郭子豪娶鄧卓殷突堂爆喊 鄧卓殷盼二人世界四老有盤算 скачать в хорошем качестве

郭子豪娶鄧卓殷突堂爆喊 鄧卓殷盼二人世界四老有盤算

郭子豪娶鄧卓殷突堂爆喊 鄧卓殷盼二人世界四老有盤算 郭子豪 同2018年港姐亞軍兼最上鏡小姐 鄧卓殷 拍拖6年，平時唔止成日昵恩愛，近年更齊齊經營影片頻道。去年情人節公開已訂婚嘅佢哋，4月19日終於正式拉埋天窗，早上於薄扶林一間教堂舉行證婚儀式，晚上則於中環一酒店舉辦婚宴。 一對新人傍晚以一身禮服同傳媒見面，新娘Amber一襲簡約婚紗現身輕露玉背，同Arnold齊齊展現幸福到爆嘅笑容，又應要求甜蜜擁吻供傳媒合照，之後接受訪問時亦分享早上迎親嘅細節。 Arnold就指為準備接新娘、證婚儀式同晚宴嘅感言，所以前一晚緊張到只瞓得個多小時。而新娘子Amber同樣瞓得2個鐘，仲話緊張到連自己心跳都聽到。高大威猛嘅Arnold仲自己爆，前一晚上頭儀式時已經不停喊，直到今日於教堂未行禮已喊到腳軟喇。 Amber就笑指Arnold一向感情眼淺，由爸爸挽手陪同步入禮堂時自己亦相當感動，更首次大庭廣眾擤鼻涕有啲失禮咁話。佢又公開爸爸送嫁時嘅一句說話，講起都幾乎流淚，而兩人都指對方誓言非常感動呀。 Arnold朝早接到靚老婆之前，當然亦要經過姊妹團嘅遊戲，其中要認唇印、又要矇住眼除做瑜伽動作兄弟身上嘅胸圍，諗起都笑聲四起呀。呢對年青夫婦又指，暫時未有生兒育女計劃，打算先好好享受二人世界，不過就話雙方家長不停轉Amber手上嘅龍鳳鈪，因為有寓意「轉多幾個圈，抱多幾個孫」喎。 #郭子豪 #鄧卓殷 #2018年港姐亞軍兼最上鏡小姐 #結婚 #迎親 #喊到腳軟 #當眾擤鼻涕 #認唇印 #除兄弟胸圍 #狂轉龍鳳鈪 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0