Садыр Жапаров УКМК жана ИИМдин башчыларын тилдеген. Камчыбек Ташиев себебин түшүндүрдү скачать в хорошем качестве

Садыр Жапаров УКМК жана ИИМдин башчыларын тилдеген. Камчыбек Ташиев себебин түшүндүрдү

Кечээ президентибиз Улан Омоканович [Ниязбеков — ички иштер министри] экөөбүздү чакырып алып, тилдеди. Бул тууралуу 30-май күнү Чолпон-Ата шаарында сүйлөп жатып, УКМКнын төрагасы Камчыбек Ташиев билдирди. Ал мамлекет башчысы эмне себептен аны жана ички иштер министрин сындаганын айтып берди. «Урматтуу туугандар, себеби — президентибиз 3 күн алдын Ысык-Көлгө келип, эч кимне айтпастан, жарнама кылбастан, өзү көлдү толук кыдырып, көлдүн ичиндеги торлор боюнча ишти жүргүзүп кетти. Бир күн ошол көлдүн ичинде түнөдү. Мына ошол жерде президентибиз кетип жатканда айтты эле, «тор табылбай калса сүйүнөт элем, кубанат элем. Себеби мына 2 жылдан бери айтып келе жатамын. Былтыр дагы текшерүүгө өзүм чыктым эле, көп болгон. Быйыл дагы өзүм чыгып көрөйүнчү» деп, быйыл да өзү чыкты. Ал кишинин чыкканын көпчүлүгүңөр билбейсиңер. Жыйынтыгында эмне болду? Ал киши: «торлор өтө көп экен» деп жатат. Өтө көп торлорду алыптыр, «жада калса жаңы салынган торлорду алдым» деп айтып, зээни кейип жатат. Эгерде биз ушуну сактай албасак, колубуздан келбесе, аны биз аткара албасак, анда эмне үчүн бул жерде турабыз? Эмне үчүн биз экологиялык милиция ботальонун түздүк? Эмне үчүн биз жаңы техникаларды, жаңы жабдууларды алып берип, шарттарды түзүп берип жатабыз? Ушул президентибиздин «Көлдүн ичинде бир тор болбосун» деген бир талабын эмнеге аткара албайбыз?