Zülfü Selcan "Welat Welat" (Hewa Seyqaji) скачать в хорошем качестве

Zülfü Selcan "Welat Welat" (Hewa Seyqaji)

Zülfü Selcan "Welat Welat"Hewa Seyqaji WELAT WELAT (Hewa SEYQAJİ) Welat welat, welatê cêri, Qanun rındo, qanunê cori Celvi amê mı dıme, celvê Qereçori Ezo kokım xorê raurji, şêri İfadê xo bıdi, racêri bêri Nine kağıta xo da Omer-Osmani Mıyê xo da Duzgınê Kemeri. Welat welat, welat geniso Merkezê ma Qızılkiliso Qanun rındo, çetın hepıso No senê hepıso, çıra honde piso? Kıla Sey Savuni sola pıraniso Kami gerrê mı kerdo, vato; bêkar u bêiso Hepısê Mazgerdi de bêro, dı serri roniso, Kokımo Sey Qajiyo eve herdiso Mı reyê çêsıkê xode niada ke, Hora tede zu qurıso Wayi wayi, way lemın wayi, Şüwariyê Tırku diyar de vejiyayi Mı voz da ke voz di, zalımu verda ve mı dıme Dest u paê mınê kokımi pey de gırê dayi Ez kerdune sae, çar qurışi mı sero vejiyayi Perê mı gureti, mı nêdayi Berdi Mazgerdi de fetelnayi Perê mınê kokımi fişti ra rae Şi, gınay'ro ğezna padisayi. Welat welat, welato thato Qanun rındo, çetın hukmato Na tereşi ma sero ewraqo gıran vato, Mı imam ve pirê xo ardo ke, inatê to bêbınato. Koê na germıke, bıra na gavano Çê Memê Alê Deste, dostê mao khano Mı va, şêri lewe, mıra qesa xêre vano Vake; tı so Mazgêrd, ezo to dıme ra yenu Şiyu Mazgêrd, eke pırrê baxçe u tüyano Şiyu zuqımê hepışi, pırrê aspız u kêkano Şiyu Khal Ferat, wayirê Şix Mamudano Şiyu Jêla zeng u zerde, wayirê Heyderano Şiyu hopa Şêğanki, wayirê Şêğankızano Bağıra Sıpiye horiya des u dı koano Çımê Muzır Babay vana, wayirê Abasano Khalo Sıpê vana, rındo, wayirê Çarekano Khal Mem u Khal Ferat, wayirê Alan u Arêyizano Çewres Asporê Qelxeru, serê Kheçelano Çımê Emır Bavay, wayirê Pardızano Horiya Xızıri vana, çêverê murodano Xızırê serê deryay, serê kêlek vapurano Ewliyaê Tosniye, wayirê Bamasurano Şiyu Hewsê Dewe, wayirê Khurêsano Şiyu Kemerê Duzgıni, pilê Jiarano Şiyu ke kokım hao kose de nişto ro, Dot ra bınê çımu ra mıde niadano Çımê mı fekra perray, thowaê nêvano Ez vanu, no bımbarek ve xuyo, Yoxro ke musaiyê şêne u postano. Bınê darıkano, bınê dırrıkano Usar nao amo, çêfê çênekano Serê na bonano, çêfê na xortano Bınê şivıngano, çêfê pirıkano Peyê na doano, çêfê veyvıkano Dewa Haqi bo, kes khoçê do mırê nêano Mınê kokımi vana, hepısê des u phonc rozano Kami gerrê mı kerdo, vato, pilê jêvegano Kokımo Seyqajiyo kılamu vano Hirê se u seşti u ses kılami vati Qeydê xo tamamo. Memê Alê Deste vana, mızawıro khano Ala şêrê reyê cıra vazê, na qeydê mırê se vano. ______________________________ Lawıke: Khan, Qızılkilise/Nazmiya Qese u qeyde: Sayir Seyqaji Vatoğ: Zılfi (Dr.Zülfü Selcan) Nuste: Hawar Tornécengi