Rama viziton bashkinë Durrës, takohet me banorët që preken nga projekti “TID” - Vizion Plus скачать в хорошем качестве

Rama viziton bashkinë Durrës, takohet me banorët që preken nga projekti “TID” - Vizion Plus

Subscribe: https://bit.ly/vizionplustv Web: http://www.vizionplus.tv Facebook:   / vizionplustv   Twitter:   / vizionplustv   Instagram:   / vizionplustv   TikTok:   / vizionplustv   Protestat e banorëve të Durrësit, të cilët preken nga projekti TID, vunë në lëvizje kryeministrin Edi Rama. Këtë të shtunë, kreu i qeverisë mbërriti në Bashkinë e qytetit bregdetar, teksa priti për një bashkëbisedim protestuesit, të cilët ishin jo pak të revoltuar. Në takimin e mbajtur në sallën e mbledhjeve të Këshillit Bashkiak ishin të pranishëm rreth 30 banorë, ndërsa shumë të tjerë, të shoqëruar edhe nga eksponentë të partive opozitare, qëndruan për mbi dy orë në shesh, ku nuk mungonin pankartat ku shkruhej: “Larg duart nga pronat tona”. Në përfundim të takimit, kryeministri u prit me thirrjet ‘Rama ik’ nga disa prej të pranishmëve në shesh, të cilët u shoqëruan në polici nga forcat e rendit. Pas takimit, për mediat kryeministri shpjegoi se ka dëgjuar të gjithë palët, ndërsa protestën jashtë ambjenteve të bashkisë e cilësoi si të inicuar për interesat e opozitës. “Me 34 qytetarë të Durrësit përfaqësues të familjeve kemi folur rreth 2 orë e gjysmë. Biseda ka qenë kronstruktive, me opinione të ndryshme. 35 të tjerë atje që nuk përfaqësojnë qytetarët apo qytetin por vetëm hallin e një 80 e kusur vjeçari, krijojnë situata që janë qesharake e që tregojnë ku është katandisur ajo farë partie”, tha Rama. Sa i përket projektit, kreu i qeverisë theksoi se ai nuk do të ndalet, por do të ketë verifikime për disa objekte që mund të kenë vlera të trashëgimisë kulturore. “Sa i përket problemit të vërtetë, ramë dakord se si do të ecim para, qoftë me verifikimin e nevojshëm për disa objekte që mund të kenë vlera të trashëgimisë kulturore. Prishje do të ketë, projekti nuk do të ndalet, por duhet një verifikim për disa shtëpi që mund të kenë vlerë kulturore. Janë edhe disa prona që nuk kanë marrë hipotekë edhe pse janë atje prej kohës”, tha Rama. Megjithatë situata u pasqyrua ndryshe nga përfaqësuesja e banorëve, e cila theksoi se nuk ka patur asnjë dakordësi. “Kryesorja që duhet të bëjë kjo bashki dhe kjo administratë, duhet të anulojë të gjithë vendimet e IKMT në mënyrë urgjente, ose njerëzit do të jenë bashkë në cdo objekt që do të preket. Po su anuluan, asnjë fjalë që ata thanë sot ska vlerë”, tha Entela Koja. Bashkia e Durrësit ka paralajmëruar banorët se kanë kohë deri në datën deri më 16 shkurt për të liruar vullnetarisht banesat e tyre, në mënyrë që të vijojë zbatimi i projektit TID.