"Fələstini millətiku himoyə kardeyədə, Pokistoni milləti mitinq". скачать в хорошем качестве

"Fələstini millətiku himoyə kardeyədə, Pokistoni milləti mitinq".

Pokistoni rujə əqətə mısılmonon iyən ictimai əktivə şəxsonku veyə cəmiyət, ım kişvəri paytəxt, İslomabadədə Ğəzzə tanədə bə Fələstinıjon ələyh sionist rejimi qenosid kardə rejimi həmləon iyən çəvon cinoyəti dəvomi xoto, deştə mitinqi vositə ıştə etırozon elon kardışone. Bə İran Peresi aqentiyəti zinə ruji raporti əsos, Pokistoni paytəxt, İslomabadədə və bə sionist rejimi anti mitinqədə, rujə əqətə mısılmonon iyən ictimai əktivə şəxson, bə Fələstinıjon ələyh qenosidə rejimi həmləon və cinoyəton vədə beynəlxalğə ictimaon sukuti ğəbul kardənin zınəşon ni və bə ım tanqə milləti komək kardeyro əməli hərəkəton əncom doey tələbışon kardə. Im anti sionist rejimi mitinqədə iştirokəkəyon, ijən Pakistoni devlətiku tələbışon kardə ki Pakistonədə ım rejimi himoyədorə kişvəron səfiron vanq bıko iyən Ğəzzə tanqədə sionist rejimi pesoxtə bıə rejimi cinoyəton oqəteyro ıştə roli ifo bıko.