Առևանգո՞ւմ, թե՞ խաբեություն, ինչ եղավ «Բոինգ»-ի ու նրա սեփականատիրոջ հետ скачать в хорошем качестве

Առևանգո՞ւմ, թե՞ խաբեություն, ինչ եղավ «Բոինգ»-ի ու նրա սեփականատիրոջ հետ

2021 թվականին «Հայվեյզ» ՍՊԸ-ի Boeing ինքնաթիռի «առևանգվելու» պատմությունը մինչ օրս լիովին պարզաբանված չի համարվում, և այն հաճախ հիշատակվում է որպես հայկական ավիացիայի ամենասկանդալային ու չբացահայտված դեպքերից մեկը։ Այս պատմության մեջ կա մի քանի հակասական փաստ՝ օդաչուների ճակատագիրը, որոնք չնայած «առևանգման» մեղադրանքներին՝ հետագայում շարունակել են աշխատել ավիացիայում և օդանավ վարել։ Դեպքից ընդամենը մի քանի օր անց գործարար Գևորգ Նալբանդյանը դարձել է «Հայվեյզ» ավիաընկերության համասեփականատեր, իսկ ավելի ուշ՝ ամբողջական սեփականատեր։ Այս ընթացքում չի ներկայացվել հստակ բացատրություն՝ արդյոք տեղի ունեցածը իրավաբանորեն հաստատվե՞լ է որպես իրական առևանգում։ Նշենք, որ Հայաստանում այս փաստով՝ հարուցվել է քրեական գործ՝ օդանավի առևանգման հատկանիշներով։ Հիշեցնենք՝ օդանավը ղեկավարել էին երկու տաջիկ օդաչուներ՝ Ազիզբեկ Գոզիևը և Սարվար Նուրովը։ Եթե օդանավն իսկապես առևանգվել էր, ապա օդաչուները պետք է ենթարկվեին քրեական պատասխանատվության, կամ առնվազն միջազգային ավիացիոն կառույցների կողմից զրկվեին թռչելու իրավունքից։ Այս պատմության հետ կապված երկու տարբեր սցենարներ կան, բայց հիմնական վարկածն այն է, որ Boeing-ով ինչ-որ արգելված իր են տեղափոխել Իրան և անունը դրել՝ «առևանգում»։ Հիշեցնենք նաև, որ 2021 թվականի փետրվարին հայկական Fly Armenia Airways ավիաընկերությանը պատկանող Boeing 737-300 օդանավը պետք է տեխնիկական թռիչք կատարեր Եվրոպայից դեպի Ուկրաինա՝ վերանորոգման նպատակով։ Սակայն թռիչքի ընթացքում օդանավը շեղվել է նախատեսված երթուղուց և վայրէջք կատարել Իրանում։ Սա մեծ միջազգային աղմուկ բարձրացրեց, քանի որ խոսքը ամերիկյան արտադրության ինքնաթիռի մասին էր, որը հայտնվել էր ԱՄՆ պատժամիջոցների տակ գտնվող երկրում։ Վարչապետի նախկին խորհրդական, ավիատոր Հակոբ Ճաղարյանը՝ անդրադառնալով Boeing 737 ինքնաթիռի՝ Իրանում հայտնվելու իրավական կողմին, կարծիք էր հայտնել, որ օդաչուները չէին կարող առևանգել օդանավը, սա պլանավորված գործարք է. «Քաղաքացիական ավիացիայի կոմիտեի բացատրությունից ստացվում է, որ տաջիկ օդաչուներն են առևանգել օդանավը: Չեմ հավատում: Օդաչուն՝ առանց ավիաընկերության կողմից նախօրոք տրված պլանի, թռիչքուղի չի ընտրում»,- գրել էր Ճաղարյանը: Oragir.News-ն իր հրապարակումներից մեկում գրել էր, որ «Հայվեյզ» ՍՊԸ-ի Boeing ինքնաթիռը 2021 թվականին Իրանի Իսլամական Հանրապետություն «առևանգվելու» պատճառով ՀՀ ավիացիան կրել և շարունակում է կրել անդառնալի վնասներ։ Ավելին՝ ՀՀ ավիացիան առ այսօր ԵՄ «սև ցուցակում» է նաև այս պատճառով։ «Հայվեյզ» ընկերությունն