房地產有救？地產股票全線飆升！萬億收樓傳聞，是續命強心針，還是臨終前的迴光返照？狂歡的股市與冰冷的樓市：一場基於「傳聞」的漲停，救樓市要嚟真！ скачать в хорошем качестве

房地產有救？地產股票全線飆升！萬億收樓傳聞，是續命強心針，還是臨終前的迴光返照？狂歡的股市與冰冷的樓市：一場基於「傳聞」的漲停，救樓市要嚟真！

房地產有救？第三波救樓市要嚟真嘅！中國樓價要煲滾水？ 本來仲喺ICU度吊緊命嘅地產股，突然齊齊癲咗起身。萬科好似搭火箭，一分鐘直線鎖死漲停板！系佢隔咗十個月再度爆升，跟手保利、金地、世聯行全部跟隊狂飆，成個地產板塊一片紅海。微信群即刻炸咗煲，朋友圈洗版式狂share截圖，有單小道消息傳到似層層：第三波救市就嚟到——萬億資金收樓、4000億房貸貼息、國家隊幫房企化債呢三大「王牌」。睇到呢度，手上有樓嘅肯定揸實手機，未上車嘅開始心慌慌：樓價又準備癲過？ 我個人覺得萬科冧嘅機會好微，而且唔畀佢冧，實要救！佢大把債喺銀行度，唔救嘅話麻煩嘅唔系萬科，系銀行。最近萬科有筆20億到期債務，靠佢自己實還唔起。而家深鐵願意做全額擔保，但前提系萬科要自己撲水賣資產，或者學融創玩債轉股，成個方案話就話系「市場化操作」。深鐵肯孭飛呢個動作，已經擺明上面唔會見死不救。至於話上萬億收樓唔系新鮮事，過去兩年吹風吹到而家，最緊要系銀彈真繫到埗、執行到位。可能官方都等緊樓價跌到底啦，今年全國樓價比起舊年又低咗一截，呢個時候先出手大規模收樓，成本低，先至最容易撬動個市啊。 消息雖然未官宣，但啲錢最識走位㗎喇，咁多資金沖入去，個個等緊官方開綠燈，就系想趁機賺一轉。可能你仲唔明，點解單流料可以令成個市場漲停，威力咁大？ 我咁講啦，如果系真嘅，呢鋪將會系棚改之後，十年嚟最重磅嘅救市狠招！ 而家傳緊呢三招，招招都可以幫個市淋熱油。第一招「萬億資金收樓」，即系國家隊落場掃貨。事實上過去兩年各城市都有做，但唔夠力水。好似湖南都講明要「加大力度收存量房做保障房」。如果全國跟住咁玩，發展商手上啲貨就可以急速套現，比起急速促銷有用十倍啦。第二招更加貼地，4000億房貸貼息。即系政府同你「供樓貼錢」，比起純粹減息實際得多。真系落實嘅話，每個月慳幾百上千，上車客實心郁啦。 房貸貼息，即系由政府或者地方財政夾埋金融機構，合資格嘅買樓人士可以攞到部分利息補貼。 關於貼息，上面仲傾緊細節啦，呢鋪唔系小修小補，而系要財政真金白銀拎出嚟，直接減輕供樓負擔。 咁貼得有幾狼？聽講初步會貼1至2個百分點，即系將而家3%左右嘅利率，直接拉到去1%-2%時代！ 如果真系實行，普通買樓人可以慳幾多？咁舉個例，借100萬還30年，原本利率3.1%，月供4221蚊，總利息大約52萬。貼息後利率得返1.6%，月供大概3520蚊，總利息縮到得26萬左右。前後計落，利息慳咗26萬，每月供少700蚊。至於政策幾時出？傳緊廣州相關部門同央行對接緊。 以我睇法，買樓貼息根本系送比新樓市場嘅福利。一來，真系降低咗上車門檻同埋持有成本。二來呢，可以加速新樓去貨，減輕庫存壓力。發展商回籠資金順暢咗，成個行業先有返信心。三來，核心城市嘅新樓會著數啲。好似廣州呢類人才流入多、庫存又唔算爆嘅城市，貼息政策會令人才同樓市更易結合，新樓去貨快啲、價錢穩陣啲。 而家二手樓越賣越多已經系事實。公開資料顯示，部分城市（例如武漢）推出嘅房貸貼息主要針對一手新樓。貼息通常唔包存量房貸，二手買家無直接著數，同買新樓嘅成本差距再拉闊。咁即系話呢，同樣筆錢，買新樓月供更低、間隔更新，上車客自然傾向一手樓而唔買二手過渡。 樓多客少嘅局面下，為咗快啲甩手，好多業主選擇一減再減。尤其系啲偏遠地區嘅二手業主，新一輪減價戰可能已經殺到。 