ASAIF 'Voices for Karabakh' Campaign, London, 2013 скачать в хорошем качестве

ASAIF 'Voices for Karabakh' Campaign, London, 2013

Bu gün müxtəlif xalq və mədəniyyətləri birləşdirən dəyərlər nə qədər çox olsa da, dünya hələ də vəhşilik, konflikt və ədalətsizliyə şahid olur. Bunlarla mübarizədə heç bir xalq və ya dövlət təkbaşına uğur qazana bilməz. Bunu nəzərə alaraq, ASAIF ailəsi may ayının 8-i, Şuşanın işğalı günündə "Voices for peace, voices for Karabakh" adlı yeni kampaniyaya start verir. Bizim kampaniya ictimai, siyasi və medianın diqqətini nəinki Qarabağ müharibəsinin günahsız qurbanlarına, həmçinin dünyada hal-hazırda davam edən bütün digər münaqişələrə yönəldərək məcburi şəkildə evlərindən didərgin salınmış və köçkün həyatına məhkum edilmiş minlərlə insanların taleyi barədə düşünməyə və hərəkətə keçməyə dəvət edir. Hamınızı bu kampaniyada fəal iştirak etməklə insanlıq, bəşəri birlik və həmrəylik naminə Şuşa işğalının qurbanlarını hörmətlə yad etməyə dəvət edirik. Kampaniyanın mahiyyəti sadə olduğu qədər də əhəmiyyətlidir -- dünyada sülh və ədalətin bərpası üçün qeyri-zorakı cəhd və fəaliyyətlərə çağırış və bu tip ədalətsizliklərə qarşı etiraz səsimizin qaldırılması. Biz inanırıq ki, iştirakçılarımızın fəallığı ilə fərqlənəcək bu kampaniya təbliğ etdiyi ideya və gözləntiləri ilə sülhün təbliğatı üçün hər kəsin kiçik də olsa faydalı bir iş görə biləcəyini aşılayacaqdır. Biz həmçinin inanırıq ki, bu kampaniya vasitəsilə biz dünyada sülh və qarşılıqlı anlaşmanın təbliğinə töhvə vermiş olacağıq. Bizim mesajımız hər kəsə çox aydın olmalıdır: Biz münaqişələrin cəmiyyətimizə və doğma torpaqlarımıza törətdiyi təhlükələrə göz yummayacağıq! Biz bu kampaniyada qlobal sülhə və ədalətə inanan insanlarla birgə çalışmaq istəyirik. Bununla da, bu kampaniya sizlərə yaşadığınız şəhərdə və ya oxuduğunuz universitetdə təşəbbüsçü olmaq fürsəti yaradır. Yaradıcı və israrlı olun və dostlarınızı da bu işə cəlb edin. Etiraz səsinizi Qarabağ üçün qaldırın, insanlıq, sülh və ədalət üçün qaldırın. Daha ətraflı məlumat üçün www.voicesforkarabakh.com rəsmi səhifəsindən və Facebook, Twitter and Instagram üzərindən bizi izləməyi unutmayın.   / voicesforkarabakh     / vforkarabakh   #voicesforkarabakh #ASAIF