իր պարզաբանման մեջ «ապատեղեկատվություն» էր որակել ավիացիայի կրած վնասները։ Իսկ ՀՀ-ն ԵՄ անվտանգության «սև ցուցակում» է հայտնվել 2020թ․ հունիսին ավիացիայում EASA-ի կողմից իրականացված աուդիտի արդյունքում։ «Մեր ներկայացրած պարզաբանման մեջ նշվում է, որ Գևորգ Նալբանդյանը դարձել է «Հայվեյզ» ընկերության բաժնետեր այն ժամանակ, երբ դեպքն արդեն տեղի էր ունեցել, և ըստ այդմ՝ նա այդ իրադարձության հետ առնչություն չի ունեցել։ Գործարքը հո էդպես չի՞ լինում։ Ընկերություն ձեռք բերելը մի օրվա կամ 4 օրվա բան չի։ Էդ գործընթացները սկսված են եղել, և Գևորգ Նալբանդյանը դրա հետ կապ չունի»,- Oragir.News-ի հետ զրույցում պարզաբանել էր «Հայվեյզ» ավիաընկերության մամուլի խոսնակ Լուսինե Մարգարյանը՝ պատասխանելով հարցին, թե ինչպե՞ս եղավ, որ օդանավի «առևանգվելուց» 4 օր հետո, այդ քաոսային օրերին Նալբանդյանը հապճեպորեն դարձավ սեփականատեր։ Իսկ թե մինչ օրս ինչ քայլեր են արվել հացագործներին պատասխանատվության ենթարկելու համար, Լուսինե Մարգարյանը նշել է, որ դա իրենց իրավասության շրջանակում չէ։ Նշենք, որ ՀՀ ԱԱԾ-ն դեպքի հետ կապված հարցուված քրեական գործում քննել ու պարզել է, որ Տալլինից օդանավը դեպի Վառնա, ապա Թեհրան են տեղափոխել տաջիկ օդաչուները։ Սակայն, թե ինչ եղավ նրանց հետ հետո, անհայտ է, քանի որ ԱԱԾ-ն այս գործը քննել է խիստ գաղտնիության պայմաններում։ Այդ ժամանակ ՀՀ ԱԱԾ-ն հայտնել էր, որ ինքնաթիռի առգրավումը որպես ծանր հանցագործություն, Տաջիկստանի քրեական օրենսգիրքով 10-20 տարվա ազատազրկում է նախատեսում։ Ի՞նչ է հայտնի սկանդալից հետո «Հայվեյզ» ընկերության բաժնետեր դարձած գործարարի կենսագրությունից։ Գևորգ Նալբանդյանը երիտասարդ տարիքում տեղափոխվել է Շվեդիա և այնտեղ բիզնեսներ ստեղծել։ «Հետքը», հղում անելով Շվեդական աղբյուրներին նշել է, որ հարկային ծառայությունը նրան տուգանել է հարկային սխեմաների համար․ Swedbank-ը արգելափակել է նրա հաշիվները։ Տասնյակ միլիոնների կասկածելի փոխանցումներ է իրականացվել դեպի Ռուսաստան, Հայաստան և շուրջ 40 մլն կրոն Շվեյցարիայի անձնական հաշվին։ 2022-2023 թվականներին նրա քաղաքացիությունը փոխվել է՝ շվեդականից դեպի հայկական։ Դրանից հետո նա ակտիվորեն սկսել է բիզնեսներ ձեռք բերել Հայաստանում։ Հայաստանում նա դարձել է մի շարք ընկերությունների իրական սեփականատեր, այդ թվում՝ «Հայվեյզ» ավիաընկերության, «Ռադիո Վանի», սննդի և արտադրական ընկերությունների (գինու, պահածոների, կահույքի և այլն)։ 2021 թվականի փետրվարին Գևորգ Նալբանդյանը դարձել է՝ «Հայվեյզ» ավիաընկերության մասնակից՝ 50 տոկոսով, իսկ 2025-ի մայիսին՝ 100 տոկոսով։ Oragir.News-ին կարող եք հետևել նաև. Telegram - https://t.me/oragir_news Facebook -   / oragir1   Facebook -   / oragir.am   Instagram -   / oragir.news   Tiktok -   / oragir.news