Թվային մարքեթինգ և առցանց առաջխաղացում | Անվճար առցանց դասընթաց скачать в хорошем качестве

Թվային մարքեթինգ և առցանց առաջխաղացում | Անվճար առցանց դասընթաց

Վերակառուցման և զարգացման եվրոպական բանկը՝ ԵՄ ֆինանսավորմամբ կազմակերպում է «Բիզնեսի զարգացումը թվայնացման միջոցով» անվճար առցանց դասընթացների շարքի հաջորդ՝ Թվային մարքեթինգ և առցանց առաջխաղացում դասընթացը։ Այն մշակվել է հատուկ այն փոքր և միջին ձեռնարկությունների համար, որոնք ցանկանում են ավելացնել վաճառքը և դուրս գալ նոր շուկաներ՝ կիրառելով թվային մարքեթինգի ժամանակակից գործիքներ ու մեթոդներ։ ►Դասընթացը կօգնի. ☉ հասկանալ՝ ինչպես կարելի է խթանել բիզնեսը՝ թվային մարքեթինգի միջոցով, ☉ ծանոթանալ ամենահայտնի թվային հարթակներին և դրանց առավելություններին, ☉ իմանալ՝ ինչպես բարձրացնել մարքեթինգային արշավների արդյունավտությունը ավտոմատացման միջոցով, ☉ ծանոթանալ առցանց գովազդի գործընթացի ավտոմատացման առավելություններին։ Մասնակիցներին կներկայացվեն նաև տեխնոլոգիական ոլորտի ներկայացուցիչների փորձը և հաջողության պատմությունները, և իհարկե՝ հնարավորություն կտրվի հարցեր ուղղել փորձագետներին ու ՏՏ խորհրդատուներին։ Գրանցվելով և մասնակցելով դասընթացին՝ դուք կստանաք ևս մեկ հնարավորություն՝ ծանոթանալ ՎԶԵԲ-ի կողմից բիզնեսի աջակցման ծրագրի մանրամասներին՝ մեծացնելով հետագայում շահառու դառնալու ձեր հնարավորությունները՝ չափանիշներին համապատասխանելու պարագայում։ ► ԽՈՍՆԱԿՆԵՐ ◄ Խոսնակներն են ՎԶԵԲ «ՓՄՁ-ների թվայնացման ծրագրի» գլխավոր փորձագետ Խեսուս Լոզանոն և ՎԶԵԲ «ՓՄՁ-ների թվայնացման ծրագրի» կրտսեր փորձագետ Արուսյակ Խուդավերդյանը։ ԽԵՍՈՒՍ ԼՈԶԱՆՈՆ նորարարությունների և ձեռնարկատիրական էկոհամակարգերի կառուցման ոլորտի բարձրակարգ փորձագետ է, Եվրոպական հանձնաժողովի եվրոպական նորարարության խորհրդի անդամ, կառավարման ավելի քան 27 տարվա փորձառությամբ գործարար և վենչուրային ներդրող՝ կենտրոնացած մասնավորապես ՏՀՏ ռազմավարություն մշակող սկսնակ ընկերությունների և գլոբալ զարգացման ուղղությամբ։ Նա նաև երիտասարդ ձեռնարկատերերի համար մշակված TopChallenge incubation and acceleration (TopChallenge ինկուբացիա և ակսելերացիա) դասընթացի համահեղինակն է։ ԱՐՈՒՍՅԱԿ ԽՈՒԴԱՎԵՐԴՅԱՆԸ նորարարության և ձեռնարկատիրության փորձագետ է, ով վերջին 3 տարիների ընթացքում մշակել և իրականացրել է ՏՏ էկոհամակարգի ծրագրեր Հայաստանում՝ նորագույն տեխնոլոգիաների և բիզնես մոտեցումների միջազգային լավագույն փորձը ներդնելու նպատակով։ Հիմնվելով գործարարության ոլորտում անձնական փորձի վրա և ակտիվորեն համագործակցելով թե՛ տեղական, թե՛ միջազգային ինկուբացիոն ու ակսելերացիոն ծրագրերի հետ՝ նա դասընթացներ է անցկացրել տարբեր ոլորտներ ներկայացնող հարյուրավոր ձեռնարկատերերի համար՝ աջակցելով նրանց բիզնես գաղափարների իրականացումից սկսած մինչև կանոնավոր վաճառքների ապահովում։ ► ՊԱՆԵԼԱՅԻՆ ՔՆՆԱՐԿՈՒՄ ◄ Ինչպես միշտ, պանելային քննարկմանը կմասնակցեն փորձառու մասնագետներ՝ ☉ Որոնողական համակարգերի մարքեթինգ (SEM Marketing)՝ Տաթև Թորաբյան, SEM մասնագետ, eworld, ☉ Մոբայլ Մարքեթինգ (Mobile Marketing )՝ Արմինե Մուսախանյան, գլխավոր գործադիր տնօրեն, Elev8R Peach, ☉ Սոցիալական ցանցեր՝ Գեորգի Մամաջանյան, մարքեթինգային ռազմավարության մասնագետ, Sygnoos ☉ Մարքեթինգի ավտոմատացում՝ Փառանձեմ Ավագյան, մարքեթինգի և հաղորդակցության մասնագետ։ Loona.ai. սկսնակ ընկերության հաջողության պատմությունը կներկայացնի գլխավոր գործադիր տնօրեն Վլադիմիր Ուզունյանը։ Հետևեք մեզ Ֆեյսբուքում․   / smeadvice