တရုတ်နဲ့ဆက်ဆံရေးတင်းမာမှုတွေကိုဖြေလျှော့စေဖို့ဘေဂျင်းကိုဂျပန်ကိုယ်စားလှယ်အဖွဲ့စေလွှတ်|People'sSpring скачать в хорошем качестве

တရုတ်နဲ့ဆက်ဆံရေးတင်းမာမှုတွေကိုဖြေလျှော့စေဖို့ဘေဂျင်းကိုဂျပန်ကိုယ်စားလှယ်အဖွဲ့စေလွှတ်|People'sSpring

တရုတ်နဲ့ ဆက်ဆံရေး တင်းမာမှုတွေကို ဖြေလျှော့စေဖို့ ဘေဂျင်းကို ဂျပန်ကိုယ်စားလှယ်အဖွဲ့ စေလွှတ် တရုတ်နဲ့ နှစ်ဖက် ဆက်ဆံရေး တင်းမာနေမှုတွေကို ဖြေလျှော့ဖို့ ရည်ရွယ်ပြီး ဂျပန်ဟာ သံတမန်ရေးဆိုင်ရာ အထူးကိုယ်စားလှယ် တစ်ဦးကို ဘေဂျင်းမြို့ဆီ စေလွှတ်ခဲ့ပါတယ်။ ဂျပန် ဝန်ကြီးချုပ်သစ် ဆာနအဲ တကအိချိက လဆန်းပိုင်းမှာ လွှတ်တော်ထဲ ပြောခဲ့တဲ့ စကားတစ်ခွန်းကြောင့် အရှေ့အာရှ အင်အားကြီး နှစ်နိုင်ငံကြား ဆက်ဆံရေး အေးခဲမှုတွေ အစပြုလာခဲ့တာ ဖြစ်ပါတယ်။ အတိုက်အခံ အမတ် တစ်ဦးက တကယ်လို့ တရုတ်ကသာ ထိုင်ဝမ်ကို တိုက်ခိုက်ရင် ဂျပန် အစိုးရ အနေနဲ့ ဘာလုပ်မလဲလို့ မေးတဲ့အခါ တကအိချိက ထိုင်ဝမ်ကို ကူဖို့ ဂျပန်ရဲ့ ပြည်စောင့်တပ်တွေကို ဖြန့်ကျက်စေမယ်ဆိုတဲ့ အဓိပ္ပါယ်မျိုး တုံ့ပြန် ဖြေကြားခဲ့ပါတယ်။ ဒီကိစ္စက တရုတ်အတွက် အကြီးအကျယ် ဒေါသထွက်စရာ ဖြစ်စေခဲ့တာပါ။ ဒါကြောင့် ဂျပန် သံအမတ်ကြီးကိုပါ ဆင့်ခေါ်ပြီး ကန့်ကွက်ခဲ့ပါတယ်။ တစ်ဖက်မှာလည်း တရုတ် ကောင်စစ်ဝန် တစ်ဦးက တကအိချိရဲ့ စကားကို လူမှုကွန်ရက်ပေါ်မှာ ဝေဖန်တဲ့အခါမှာ ထည့်သုံးခဲ့တဲ့ စကားပုံ တစ်ခုက ဂျပန်ဝန်ကြီးချုပ်ကို ခေါင်းဖြတ်သင့်တယ်ဆိုတဲ့ သဘောမျိုးပါ အဓိပ္ပါယ် နှစ်ခွ ထွက်ခဲ့လို့ ပြဿနာတွေ ပိုရှုပ်ကုန်ပါတယ်။ အဲဒီနောက် တရုတ်က နိုင်ငံသားတွေ အနေနဲ့ ဂျပန်ကို လည်ပတ်တာမျိုး မလုပ်သင့်ကြောင်း တိုက်တွန်းခဲ့သလို တရုတ်မှာ ရုံတင်မယ့် ဂျပန်ရုပ်ရှင်တွေကိုလည်း ဆိုင်းငံ့ထားဖို့ အမိန့်ပေးခဲ့ပါတယ်။ ဒီအခြေအနေက ဂျပန်ရဲ့ ကမ္ဘာလှည့် ခရီးသွား လုပ်ငန်းအပေါ် သိသိသာသာ ထိခိုက်စေပြီး ဂျပန်စီးပွားရေး လုပ်ငန်းတွေရဲ့ စျေးကွက်ရှယ်ယာ တန်ဖိုးတွေလည်း အကျဖက် ဦးတည်သွားစေခဲ့ပါတယ်။ တကအိချိကတော့ သူ့ရဲ့ စကားဟာ တရုတ်ကို ရန်စဖို့ မရည်ရွယ်ခဲ့ဘဲ ဂျပန်ရဲ့ ရှိရင်းစွဲ ရပ်တည်မှု မူဝါဒတွေကိုပဲ တိတိကျကျ မှတ်ချက်ပေးခဲ့တာ ဖြစ်တယ်လို့ ဆိုပါတယ်။ တရုတ်ကတော့ ထိုင်ဝမ်အရေးမှာ ဂျပန်ကသာ တကယ်ပဲ စစ်ရေးအရ ဝင်စွက်ဖက်ရင် မရှုမလှ ရှုံးနိမ့်မှုမျိုး ကြုံသွားစေရမယ်လို့တောင် ခြိမ်းခြောက်ထားပါတယ်။ တင်းမာမှုတွေက ဆက်တိုက် ပိုတိုးလာနေတဲ့နောက် ဂျပန်ဟာ နိုဝင်ဘာ ၁၇ ရက်နေ့မှာတော့ နိုင်ငံခြားရေး ဝန်ကြီးဌာနရဲ့ အာရှ-သမုဒ္ဒရာပိုင်းဇုန်ရေးရာ အကြီးအကဲ “မာဆာကီ ကာနိုင်”ကို ဘေဂျင်းဆီ စေလွှတ်ခဲ့ပါတယ်။ သူက တရုတ် နိုင်ငံခြားရေး ဝန်ကြီးဌာနရဲ့ နိုင်ငံတကာ စီးပွားရေး ဌာနခွဲ ဒု-ညွှန်ကြားရေးမှူးချုပ် လျူကျင်ဆောင် အပါအဝင် တရုတ် အရာရှိ တချို့နဲ့ ဆွေးနွေးမှုတွေ လုပ်သွားမယ်လို့ ကျိုဒို သတင်းဌာနက ဖော်ပြခဲ့ပါတယ်။ မာဆာကီ ကာနိုင်ရဲ့ မစ်ရှင်က ဂျပန်ရဲ့ လုံခြုံရေး မူဝါဒဟာ ရုတ်တရက် အပြောင်းအလဲ ဖြစ်သွားတာမျိုး မဟုတ်ကြောင်း ရှင်းပြဖို့၊ လက်ရှိ ပြဿနာတွေ ပိုဆိုးမလာအောင် ထိန်းထိန်းသိမ်းသိမ်း ကိုင်တွယ်ရေး တရုတ်ကို ညှိနှိုင်းတောင်းဆိုဖို့ ဖြစ်နိုင်ပါတယ်။ ကာနိုင်ဟာ တရုတ်အနေနဲ့ သင့်တော်မှန်ကန်တဲ့ အဆင့်တွေကို လုပ်ဆောင်ဖို့ တိုက်တွန်း တောင်းဆိုခဲ့တယ်လို့လည်း အစိုးရ အတွင်းရေးမှူးချုပ်ရုံး ကြေညာချက်မှာ ပါရှိပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴   / subscribe   𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗧𝗲𝗹𝗲𝗴𝗿𝗮𝗺 - https://t.me/peoplespring #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA