පීට්සා එකක් පහසුවෙන් ගෙදරදීම හදන හැටි - PIZZA RECIPE | EASY PIZZA RECIPE SINHALA скачать в хорошем качестве

පීට්සා එකක් පහසුවෙන් ගෙදරදීම හදන හැටි - PIZZA RECIPE | EASY PIZZA RECIPE SINHALA

කඩෙන් ගෙනාවා වගේ පීට්සා එකක් ඉක්මනින්ම ගෙදරදී හදන හැටි. Today you can learn how to make pizza quick & easy at home. This is easy pizza recipe for everyone to make pizza at home. අවශ්‍ය දේවල්: පාන් පිටි කෝප්ප 3 (අමතරව වෙනම පිටි පොඩ්ඩක් අරන් තියාගන්න) උණු වතුර කෝප්ප 1 යීස්ට් තේ හැදි 2 සීනි තේ හැදි 1/4 ඔලිව් තෙල් මේස හැදි 2 (අමතරව වෙනම තෙල් පොඩ්ඩක් අරන් තියාගන්න) ලුණු තේ හැදි 1/2 රවුම් පෙති කපාගත් ළුෑණු ගෙඩි 1 පෙති කපාගත් බෙල් පෙපර් ගෙඩි1 පෙති කපාගත් තක්කාලි ගෙඩි 1 මොසරැල්ලා චීස් කැමතිනම් තව කොත්තමල්ලි කොළ ටිකක් පොඩියට කපලා එකතු කරන්න පුළුවන්. සාදාගන්නා ආකාරය: ඉස්සෙල්ලාම උණු වතුරට සීනි ටික දාලා ඒකට යීස්ට් ටිකත් දාලා කලවම් කරලා විනාඩි 10-15 ක් විතර පැත්තකින් පිපෙන්න තියලා තියන්න. මේක පිපුණට පස්සෙ දැන් භාජනයක් අරගෙන ඒකට පිටි කෝප්ප 1යි ලුණුයි ඔලිව් තෙලුයි දාලා කලවම් කරලා කලින් පිපෙන්න දාපු යීස්ට් ටිකත් ඒකටම දාලා හොදට කලවම් කරන්න. ටික වෙලාවකින් ඒකට තවත් පිටි කෝප්ප 1ක් දාලා ආයෙත් හැදි ගාන්න. තවත් ටික වෙලාවකින් ඉතුරු පිටි කෝප්පෙත් ඒකටම දාලා කලවම් කරන්න. දැන් කරන්න තියෙන්නෙ මේ පිටි මිශ්‍රණය රවුම් බෝලයක්, එහෙමත් නැත්නම් එක ගුලියක් වගේ වෙනකම් හොදට අතින් අනා ගන්න එක. මේක බෝලයක් වගේ හැදුවට පස්සෙ ඒ පිටි බෝලයේ තෙල් ටිකක් ගාගන්න ඕනෙ. මේ වැඩේ මෙහෙම කරන්න. එතකොට ලේසියි. තෙල් ටිකක් අතේ ගාගෙන බෝලයක් වගේ හදාගත්ත මිශ්‍රණය අතට ඇරන් අතින් පොඩ්ඩක් රවුම් කරන්න. එතකොට නිකම්ම තෙල් ටික ඒකෙ වටේ ගෑවෙනවා. දැන් මේ පිටි බෝලය පැය 1-2ක් පැත්තකින් තියල තියන්න ඕනෙ. පිටි බෝලය භාජනයකට දාලා ඒක පිරිසිදු රෙදි කෑල්ලක් උඩින් දාලා වහගන්න. මෙහෙම තිබ්බාම පිටි බෝලය පිපෙනවා. පැය 2කින් බලනකොට මේ පිටි බෝලේ දෙගුණ වෙලා තියෙයි. දැන් අනිත් වැඩ පටන් ගන්න කලින් අවන් එක 200°C උෂ්ණත්වයට රත් වෙන්න තියලා ඉන්න. හැබැයි අපි අන්තිමට පීසා එක අවන් එක දානකම් කොයිම වෙලාවක