WAR CUSUB: Trump oo xabsiga u taxaabay Maduro iyo xaaskiisa - Maxaa dhici doona? скачать в хорошем качестве

WAR CUSUB: Trump oo xabsiga u taxaabay Maduro iyo xaaskiisa - Maxaa dhici doona?

Madaxweyne Donald Trump ayaa ku dhowaaqay in Maduro iyo xaaskiisa lagu keenayo magaalada New York iyadoo la raacinayo markab dagaal. Mareykanka ayaa duqeeyay caasimadda Venezuela ee Caracas. Trump ayaa ku dooday in weerarku uu ahaa hawlgal milateri oo noociisa aan la arkin tan iyo Dagaalkii Labaad ee Adduunka, ujeedkiisuna uu ahaa "in diktaatoorka Maduro hortaas la keeno caddaaladda." Isagoo hadalkiisa sii wata wuxuu yiri: "Way ogaayeen inaan imanayno, markaasay diyaar ahaayeen, laakiin si degdeg ah ayaa loo hawl-gabiyay." Trump, isagoo xaqiijiyay in dhanka Mareykanka uusan jirin wax khasaare nafeed ah, wuxuu sheegay in kasta oo la adeegsaday helikobtaro iyo diyaarado dagaal oo fara badan, haddana midkoodna uusan waxyeello soo gaarin. Trump wuxuu tilmaamay inuusan doonayn in qof kale uu soo dhex-galo Venezuela ama ay soo noqoto xaaladdii adkayd ee halkaas ka jirtay sannadaha badan, wuxuuna yiri: "Waan sii xukumi doonnaa dalka (Venezuela) ilaa inta aan ka gaarayno xilli aan samayn karno isbeddel ammaan ah, ku habboon, oo caqli-gal ah." Isagoo sheegay inay dadka Venezuela u rabaan nabad, xorriyad iyo caddaalad, ayuu Trump yiri: "Uma oggolaan karno qof kale oo aan ka fekerayn danta shacabka inuu la wareego Venezuela. Ma oggolaan doonno inay taasi dhacdo." Trump ayaa sheegay in Maduro iyo xaaskiisa Cilia Flores ay Maxkamadda Degmada Koonfureed ee New York ku soo oogtay dacwad ah "narco-argagixisada dhimashada leh ee ka dhanka ah Mareykanka iyo muwaadiniintiisa." Wuxuu intaas ku daray inay hadda saaran yihiin markab ku sii jeeda New York, iyadoo go'aanka meesha lagu maxkamadaynayo uu u dhexeeyo New York iyo Miami.