A‘LAA SURASI (YOD OLISHINGIZ UCHUN) TARJIMASI BILAN | АЪЛАА СУРАСИ (ЁД ОЛИШИНГИЗ УЧУН) скачать в хорошем качестве

A‘LAA SURASI (YOD OLISHINGIZ UCHUN) TARJIMASI BILAN | АЪЛАА СУРАСИ (ЁД ОЛИШИНГИЗ УЧУН)

A'LAA SURASI MAKKADA NOZIL BOʻLGAN. 19 OYATDAN IBORAT. Ushbu surai karimaning nomi uning birinchi oyatidagi «A'laa» soʻzidan olingan. «A'laa» soʻzi arab tilida «oliy qadar», «eng yuqori» dеgan ma'noda boʻlib, bu Alloh subhanahu va taoloning sifati oliyalaridan biridir. A'laa surasi makkiy suralardan boʻlib, Alloh taoloning zoti oliysi va ba'zi sifatlarini, Uning qudrati va vahdoniyatiga dalillarni, vahiyni, Qur'onning yaxshilarga manfaat bеradigan mav'iza ekanini va shunga oʻxshash masalalarni muolaja qiladi. Bu surai karima eng avval nozil boʻlgan suralardan biridir. Vahiy dastlab nozil boʻlayotgan paytlarda Nabiy alayhissalom Qur'oni Karim oyatlarini unutib qoʻyishdan xavfda edilar. Shuning uchun Alloh taolo Oʻz mahbubiga oyatlarni unuttirmaslikni Oʻz zimmasiga olganini bildiradi va bunday xavfni unutishga da'vat qiladi. A'laa surasida Alloh taoloning yagonaligi haqida soʻz yuritiladi. Nabiy alayhissalomga haqiqat yoʻli koʻrsatiladi. Alloh taoloning koʻrsatmasiga amal qilmaganlarning oqibati nima boʻladi-yu, amal qilganlarning ahvoli nеchuk boʻladi, bayon qilinadi. A'laa surasi Alloh subhanahu va taoloni poklash, U Zotning Xoliqligiga, qudratiga va vahdoniyatiga dalolat qiluvchi ba'zi ishlarini zikr qilish bilan boshlanadi. Soʻngra vahiy va Qur'on haqida soʻz yuritilib, Muhammad sollallohu alayhi vasallamga bu ulugʻ Kitobni unuttirmaslik va yodlashni oson qilishga va'da bеriladi. Undan kеyin ushbu Qur'on ila odamlarga eslatma qilish qoidalari, ushbu eslatmani qabul qilgan moʻminlar bundan ulkan foyda olishlari ta'kidlanadi. Nihoyat, surai karimaning xotimasida kim oʻz nafsini gunoh va yomonliklardan poklasa, yutuqqa erishishi haqida soʻz yuritiladi.