonra İrəvan Dram Teatrında fəaliyyətini davam etdirib Aktyor 2018-ci ildə İrəvan teatrının tərkibində “Sərhədsiz teatr” III Şəki Beynəlxalq teatr festivalında dramaturq Cəfər Cabbarlının “Vəfalı Səriyyə” pyesi əsasında hazırlanan tamaşada aparıcı rollardan birini ifa edib. Lakin, ömrünün ən gözəl illərində, gənclik çağında Məmməd qəfildən insult keçirir. Bir müddət müalicə olunub sağalandan sonra böyrəklərində problem yaranıb. Uzun müddət müalicə alandan sonra böyrək donoru lazım olub. Buna maddi gücü çatmad8ğından bacısı ilə efirə çıxıb müalicəsi üçün kömək istəyib. Məmmədin müraciətindən sonra onun adına açılmış hesaba bir gecədə yüz min manat vəsait toplanıb. Oktyor insult kecirdikdə onun həyat yoldaşı müsahibə verərək demisdi: "Bacısı, qardaşı və yaxınları gəlib-gedirlər. Amma onların da imkanı çox zəifdir, heç biri kömək edə bilmir. Ona kömək etməkdə acizik. Bəlkə də çoxları bilmir ki, Məmməd xəstədir, yoxsa ona kömək edərdilər. Müsahibəni verməkdə məqsədim budur ki, ona heç olmasa müəyyən miqdarda kömək edilsin." Başqa bir müsahibəsində aparıcının Bilirdinizmi yoldaşınız xalq artistinin oğludur? Sualına " Xeyr, bilmirdim. Amma həmişə xəyallarımda arzu edirdim ki, bu cür həyat yoldaşım olsun.Tanınmış ailənin gəlini olmaq istəyirdim. İstəyirdim ki, yoldaşım incəsənət adamı olsun." Deyə cavab vermişdi Ailəli olan Məmməd Zeynalov 2017-ci ilin noyabr ayında ata olub. Onun bir oğlu dünyaya gəlib. Məmməd atasına hörmət əlaməti olaraq oğlunun adını Eldəniz qoyub. Xəstəliyinin ən pis dövrlərində belə nikbin ovqatını itirməyən Məmməd müsahibələrində keçmiş günlərini, atasını xatırlayaraq deyib: “Balaca vaxtı uşaqlar arasında ən dəcəli mən idim. Buna görə də atam ən çox məni cəzalandırırdı. Hirsləndirəndə məni bloka çıxardardı. Atam kimi aktyor olsam da, heç vaxt onun kimi məşhur ola bilmərəm. Eldəniz, Eldəniz idi. Atam dünyasını dəyişəndən sonra mən doyunca yaşaya bilmədim. Mən hələ o illərdə, uşaqlığımda qalmışam. İndi də aktyorluqla məşğul olmağa xəstəliyim imkan vermir. Hər gün xəstəxanaya gedib gəlirəm. Elə bil ki, işə gedirəm. Xəstəliyimlə bağlı zülm çəkirəm. Sənət heç yadıma düşmür. Ümidim var ki, sağalıb yenə də sənətimlə məşğul olaram. Atamı itirəndən sonra ailədə maddi çətinliklərlə üzləşdik. Eldənizin sağlığında süfrəmizin başında olan insanlar bizi tərk etdilər. Halbuki o bütün sənət yoldaşlarına yaxşı olub. O özü əziyyəti görmüşdü. Mənə xəstəlik imkan vermədi ki, sənətimlə məşğul olum. Akademik Milli Dram teatrında qalsaydım bəlkə də indiyə qədər fəxri adım var idi. Məni səhnədə görənlər deyirdi ki, elə bil Eldənizin cavanlığıdır”. Böyrək xəstəliyi ilə yanaşı Məmməd Zeynalova ağ ciyər xərçəngi diaqnozu qoyulmuşfu. Uzun müddətli müalicələr heç bir nəticə verməyib. Aktyor 2021-ci il dekabrın 25-də səhər vaxtı yaşadığı evdə 43 yaşında dünyasını dəyişib.