වත් අවන් එක Off කරන්න නම් එපා.. ඊළගට අවන් එකට දාන්න පුළුවන් ට්‍රේ එකක් අරගෙන අපි අර වෙනම අයින් කරපු තෙල් ටික ට්‍රේ එකේ ඇතුල් පැත්තෙ ගාලා ඊට උඩින් අර අයින් කරගත්ත පිටි ටිකත් ඉහින්න. අර අපි පැත්තකින් තියපු පිටි බෝලය පැය 2කට පස්සෙ අරන් ඒක කෑලි 2කට 3කට කඩාගෙන ඒ ටිකත් බෝල කරගන්න. මේ එක කෑල්ලක් කියන්න එක පීසා එකක්. කැමතිනම් පිටි බෝලය කෑලි වලට කඩාගන්නෙ නැතුව ස්ම්පූර්ණ එකම ඇරන් ලොකුම ලොකු එක පීසා එකක් හදන්නත් පුළුවන් අපිට. ඊළගට තුනී ලෑල්ලක් අරන් ඒකට පිටි ටිකක් ඉහලා අර හදාගත්ත පිටි බෝල වලින් එකක් ඇරන් මේ ලෑල්ලේ දාලා හොදට තුනී කරන්න. තුනී කරගන්න වැඩේ රෝලින් පින් එකකින් කරන්නත් පුළුවන්, එහෙම නැත්නන් වීදුරු බෝතලයක් අරන් සෝදලා මේ වැඩේට ගන්නත් පුළුවන්. හැබැයි මේ කෝක ගත්තත් ඒවගේ පාන් පිටි ගාගෙන ඉන්න ඕනෙ. නැත්නම් තුනී වෙන එක කෙසේ වෙතත් තූනී කරන්න ගන්න ඒවගෙ ඇලෙන්න පටන් ගන්නවා පිටි බෝල ටික. මේක තුනී කරනකොට අගල් 1/4 වගේ ඝනකම එන්න තුනී කරගන්න. ඒ වගේම තුනී කරනකොට බෝලයේ මැද ඉදන් කෙළවරවල් වලට යන විදියට තුනී කරන්න. මේ විදියට තුනී කරන කොට පිටි මිශ්‍රණය ඇලෙන ගතියක් එන්න පුළුවන් එතකොට පිටි පොඩ්ඩක් ඉහගන්න උඩින්. දැන් මේ විදියට ගානට තුනීකරගත්ත බෝලය හෙමින් සැරේ අරගෙන තෙල් ගාලා කලින් හදාගත්ත ට්‍රේ එකට හෙමිට දාගන්න. ඊටපස්සෙ ඒක උඩින් තෙල් ටිකක් ගාගන්න. හැන්දක පිට පැත්තෙන් වගේ අපිට මේ වැඩේ කරන්න පුළුවන්. ඊළගට ඒක උඩින් තක්කාලි සෝස් තවර ගන්න ඕනෙ. දැන් රවුම් කපාගත්ත තක්කාලි, බෙල් පෙපර්, ළුෑණු, පිළිවෙලට ඊට උඩින් දාන්න. හැබැයි ගොඩාක් දාගෙන උඩින් පුරවන්න එපා! පීසා එකේ ප්‍රමාණයේ හැටියටයි මේ දේවල් දාගන්න ඕනෙ අපි. අනිතිමටම උඩින් මොසරැල්ලා චීස් දාගන්න. දැන් ඔන්න තියෙන්නෙ බේක් කරගන්න වැඩේ. අපි කලින් රත් වෙන්න දාපු අවන් එකට මේ පීසා එක දාලා විනාඩි 10-15 ක් විතර යනකම් බේක් කරගන්න ඕනෙ මේක. චීස් ටික ගානට දියවෙලා මිශ්‍රණය උඩින් වැක්කෙරෙන ගානට එනවනම් අන්න ඒ කියන්නෙ පීසා එක නියමෙට බේක් වෙලා කියලා. පීසා හට් නොයාම දැන් ගෙදරදිම පීසා හදන එකයි තියෙන්නෙ එහෙනම් ඕන්! වැදගත්: මොසරැල්ලා චීසුයි බෙල් පෙපරුයි කොත්තමල්ලි කොළයි ඔයාලට සුපර් මාකට් වලින් ගන්න පුලුවන්.