Жамбылда тағы бір ана перзентханада көз жұмды скачать в хорошем качестве

Жамбылда тағы бір ана перзентханада көз жұмды

Жамбыл облысында баласын босанған ана жансақтау бөлімінде көз жұмды. Марқұм Салтанат Нышанбайдың туыстары қайғылы оқиғаға дәрігерлерді кінәлап отыр. Олар а0 халаттылар 30 жастағы келіншекті перзентханаға дейін де, кейін де дұрыс қарамаған деп күйінеді. Себебі, жүкті әйелдің медициналық сақтандыруына 40 мың теңгесі жетпеген екен. Тіпті, қарызды желеу еткен емхана өкілдері тіркеуден бас тартқан дейді. Қуанышты күндер алдыда деп ойлағанмын ғой, келіншегім осында қаза тапты, енді ұлымды алып кетіп бара жатырмын өзімнің. Баласын бауырына басқан әке перзентханадан қосағынан айырылып, қайғыны да қатар құшақтап шықты. Бұл жағдайға марқұмның әпкесі дәрігерлердің салғырттығы себеп деп налиды. Бақылау болмаған соң денсаулығы нашарлай берген дейді. АЙНҰР НЫШАНБАЙ, марқұмның әпкесі: Бұл жерде бір адам кінәлі емес. По цепочкам. Ол №2 поликлиникадан басталады. Салтанат қарашада тіркелуге екі рет барыпты. Оған айтыпты сенің ИП-ың бар. 40 мың төлемегенсің деп унизительный расписка алып алыпты. Заңды қарастырдым. Онда босанатын, жүкті және особо группа риска олар осы 3-ші категория должны были приниматься без ОСМС. Емханаға тіркеле алмаған Салтанат Нышанбайдың күн өте аяғы ісіп, өзін жайсыз сезінген жағдайын айтып жазған хаттары да бар екен. Амалдың жоқтығынан акушер маманның телефонын алып, ақыл-кеңесін сұрап отырған дейді туыстары. Марқұмның анасы перзентхананың дәрігерлері де қызымды дұрыс қарамады деп күйінеді. ГҮЛЗЕЙНЕП ТОҒЫЗОВА, марқұмның анасы: Менің қызым келгенде высокий давлениемен келген. Бірақ сепсис болмаған. Осы больницаның кесірінен сепсиске айналып кетіп отыр. Осылардың кесірі деп ойлаймын. Содан кейін ұйқыдан қайтып тұрмады. Енді дәрігерлердің салғырттығы сірә да, операция кезінде салғырт болғаннан сол сепсиске айналып кеткен. Менің қызымды ешкім қайтара алмайды. Бірақ дәрігерлер жазасын алса екен деймін. Ақ халаттылар келіншекті кесарь тілігімен босандырып алған. Бір аптадан кейін әйел еc-түссіз қалып, комаға түседі. Бір айдан кейін Салтанат көз жұмған. Ал облыстық перинаталдық орталықтың өкілдері қызметтік тексеріс жүргізіліп жатыр деп қысқа қайырды. ШОЛПАН ЖАПАРҚҰЛОВА, Жамбыл облыстық перинаталдық орталығы бас дәрігерінің орынбасары: Қазіргі уақытта қызметтік тексеріс жүргізіліп жатыр. Соның қорытындысы бойынша шешім қабылданады. Басқа ештеңе айта алмаймын. Күту керек. Айта кетейік, бірнеше тілді еркін меңгерген Салтанат шетелде білім алған. Арманы асқақ, мақсаты айқын еді деп туыстары еске алады. Марқұмның артында 5 жасар қызы мен 1 айлық сәбиі қалды. #Информбюро #31арна #БастыЖаңалықтар #Новости #31канал