Həbs edilən şəxsin günahı yox imiş - Xaçmazdakı faciənin 4 il sonra qurulan məhkəməsi - Şok qərar! скачать в хорошем качестве

Həbs edilən şəxsin günahı yox imiş - Xaçmazdakı faciənin 4 il sonra qurulan məhkəməsi - Şok qərar!

Söz açacağımız bu cinayət işi baş verdiyi andan məhkəmə zalınacan, kimlər üçünsə elə bu günəcən şübhəli bir hadisə olaraq qalır. Ölüm baş verir, əvvəlcə bu hadisə bədbəxt hadisə kimi rəsmiləşdirirlir, 4 il sonra iş təzələnir və bir şəxs həbs olunur... Həmin şəxs isə məhkəmədə yenidən bəraət alır... Şimal regionunda illərlə danışılan bu müəmmalı işə yenidən baxış keçirək... 2005-ci ilin oktyabrın 25-dən 26-a keçən gecə... Xaçmazın Qusarçay kəndi... Gənc Rafiq Əliyev bir neçə ay əvvəl nişanlandığı Mirvari ilə görüşmək üçün onların evinə gedir... Nişanlılar otaqda olarkən birdən dəhlizdən addım səsləri gəlir. Onlar düşünür ki, gələn Mirvarinin qonşuya gedən anasıdır. Qız ürəklə qapını açır və "Nazim!" deyib yıxılır... Sərxoş vəziyyətdə olan Nazim adlı şəxs isə otaqda Mirvarinin nişanlısı Rafiqi görüb oradan qaçır... Rafiqin dediyinə görə o, əvvəlcə huşunu itirən Mirvariyə su gətirir, onu oyadır, sonra isə Nazimin ardınca küçəyə çıxaraq qaça-qaça onu axtarır... Bu arada onu da qeyd edək ki, Nazimin Mirvarigilin evinə niyə gəldiyi və Mirvarinin niyə "Nazim!" deyərək huşunu itirdiyi bizə də bəlli deyil. Davam edək... Bu hadisə oktyabrın 25-i gecə baş verir. Oktyabrın 26-da isə gecə sərxoş halda Mirvarigilə gələn Nazimin anası hüquq mühafizə orqanlarına dəvət olunur. Və ana orda bilir ki, oğlu ötən gecə qatarın altında qalaraq ölüb. Nazimin meyiti kənd sakinləri tərəfindən ayağı bədənindən qopmuş şəkildə qatarın altından tapılıb. Nazimin anası Süsən Verdiyeva həmin gecə baş verənlərdən danışarkən deyir ki, həmin gecə saat 1-2 radələrində Mirvarinin nişanlısı Rafiq təngnəfəs onların həyətinə gəlib. Deyib ki, az əvvəl qayınanasıgildə sevgilisi ilə görüşdüyü an onun oğlu Nazim evə girib. Bu, mənim namusuma sataşmaqdır. Nazimi öldürəcəyəm. Bunu deyib, evdən çıxaraq gedib. Nazim həmin gecə evə gəlməyib və Sabah səhər saatlarında isə onun qatarın altında qalaraq öldüyünü öyrənib. Davamı TV11-in "11-ci teleşöbə" verilişində...