Murrizi: Statuti i PD nuk parashikon përjashtim/ Ramaj: Qëndrimi për Ballukun bie ndesh me SHBA-të скачать в хорошем качестве

Murrizi: Statuti i PD nuk parashikon përjashtim/ Ramaj: Qëndrimi për Ballukun bie ndesh me SHBA-të

I ftuar në programin e drekës në News24, anëtari i Këshillit Kombëtar të PD, Myslim Murrizi komentoi lëvizjet e Ervin Salianjit dhe takimet e tij të zhvilluara me qytetarët. Sipas Murrizit, nuk është diçka që i bën dëm opozitës dhe se ka treguar se nuk ka hequr dorë nga angazhimi opozitës. Më tej, ai shtoi se Salianji gjithashtu ka qenë i pranishëm në protestat e organizuara nga opozita, ndërsa nënvizoi se PD duhet të bashkohet. “Duke parë grupin e fundit bel-përdredhës se çfarë nuk thanë për Berishën. Ky grupi tjetër sot i ka hyrë Berishës n sqetull. Mua më ka habitur varianti i vetë-përjashtimit. Sepse nëse nuk do të jesh mund të shkosh ku të duash. Statusi i PD nuk parashikon përjashtim. Kjo gallata e vijës së kuqe nuk është. Kur humb zgjedhjet të kap neni i Lulit, kur mbledh rob të kap neni i Mulit. Lëvizja e Salianjit duhet të kishte edhe të tjerë pas. Ajo anëtarësi nuk ka luks dhe nuk duhet të ketë asnjë jashtë”, u shpreh ai. Avokati Redi Ramaj, anëtar i Forumit të Dialogut Politik, ka folur lidhur me çështjen “Balluku”, duke shprehur shqetësime për gjendjen e demokracisë dhe raportin e mazhorancës me institucionet e drejtësisë. I ftuar në studion e News24, Ramaj deklaroi se, sipas tij, demokracia në vend po pëson regres të vazhdueshëm. “Ditë për ditë po bie demokracia në vend. Ky është shqetësimi ynë. Kur mungon balanca dhe forcohet vetëm një grup i vetëm, rrezikojmë të kthehemi në një shtet autoritar”, u shpreh ai, duke shtuar se pritshmëritë për integrimin europian mbeten të larta, por kërkojnë standarde demokratike funksionale. Ramaj theksoi se, sipas tij, çështja Balluku ka shënuar një ndryshim të dukshëm në qëndrimin e kryeministrit dhe mazhorancës ndaj SPAK-ut. Ai rikujtoi deklaratat e mëparshme të kryeministrit Edi Rama, i cili është shprehur publikisht si mbështetës i reformës në drejtësi dhe i SPAK-ut. “Rasti Balluku tregon se ky qëndrim nuk është i vërtetë, pasi kryeministri ndërhyri në mënyrë brutale kur Balluku u mor e pandehur”, deklaroi Ramaj, duke e cilësuar këtë si një kundërshtim të drejtpërdrejtë të parimeve të reformës në drejtësi. Sipas tij, kjo situatë ngre pikëpyetje mbi sinqeritetin e mbështetjes së qeverisë ndaj institucioneve të reja të drejtësisë dhe reformës së ndërmarrë në këtë fushë. Ramaj shtoi se, në këndvështrimin e tij, qëndrimi i mazhorancës bie ndesh edhe me mbështetjen që Shtetet e Bashkuara të Amerikës i kanë dhënë reformës në drejtësi dhe SPAK-ut. Subscribe në kanalin “News24 Albania” për më shumë lajme:    / news24albania   Website: https://www.balkanweb.com/ Ndiq News24 në Facebook: https://bit.ly/2K4vrI4 Ndiq News24 në Instagram: http://bit.ly/41waTOE Ndiq News24 në X:   / balkanwebcom   #news24albania #lajmeshqip #lajme #lajmifundit #News24AL #news24 #muslimmurrizi #RediRamaj #renaldosalianji #opinion