當大家仲等緊政策落地，廣州已經有樓盤忍唔住「偷步揸車」。聽講廣州相關部門同央行對接緊，好大機會出年推行。當大家仲睇緊風向，保利燕語堂悅已經玩鋪勁——房貸貼息，真金白銀慳俾你。點貼法呢？發展商每個月貼1000蚊，連續貼足30年（360個月），計落即系360×1000=36萬！慳到嘅錢夠你買架特斯拉。買樓同時輕鬆解鎖「置業＋換車」的雙重驚喜，系咪好興奮呢？不過呢筆數系發展商自己墊住先，而家得返央企先有咁大口氣。睇嚟救市嘅大招所剩無幾，房貸貼息算系一招過「一魚多吃」。第一，真系幫上車客慳到錢，直接減輕供樓負擔。至於存量房貸有冇份？會唔會區別對待呢？暫時未明朗，要等消息。不過最松一啖氣嘅應該系銀行，銀行聽講減息、減存量房貸就驚青。呢幾年不停減息，銀行淨息差已經跌到警戒線，而家得1.42%，連續兩年幾低過1.8%嘅合理盈利警戒線。再減落去，銀行基本冇肉食，會影響金融穩定。 南寧啱啱出嘅政策就最直接，三孩家庭買樓直補6萬，即系用真銀引人入市。第三招系幫房企化債。龍光剛出公告，136.6億債務已經重組完啦；碧桂園177億美元境外債方案都批咗啊。房企啲債唔解決，「保交樓」就系空話，邊個夠膽買樓？國家隊出手幫龍頭房企渡難關，就系想市場食粒定心丸。政策救嘅系信心，唔系泡沫；托嘅系底線，唔系樓價。 客觀啲講，萬科等地產股爆升，未必系資金亂炒，可能系有人喺樓市政策出閘前偷步搶跑。12月3日國務院專題學習，特登強調要將城市更新同「穩樓市」綁埋一齊，最高層都定調，政策加碼系遲早嘅事。點解要救到咁盡？因為個市真系唔跌得。樓市牽連建材、裝修、家電幾十個行業，關乎千萬人飯碗。國家統計局數據顯示，頭8個月商品房銷售跌幅收窄，但庫存仍然高企，南京、武漢呢類城市二手放盤量創新高。再唔理的話，就可能變成「越跌越冇人買，越冇人買越跌」嘅死亡螺旋。事實上各地方早就出手，今年已經有約100個城市加大買樓補貼，例如杭州直頭最高派10萬消費券，合肥按樓價2%補貼。股市狂歡，就系資金提前嗅到政策暖風，用真銀投票——佢哋知，救市大動作就嚟。 如果呢鋪政策真系落地，有咩效果呢？第一系灌輸信心，等大家唔好急住賣樓；第二系幫買樓人減壓，釋放剛需；第三系同房企輸血，守住「保交樓」的底線。但千祈唔好誤會，政策目標系「穩」，唔系「升」。高老師之前都分析過，樓價想返到過去普升時代？冇可能！先睇庫存，全國商品房待售面積7.69億平方米，當每間100平方米來計，有成770萬間等緊賣；再睇需求，出生人口一年少過一年，舊年先得902萬，後生買樓群只會越嚟越少。供過於求個底擺喺度，點升啊？國家一早定咗調，要「嚴控增量、優化存量」，絕對唔會再「大水漫灌」。好似2021年以嚟嘅調控，目的系令樓市軟着陸，唔系再推佢上天。我個老友記王姐2019年買咗遠郊樓，而家樓價比起買入時跌咗20萬，佢都好坦白：「唔指望距升返，只要企穩唔再跌已經還神架喇。」以前買樓系「閂埋眼都賺」，而家買樓系「睜大眼求穩」；所以，唔好幻想一夜暴富，能夠保本已經贏咗。 今次救市最關鍵信號系「分化」——核心城市優質樓或者可以企穩，遠郊舊樓仲有得跌。有房地產研究院數據顯示，今年一線城市樓價跌唔到3%，但三四線跌超過8%。政策托系成個市場嘅底，唔系你手上間樓嘅價。換句話來講呢，你層樓可能唔會升！手上有樓嘅要清醒：如果系核心區半新樓，唔使急住賣，政策或者可以幫你托住價；如果系遠郊舊樓，仲有人接貨嘅話該走就走，唔好指望政策救你啲「劣質資產」。而未買樓嘅上車客，而家可以慢慢揀，政策會幫你壓低上車成本。但千祈唔好追住熱點盲搶啊，細發展商嘅樓絕對唔好掂，爛尾風險未消失。股市漲停唔代表樓價漲停，政策托底唔代表人人有份。唔好畀眼前紅盤沖昏頭腦，亦都唔好畀之前跌幅嚇親！樓市下半場，斗嘅唔系膽量，系眼光！你點睇呢？